{B!ochemistry }==> تجمَـع ..

[نسيم الوجود]

الســـــــلامـ علــيكمـ




وآحنـآ وين كـآن تجمعنــآ ؟؟


يآلله شـدوآ الهممـ يـآ آهل البـآيوكمستــري ..

سويت تجمع لان اغلب المعلومات عن تخصصنـآ وموآدهـ في موآضيع مفرقه .. دخت وآنـآ اقلب في الصفحآت ..

يالله انآ بسألـ ..

انـآ نزلي في جدولي ..لغه عربيه ومعمل احياء عآمه ..وشفت الخطه الدرآسية للقسمـ وشفت الهوآيل

المهمـ للي جمعوآ معلومآت عن موآد زي الايض العام ..الانزيمات ..امن وسلامه المختبرآت .....الخ

يعني عن مدى صعوبتهـآ عن دكتورآتهـآ .. لاني مآأعرف كيف برتب جدولي وانا مااعرف عن المواد شي !! واللي رتبت جدولها الحين ممكن تحطه عشآن نشوف وممكن اسوي زيهآ وارتاح ..



وبسأل كمآن في الحذف والاضآفه ..يعني اقدر اضيف ماده من المستوى الخآمس الى الثآلث وزي كيذآ








أي احد بيحط معلومة هنـآ .. حتى لوكآنت صغيرة تذكروآآ آنهـآ رآح تفيد غيركمـ ..







نسيمــ

[نسيم الوجود]

هذي معلومات عن بعض الدكتورآت من آعضاء في بعض الموآضيع ..

للعضوهـ R-kh <<<الله يعطيهـآ الف عآفيه والله ماتقصر بالقسمـ دآيمـ ترد على الاعضـآء

ستاف البيوكمستري الحمدلله كلهم كويسين ... انا اقولك اللي اخدت معاهم د.سوسن خوجة ~ طيبة وتعاملها حلو بس لما تعصب لا تدوري عليها د.نجوى الصاوي~ تحدد الدورة في الاختبار بس فيها شي يقهر انها تجيب من برا المنهج د.وديعه بكر ~ شرحها رائع بس اسئلتها غريبة عجيبة أ.الفت شيخ~ شرح لا يعلى عليه بس لما تعصب مرررة تتغير أ.مريم الزهراني~ طيييييبه بمعنى الكلمة وشرحها حلو أ.وجدان الدعجاني~ ممتازة انا بس حضرت معاها لاب واحد أ.خديجة بالعمش~شرحها كويس بس انها سريعة ودقيقه في التصحيح وبس دول اللي مروا عليا

العضوه نوني

سوسن خوجه بصراحه كل شرحها من السلايدات بس اسئلتها مره تجنن وحلووه في الدوريات تجيب اختياري وصح وخطأ وارسمي بس في النهائي تجيب اختياري وصح وخطأ من غير رسم هنااء قشلان اسوأ دكتوره مرت عليا بحياتي كلهاا اول شي شرحها مو مره حلوو ثاني شي تجيب في الدوريات اختياري بالعدد 3 فقرات والباقي اشرحي وارسمي وفراغات تتعبي الين تلقي حلها كله كتابه يعني <<لاتاخذي عندها ابدا سوسن محاسني انسانه رائعه بمعنى الكلمه وتضمني درجاتك معاها بالراحه اكتبي معها المحاضرات اول بأول وذاكري منها بالضبط تجيب الدوريات منها كلها تجيب اختياري وتجيب فراغات مره سهله وحلوه وممكن تجيب لك رسمه سهله مره وتعطي بونس اذا عندك من الاختبارات حقت السنوات اللي راحت تفيدك كثير لانها احيانا تجيب نفسها ماتغير ولاشي وجدان الدعجاني اخذت معمل معها انسانه رائعه ونفس الشي تضمني درجاتك اسئلتها حلووه وسهله مره اميمه نيازي دكتوره سيئة التعامل لابعد درجاه وترفع الضغط في الدوريات تجيب 4 او 5 نماذج عشان تلخبط البنات وتغير في الاسئله كثير وتكون ملخبطه لابعد درجه ولازم تصححين الخطأ اذا كان في صح او خطأ تقريبا هذولا اللي مروا عليا بس ادعوا لي ربي يجمعني باللي اتمنااه قريب عاجلا غير اجل اميييييييييييييين ياااارب

العضوه ليالي الجامعه

د/سوسن محاسن اخلاقها جدا رائعه وطيبه وتخاف الله قبل كل شيء واسالتها من شرحها اكتبي كل كلمه تقولها وممكن تكتبيها من عندها ما تقول لا بس لازم يكون عندك اسئله د/سوسن خوجه خلوقه وتحب التعاون بس لازم تحفضي أ/معامل جدا خلوقات هم كالتالي : مريم الزهراني - خديجه بالبيد- آيات (الصغيره )نسيت لقبها - ودام - د/ جدا سيئااااات هم كالتالي : هناء قشلان حسبي الله عليها ما ادري ليش التكبر حرام عليها ما تعرف غير تصيب البنات بالتوتر داخل المحاضره وتعاملها زي الزفت ولا تعرف التواضع وديعه / ودعيها ولا تاخذي معها شيء اسم تعامل مافيييي فقط هذا الي اعرفه

^

الله يعطيكم الف الف عآفيه وتصيرون دكتورآت اد الدونيـآ ..



اللي يشوف ردود اعضاء عن الدكتورات والموآد يسوي اقتبآس ويكتب اسم العضو ..والله بنستفيد ..




نسيمـ

[نسيم الوجود]

معلومة عن مادة كيمياء عضويهchem230

للعضوة batbot

في بداية المنهج تاخذوا انواع التفاعلات بصفة عامة وانواع التهجين وبعدين تاخذوا طريقة تسمية المركبات العضوية وبعدين تاخذوا كل مجموعة مركبات عضوية وتفاعلاتها زي الالكان والكين والكحول......

^
الله يعطيهـآ العآفية ..





نسيمـ

[نسيم الوجود]

فيه نـآس من المستويـآت اللي آعلى مننـآ تنصحنـآ اننـآ نسوي جدولنا زي الخطه اللي منزلينهـآ ..


آبغى رآيكمـ ؟؟

[زينه ونحول]

لآآآ خبـــــره .. حالي زي حالتك ..
بس البنات مايقصروا ^__^

[نسيم الوجود]

الصرآحه مدري وين رآحو اللي صوتو للكيمياحيوي :(

احس اني مع نفسي :(
......

العضوه ذآكرهـ الله يعطيها العافية تتكلم عن مادة امن وسلامة مختبرات

مادة سهلة مرة تتكلم عن كيفية العمل في المعامل والاجراءات الاحتياطية اللي ممكن تتخذها وإيش التصرف الملائم لكل موقف يعني شي من الحياة اليومية بالراااحة تجيب الـ 100 فيه بالنسبة لنا كانت الدكتورة مرة متعاونة والأسئلة سهلة مرة mcq و صح وخطأ يعطوك ملازم حتى لو قرأتها قراءة قبل الامتحان تحل ان شاء الله وزي منت عارف ان المادة بالانجليزي

نسيمـ

[نسيم الوجود]

الأيض العام


الانزيمات


بيولوجيا الخلية


^

احد عنده معلومات عن هذي الموآد ؟؟

[DR.ABDULLAH]

يعطيكم العافيه ماقصرتوا ,,,نستفيد من بعض...بس احس ما في ولد الا انا في الكيمياء الحيوي...وينكم

[abdullah bas]

موجودين هنا

[نجمة بحر]

الله يعطيكم العافيه والله ماقصرتوووا