جــــــــــــــــرح الصــــــــــــداقة..!!

[.,.نيــــــــــــــــــــران.,.]

السلام عليكم والرحمة

الجميع هنا بلا استثناء قد مر بتجارب عديدة في حياته

تعلم منها الكثير وربما خرج بالأفضل بعكس ماهو ظاهر للغير

اليوم تحديدا حكت صديقة لي مامرت به من طعنة أليمة من نديمتها المقربة :(

أستمع إلى من مر بتجربة مماثلة وقد يستمع الكثيرون لكن لانخرج إلا بالشفقة والحزن على الحال

هنا أريد ممن مر بتجربة أو مر بها قريب له أن يتفضل و يحكي لنا تجربته وسببها وماذا خرج بجانب "مشرق" منها إن لم يكن هناك حرج..!!

في انتظار مشاركتكم

أرق التحايا

هذا إهداء متواضع بالمناسبة :)

[مني يغار الورد]

موضوع رائع مناسب للفضفضة
شكرا على الإهداء

[قاهر المتكبرين]

عندي تجربة بالغة القوة .. لكنها آثارها شخصية للغاية ومن الصعب جداً أن تحكى .. لكن باختصار شديد .. وكلامي موجه للشباب والبنات ؛ بلا صداقة بلا كلام فاضي .. محنا عايشين في أفلام الكرتون عشان نتعلق بشعارات على غرار : الصداقة كنز ، والأصدقاء أهم شيء في الحياة ، ولابد من وجود صديق مقرب ومفضل إلخ إلخ ..

هالزمن ما راح ينفعك أحد إلا واحد من دمك .. غير كدا كله يبغى يشفط دمك .. لا تعطي ثقتك لأحد ولا تصادق أحد صداقة عمياء .. طبعاً لا بأس بالزمالة والمعارف وكل ما زادوا كان أحسن .. لكن الصداقة .. نووووووو ..

[.,.نيــــــــــــــــــــران.,.]

مني يغار الورد مرورك رائع عزيزتي أشكركـ

كوني بالقرب :)

...................

قاهر المتكبرين لاأعلم إن كنا نحن من إذا سقط مرة بقي طوال دهره ساقطا..!!

قرابة الدم قد تكون أعسر وأقوى ألما من غيرها..

إنما نحن بشر نعاصر الألم والفرح
ومثلما خلق الخبيث فقد خلق الطيب

أتمنى لك حياة موفقة :)



للجميع أعلم أنه موضوع وسؤال جارح على من قد يقرأه

دعونا نتصور غير ذلك ولو بالمحاولة

دمتم بحب

[بدرالبدر]

عندي واحد ماني عارف هو موسوس ولا يتوسوس .. اهبل ولا يستهبل ..

صاحبي من ايام الطفوولة ... كل شيء يبغاه اعطيه ولو يطلب عيني ..

اكبر منه بسنة .. ماعمري كرهته .ومستحيل اكره اصلاً ..

يزعل بسرعه ويفهم كل شيء غلط ..

هو شخص شهادته متوسطه .. طلب مني ادرسه مادة العلوم والرياضيات والاملاء .. قلت ابشر ودرسته وتعبت معاه والله تعبت بذلت جهد كبير عشانه ...

وطلب مني اعلمه الحاسب والنت وو ..الخ .. وايضا قلت له ابشر وضيعت وقتي عشانه من سنة 2002 الى 2009 ونا اعلمه وماعمري بخلت عليه بأي معلومه ..

فهمته كل شيء من اصغر حاجه الى اكبرها ...

والله تعبـــــــــــــــــــــــــــــت جداً لكن انا استحمل لانه صديقي وابغاه يتعلم ويدرس ويكون شخص فاهم .. والله اني اتمنى بان يكون افضل مني بكل شيء .....الـــــخ

وبدأت اعلمه كيف يهتم بالقراءه واعطيته كتب كثيره .. والحمد لله صاار يقرأ كثير وتفتح عقله وصار مثقف ومهتم وعنده ادراك ووعي افضل من اول ...

واغلب الكتب مايرجعها لي .. يماطلني فيها .. قلت له خلاص فداك الكتب .. واشترت له كتب زيادة .. واشتريت له خاصةً كتب علم النفس لانه يحبها بشكل رهيب ... ................الـــــــــــــــــــــــخ

---

في احدى الايام سوى فيني مقلب غبي وقعد يسبني ويشتم وووو ....الخ

وارسل لي رساله على الاميل واعطاني كلام جامــد يهز الارض...!! <<< ماني عارف ليش يسوي كذا ..!

وانا مارديت عليه الا بـ ابتسامه فقط !!! .. لاني مابغى اجرحه.. لساني طوله تسعه متر ونص ولو تكلمت راح احطمه وامسح كيانه.. فــ افضل شيء السكوت ..

المهم زاد عادها ثاني مره وبروضوا سكت ومارديت عليه .. والله طفشت من هذه الحركة مره الاسلوب جداً بايخ .. بس عاد ايش اسوي رفيق العمر ولازم اتحمله ..

لما سألته ليش تسوي كذا يقول مقلب!!! <<<<<حاجه تضحك صراحه ...!

فهمته يابن الناس مايصير تسوي كذا عيب عليك تشتم وتستهبل وفي النهاية تقول امزح معك وابغى اختبرك؟؟ وقعد يضحك وماعتذر !! ... خلاص نسيتها انا .. فدى عيونه ..

قبل عدة اشهر شك فيني شك كبيـــــــــــــــــــــــــــــــــــــــــــــــ ـــر والله ياراسي كان بينفجر .. معقولة ياصاحبي تشك هذا الشك!! ..استغفر الله !!

برضوا مشيتها له ... وبلعتها وسكت ... وهذا كله عشان لا اخسره ايضاً..

مزحت معه وزعل من مزحي خير شر وفهم المزح بشكل غلط وكرهني مره!! << مع ان المزحه بسيطة جداً وتافه لاابعد درجه ,, وكمان هذه المزحه دايم امزحها معاه .. ايش المعنى يزعل اليوم!!

والى الحين ماصار يكلمني ..

خلاص انا طنشته .. ايش اسوي فيه اكثر من كذ!!

الحين مابيننا اي كلام ... مع اني احبه عادي ولو يرجع بأي وقت حياه الله ..(بس ماراح احبه زي أول)

مااعطيته بلووك على الماسنجر ..عشان اعطيه فرصه يعتذر ..

وارسلت له رساله (ياخوي شفيك زعلت حققك علينا ومن هالكلام اعطيته ..) مارد علي ولابنص كلمه ...

الان خلاص والله النفس طابت ماعاد ابغاه ... و مستحيل اني ارجع له ولو يدق راسه باكبر سماء.. وحتى لو رجعت ماراح احبه مثل اول ..

||( اقبل الرجوع فقط لأننا مسلمين))||


------------------

وماذا خرج بجانب "مشرق"

اللي تعلمته شيء واحد .. لانعطي الصديق شيء اكبر من حجمه.. وفي نفس الوقت ننسى ولا نشيل في قلبنا شيء .. والايام ترجعه .. واذا مارجع في غيره كثير ...



شكراً اخت نيـران ،،




انتهى .،

[قاهر المتكبرين]

والله أخوي الحبيب بدر البدر صدقني أنا أكثر من يفهم موقفك .. ما تقوله يشبه تماماً ما حصل معي ولكن على نطاق أضيق قليلاً ..

نصيحتي حتى لو حاول يرجع لك لا تخليه ..هالأشكال تعاني من مرض نفسي خطير للغاية يسمى "النرجسية" ..

[.,.نيــــــــــــــــــــران.,.]

أهلا بك أخي الفاضل بدر البدر

حقيقة قرأت قصتك مع صديق الطفولة الذي لاأعلم ماهو الذي جعلك تختار رفيق مثل هذا!!

ربما هناك أشخاص لاسبب معين أوجدهم في حياتنا سوى أنهم أرواح اتحدت مع أرواحنا وتمازجت مع ذواتنا إلى حد البقاء معهم وتحمل أذاهم "بصدر رحب" وهذا ماأظنك كنت فيه..

إن كان هناك صديق بصفاتك التي ذكرت فهو صديق لو وضع في كفة ووضع كل من في الكون في كفة أخرى لرجحت كفة ذلك الصديق!!
يشترى بماء الذهب فعلا

خصوصا أنه مازال عندك فرصة للرجوع بعد كل ماجرى "والايام ترجعه - حتى لو رجعت - تركك اياه في المسن وأتوقع أشياء أخرى"

"اللي تعلمته شيء واحد .. لانعطي الصديق شيء اكبر من حجمه.. وفي نفس الوقت ننسى ولا نشيل في قلبنا شيء .. والايام ترجعه .. واذا مارجع في غيره كثير ..."

استفادة رائعة أوقن أنها في مكانها ..

كفى بك فخرا أن نقلت وعلمت إنسانا جاهلا فذلك عند الله شيء عظيــــــــــم


شاكرة ومقدرة لك وضع تجربة لامسها واقعك بين يدينا
خصوصا لعضو قدير كحضرتك

أرق التحايا ..

...........

قاهر المتكبرين مرحبا بك مرة أخرى :)

الموضوع متاح للنقاش"

[Miss BoooM]

موضوعك جدا رائع ومفيد اختي نيران .......

بدر البدر ...

قصتك جدا احزنتني لاادري لماذا هذا التصرف من صديقك بالرغم من تعاملك الراقي معاه .... ربي يعوضك بخير منه


تقبلو مروري ودمتم بود .......

[.,.نيــــــــــــــــــــران.,.]

مس بووم الرائع هو تواجدك معنا

:)

تحياتي لك

[vuirs]

يسلم يداك على الموضوع