تغيير الدوام

[afnan.a.n]

السلام عليكم و رحمته الله و بركاته

زي ما شوفتو جداول التاهيلي نزلت و غيرو الدوام

في مجموعة اخذت من 2 لي 8 من دون ساعات راحة
و في مجموعة اخذت من 3 لين 10 بساعات راحة ( زيادة عن الحد )

نحنا اول ما قدمنا على السنة التاهيلية كان الاتفاق انو ندوام من 12 لين 7
و فجاة غيرو الدوام من دون سابق انذار

و في مجموعة كبيرة سحبت الترم
و في مجموعه اهاليهم مارضيو على الدوام

مو معقولة يكون الدوام بدا الشكل كدة صرنا الانتساب

فنحنا نقدم شكوى بتغير الجدول و الدوام

نقدم معروض يحتوي على طلب لتغير الدوام و كل بنات التاهيلي يوقعوعليه
و نحاول نجمع اكبر قدر من التواقيع حتى ينقبل المعروض

فياريت كل وحدة موافقة على الموضوع تدخل و تقول انها موافقة

عشان نحل المشكلة في اسرع وقت ممكن

اتمنى الكل يدخل لانو موضوع فيه مصلحتنا

و شكرا لحسن تعاونكم

[سوار]

انا من وحده الى تسعه وهيا تلات محاضرات وعلى بال ما اوصل البيت صارت عشره انا كلمت صحباتي بكره حنروح الشؤون

[afnan.a.n]

خلاص نحاول نكلم كل البنات و نروح
كل ما زاد العدد كان احسن

[سوار]

طيب ان شاء الله

[Habo0oshe]

معاكم يا أفنان وحنكلم البنات .. بس قوليلي متى نروح نشتكي

حسبي الله ونعم الوكيل

[M!Ss AmoOoLa]

هما غلطآنين لانهم ماطبقو هاالنظآم من بداية السنه صدق هبل

[ضربة شمس]

وجع يوجعهم امين
حتى احنا الاولاد مره الدوام طويل مره مره ومعقوله الإنجليزي 3 ساعات متصله !!
طيب كيف احنا نجي نشتكي معاكم ؟
يعني لو حتوقعوا على ورقة او شي والله قدام معاكم
دوام فاشل وربي من 1 الين 9 كل يوم ايش دا !!

[al3sola_4ever]

بجد الموضوع ماينسكت عليه يابنات
انا معاكم

[ROoOFaNA]

الله يعينكم
دوام جدا سئ
وان شاء الله يغيروا لكم هو

[afnan.a.n]

انا راي موضوع انو نروح الشؤون ما ينفع

نحنا لا نلف و ندور نروح للمسؤول على طول

نحنا نكتب معروض و نمررو على بنات التاهيلي كلهم و يوقعو و نرفعو لرئيس القسم نفسو

يصير كل في مجموعة وحدة تمسك المعروض و تمروو على البنات عشان نغطي كل المجموعات و ما تصير لخبطة

و نحنا نبدا من دحين عشان على السبت نقدمو و في اسرع وقت نخلص من الموضوع دا

بس يبغالنا متطوعين يساعدوني عشان يستلمو موضوع معايا

و نفس شيء الاولاد يكتبو معروض و يوقعو عليه كلهم يرفعو