ارجو منكم ان تشيروا الي !

[sss6538]

السلام عليكم و رحمة الله و بركاته ..
انا طالبة من دفعة 2011 كان طموحي ادخل كلية الصيدلة لكن انقبلت بعد التحضيري في كلية العلوم و كملت سنة فيها و جبت معدل فصلي : 4.9 عشان يرتفع التراكمي الى 4.5 و حولت لكلية التمريض(مع ان معدلي كان يقبلني في اي كلية ثانية.. بس ماكانت تفرق معاي ف الاول للاسف, لاني كنت ابغا تخصص صحي و بس !!)الآن بعد ما تعمقت في التخصص لقيت انه بعيد كل البعد عن ميولي و قدراتي الشخصية .. خصوصا بعد ما نزلنا المستشفى !!

سؤالي هو : هل اقدر اسحب هذي السنة و احول السنة الجاية من جديد ؟ او احول لجامعة اخرى و اغير تخصصي ؟ اي شيء اقدر اسويه عشان الحق على نفسي بدل ما اضيع سنوات دراسة في تخصص ما اقدر اتميز فيه !!




الله يوفق اللي يساعدني و يكتب له الخير !

[غريب عزيز]

إللي بعرفه إن الجامعة ما تقبل التحويل لأكثر من مرة لكن إسألي في القبول والتسجيل أفضل عشان تكون عندك معلومة أكيدة وممكن يلاقو حل لمشكلتك

تحياتي ،

[THE HILL]

برأيي انك لا تسحبي ولا تحولي لجامعه ثانيه

حولي لتخصص زي التغذيه والمختبررات لانك لو حولتي صيدله حتطول سنين دراستك الاكاديميه فيها
الا اذا متعلقه ف الصيدله فهذا شي ثاني


اتوقع معدلك عالي وتقدري تحولي بس لازم تحويلك المره دي يكون بعد استشارات و جهد منك عشان توصلي للي تبغي وماتطلبي تحويل مرة ثانيه

اللي اعرفه التحويل مرتين او ثلاث كحد اقصى " برضو اسالي عشان تتاكدي "


خبرتك اللي درستها ف التمريض لا تستهيني فيها ابدا لانها خبرة قويه " تفوق اللي عند بنات الصيدلة والكليات الصحيه لانكم نزلتو المستشفى واخذتو مواد كثيرة "

دراستك سنه ف التمريض اعتبيرها زياده خبره وما تعتبر ضياع سنه يمكن عدم ارتياحك وعدم توافقها مع قدراتك خلاكي تفكري تحولي

الله يوفقك يارب وييسرلك امرك ...

[sss6538]

آميين يا رب و اياكي ..
عن جد استفدت من كلماتك !! يعطيكي العافية

[Rañdøm]

الجامعه تقبل التحويل لكن ح يكتبوك زي الاقرار كدا انو خلاص ما تحولي مره تالته ومدري ايش
شوفي الي اعرفه ان التحويل من التمريض للصيدله مو مره مره معقد لان شفت 4 بنات او 5 حولو ف انتي روحي واستفسري خليكي ورا الموضوع وبالتوفيق
لاحد يقلك استمري ومدري ايش وقيدو عدت سنه
اهم شي انتي فين تبغي وفين رغبتك
بالتوفيق :)