الفرق بين الجنوب والشمال ؟!

[Ahmad k]

السلام عليكم..
هل في فرق في انو الواحد يخش هندسة فرع الرذيسي او الشمال ؟!!
ولا نفس الشيء ؟!!
و ايش تنصحو الواحد لأيت فرع و ليش ؟!!
و شكرا مقدما..

[Ahmad k]

علما بانو التخصص الى ابغى موجود في الفرعين و المسافة ماتفرق معايا.. :)

[سملّق :)]

كويس وانا عندي سؤال في نفس موضوعك ..

من بعد اذنك طبعاً سيدي الكريم :)

،،،،

أنا سمعت ان النسبة الخاصة في فرع عسفان ( تختلف ) عن النسبة الخاصة في الفرع الرئيسي .. هل هذا الكلام صحيح ؟

واذا صحيح ، فكم النسبة الخاااصة في فرع الشمال .. ؟

ياليت صاحب الخبرة والمعرفة يجاوب الله يجزاكم خير ..

او ياليت أحد ينزل لنا صورة من القبول دفعة 11 .. كوثيقة على صحة هالكلام ..

والله يوفق الجميع :)

[ططال عمري]

لا ابداً مآفي فرق
كلها لها نفس الاعتمادات الدولية =)

و لكن سمعت كلام من دكآترة .. يفضلون طلاب فرع عسفآن لان آلكلية آلصغيرة و الشعب فيها عدد قليل مقارنة بالفرع الرئيسي .. و بـ آلتآلي آستيعآبهم حـ يكون آكثثر و مجآل آكبر لـ طرح آلآسئلة و آلمعرفة آلشخصية مع الدكتور =)

و صحيح آن نسبة طلاب فرع شمال جدة آكبر
و آتذكر كآنت نسبتهم 83 فاصلة شويآت
و آلفرع آلرئيسي 80 فآصلة شويآت

و مآ عندي آلصورةة للآسسف ي بآشآ

[Ahmad k]

اهاااااا...
والله الموضوع مرا محير...
وشكراا على الردود..
و ان شاء الله نختار القرار الافضل في النهاية.. :)

[abody-vip1]

النسبة الخاصة لعسفان ( شمال جده ) 75 وبالتالي كان المعدل العام اعلى العام الماضي

اما الفرع الرئيسي النسبة الخاصة 80 وكان المعدل العام اقل من الشمال بسبب هذه النقطة

[اكوس نفرر]

زي ما وضحوا .. انو النسبة الخاصة تفرق ..

بس من نآحية فلسفتي ..

اذا اتخرج واحد من فرع عسفآن وواحد من الفرع الرئيسي ..

ومثلا قدمو في شركة الكهربا .. ولهم نفس المعدل ونفس كل شي ..

طبعا بيقبلو اللي من الفرع الرئيسي ..

طبعا الكلام من توقعاتي لحد ينط ويقول اثبت ..

[غريب عزيز]

تفضلو الصورة حق دفعة 11

[Ahmad k]

انا هدا الى عاجبني في فرع الشمال انو اول شيء صغيرة الكلية و طلابها قليلين و غير كدا ماحنتعب في التنقل و كمان حكاية المواقف حقت السيارات حتكون اسهل... يعني روقان و شيء مرا حلو...
بس الى مخليني خايف شوية حكاية انو ممكن يفضلو حقون الفرع الرئيسي اكتر..
و انا سمعت انو رابغ انفصلت و سارت جامعة مستقلة !!
يعني مو بعيد يسير كدا كمان في فرع الشمال ؟!!!!! :"(
والله مراا حييرة !!!!!

[عبدالرحمن - 12]

في الشهآده مررآ ماتفرق لانهم مايكتبون انك من الشمآل ولا الرئيسي في وثيقة التخرج

بس في شيء ممكن تتميز فيه الفرع الرئيسي انو كل شي عندك

العماده والخدمه وسامبا والاشياء اللي زي كذآ فققط