بدآية جآمعية مميزة ..!

[ŠǾmëØńé]

بسم الله الرحمن الرحيم


بمآ أني متوترة وخايفةة و شايلة هم من الجامعة
و متأكدة أن أغلبكم بعد مثلي
مرحلة إنتقالية بحياتنا وكذآ < كشخة

عشان تسذآ فكرت أنزل موضوع قميل زيكم

طيب وش بيكون الموضوع !
الموضوع كله بيكون أمل وتفاؤل وتحميس وتشجيع وترغيب ب الجامعة و درآستها !

ببدأ أنا ..

وبعدهآ اترك لكم مسساحة تبدعون فيها وتطلعون موآهبكم التحميسية


طبعاً بتكلم على شي مهم ب النسبة لنا احنا البنات !
موضوع الصديقآت و كيف رآح يكون أول يوم ب الجامعة !
ب النسبة لي فكرت في ذي الشغلتين لين مَ طفشت و قلت يَ بنت خليها على ربك تتيسر إن شاء الله

الزبدة أني أحلف لكم أنهها بتكون مرحللة خنفششآريةة و بنستانس فيهآ و تزيد أوزانكم قد م تبون
خلوآ املكم ب الله كبير أن كل شي ب يتيسر لكم ب الطريقة اللي تبونها


ثآني شي كلنا وآجهنا ب الثانوي معلمات شرحهم في وآدي و المنهج ب وادي و الأختبار ب وادي
بس تعاملنا مع المشكلة لأن ندري أن لازم ننجح فيها عشان نوصل للي نبيه و الحمدالله قدرنا نتخطى هالمادة بفضل الله ثم جهدنا وتعبنا
ب الجامعة بنحصل نفس الشي ! ولازم نحط هدف قدآم عيوننا اللي هو النجاح والتفوق !
و أبعدي عن البنات اللي يتذمرون من المادة أو من الأستاذة ترى بس تدخلين أفكار سلبية براسك !
ب العكس خلي كل أفكارك إيجابية وقولي لنفسك إنك جايبة الفل مارك ب إذن الله
يعني أكذبي الكذبة وصدقيهآ ! وإن شاء الله م ننحط ب هالموقف أبد :(


ثالث شي واللي هو أخر شي ..
حطي برآسك فكرة وحدة ان الجامعة مو للفلة و الدشرة !
انتي جاية للجامعة للدرآسة عشان تبين تحققين حلمك .. ( دكتورة .. مهندسة .. مُدرسة .. ايش مَ كان )
و ب النسبة للنآس اللي م تحب الدرآسة < زي حضرتي > تذكري إن بعد الجامعة في وظيفة و بيصير لك راتب خاص فيك !
بيكون إحساس حلو إن لك دخلك الخاص و صدق وقتها بتحسين إن تعبك م بيضيع على الفاضي !


أخيراً وصيةة مني لكم ي جميلآآت

مَ في شي بعيد على ربنا أنتي بس أدعي ربكك يسهل لك ويوفقك ..
و خلي تفكيرك إيجابي على طول ..
( أنا عند ظن عبدي بي ) ربنا مَ قال (عند حسن ظن عبدي بي) .. قال(عند ظن عبدي بي) يعني إذا احسنتي ظنك ب الله صدقيني ربي م رآح يخيب ظنك

التفاؤل و الأمل أجممل شي ممكن يساعدك على « بدآية جآمعية مميزة ..!

أترك لكم مسسآحة التعبير .. و تذكروآ أن الكلام اللي نكتبه ممكن ينفع نآس كثير وناخذ أجر مساعدتهم

وشششكراً ..

[Wishes~]

يعطيك العافية على الموضوع المحفز
اتمنى تكون سنه حماسيه وكلها توفيق ونجاح بإذن الله

انقل لكم نصائح من تجربة احدى الطالبات بصراحة جداً افادتني

..

لجميع أخواتي المستجدّات، أعرف شعوركم بهاللحظة والخوف من اللي جايّكم وكيف راح تتأقلمون؟ وكيف بتكون هالجامعة اللي دايم نسمع عنها وعن الأشياء اللي تصير فيها؟ كيف بأكون محتكّة بمحيط كبير بعدما كنت بمدرسة ومحيطها صغير جدًا؟
أول شيء حطّي بين عيونك حلمك وهدفك اللي تعبتي عشانه بالثانوي وبذلتني حتّى نلتي أعلى الدرجات!
استعيني بالله وتوكّلي عليه واحتسبي أجر كل خطوة تخطينها في سبيل العلم، تذكّري إن "من سلك طريقًا يلتمس به علمًا" وش جزاءه؟ "سهّل الله له بهِ طريقًا إلى الجنّة" أنتِ متعلمة متعلمة بكل الحالات، يكون علمك هذا طريق للجنّة أو يروح عليك أجره؟.
بتواجهين أول الأيام ممكن ضيق أو عدم ارتياح أو أحيانًا بتحسّين إنك حنيتي للثانوي وتبين ترجعين.
أنا أسبوعين يمكن كانوا ثقال عليّ جدًا!
وكنت دايمًا أرجع للبيت وأنا ضايق صدري وبس أفكر أترك الدراسة وأجلس بالبيت أو أحوّل لجامعة ثانية، بما أنّ جامعتنا كان الدوام فيها طويل لـ 3.
وعلى شوّي شوي وبتوفيق الله ثم دعم أهلي لي تأقلمت وحبّيت الجامعة!
صرت أروح كل يوم وأنا متفائلة جدًا و واثقة إن يومي بيكون جميل مهما كان متعب. أو يمكن بقدّ تعبه يكون جماله.
أول شيء حاولي تكونين لطيفة بالتعامل، والابتسامة دايمًا على شفاكِ، ظنّي بالناس خير وعطي نفسك فرصة الحديث مع غيرك أو التعرّف عليهم، بتلاقين شخصيات غريبة، وشخصيات تشبهك، وناس عمرك ما توقعتي تقابلين أحد منهم، زي أنّ بكل مكان فيه شيء جميل بنفس الوقت لازم يكون فيه شيء سيء.
حاولي بقدّ ماتقدرين ماتكوّنين علاقات سريعة، أيوه أجلسي معاهم واضحكي وكلّش بس لا تحاولين تعمّقين العلاقة لأن يلزمك وقت حتّى تعرفين الناس.
رتّبي وقتك واستفيدي من كل وقت فراغ يجيك وخصوصًا إذا جامعتك أو قسمك فيه بريكات كثيرة.
الترم الأول فاتت علينا، بس الترم الثاني استفدت منها كثثثير! استفيدي منها سواء بحضور دورات أو بمذاكرة مادة صعبة أو أي شيء مفيد لك :")
إذا أنتِ تحضيري غالبًا طاقم التدريس يكون منتقى بعناية ويكونون على كفاءة عالية، وإذا حتّى مو تحضيري تأكّدي إنّه بيكونون بإذن الله بقدرات عالية ()
خليك محترمة ولا تتأخرين عن المحاضرات، بأول يوم اطبعي جدولك مع أماكن القاعات حاولي تدورين الجامعة كلّها حتى تتعرفين على أماكن محاضراتك.
الدكتورات كلهم أو المدربات يهتمّون بالوقت! وأهم شيء هو قبل الشطارة أو الفعاليّة بالمحاضرة.
حاولي قدّ ماتقدرين تذاكرين أول بأول لأن هذا الشيء اللي يفرّق بين الحريص واللي يبي الدرجات العالية والعكس، وهالشيء بيريحك بعدين بشكل ملحووظ!
حاولي تعاملين نفسك بمبدأ المكافأة كلما أنجزت هالجزء بأعطي نفسي الشيء اللي تحبّه وهكذا.
اسألي الله الصحبة الصالحة لأنّها من أساسيات نجاح الواحد، لا تغترين بالبنات ومظاهرهم لأن الصحبة الصالحة هي الوحيدة اللي بتحبّك عشانك أنتِ وبتكمل معاك للأخير، لا تسمعين لكلام المحبّطين والبنات اللي دايمًا يتذمّرون ويتشكّون! هذولي أكبر سبب لفشل الكثير من الناس اللي سمعوا لهم وانجذبوا لهم. دايمًا حطّي بين عيونك إن اللي يبي الشيء الزين لازم يتعب عشانه.
الدراسة الجامعية ممتعة جدًا! وحتّى وإن تعبنا أحيانًا هي فيها من الأشياء الجميلة الكثثير! تذكّري أنّك أنتِ أم المستقبل، وأنتِ اللي بتصنعين الغدّ وبتكونين من شباب الإسلام اللي بيرفعونه عاليًا!

بتتغير يمكن شوي من شخصيتك بالجامعة بتكونين اعتماديّة على نفسك أكثر وبتصقل جوانب إيجابية في شخصيتك، إذا أنتِ فعلًا حرصتي على تطويرها.
مافيه قسم بالحياة صعب وقسم سهل، يختلف القسم على حسب الشخص اللي يدرس فيه، والله بذل وتعب بيصير سهل، ما بذل وحطّ يدّه على خدّه بيصير صعب وجدًا بعد!
الصلوات لا تفوتينها دايمًا بيكون فيه وقت للصلاة والضحى بعد()
وفي كل صباح حطّي لك صندوق صغير وكل يوم دخلي فيه ريال، تكونين فيها قريبة من الله، والصدقة دايمًا تدفع الأذى:" والملائكة كل يوم تقول: " اللهم اعطي ممسكاً تلفاً واعطي منفقاً خلفًا"

كوني مرتّبة بلبسك، لا تحاولين تتزينين مرّة لأنه صرح تعليمي، ولا تكونين مبهذلة لأنه بنفس الوقت صرح تعليمي يتطلب فيه الترتيب.
حاولي دايمًا تشيّكين على منتدى الجامعة لأنّ التحديثات والإعلانات مهمّة جدًا. وإذا كان فيه لجامعتك تجمّع للطالبات والطلبة بيكون فيه أسئلة للسنوات اللي فاتت، وبيكون فيه نصائح وأشياء جدًا مفيدة، لا تبعدين خليك قريبة من التجمّع والمنتدى()

أول ترم أو يمكن أول سنة بتكون متعبة وبعدها بإذن الله بتكون السنوات أخفّ وأريح.

تمنّياتي لكم بدراسة موّفقة مسددّة وبأيام جامعيّة مزهرة ملوّنة ()

[حلم طبيبه]

someOne

جزآك آلله خير على كمية آلحمآس وآلتحفيز
وطرحك لهذا آلمنفس آلرآئع

..
أمآني آلحربي
فعلا نحتآج مثل هـَ آلكلآم للتشجيع
وآلدعم آلمعنوي و آلتفآؤل .. يعطيك آلعآفية أستفدت من نقلك

وأخيرا : آلحلم معلق ب آلعلم فلنجتهد !

[ALFN]

الله يوفقكم ويسهل لكم طريقككم ,

من جد التحضيري مرحله ممتعة .. والحلو فيها انكم تعرفو تختارو صاحباتكم كويس

بتقابلو كثير اشكال واننوواع وتصرفات تقهر سواء من استاذات او طالبات

وكمان حتمرو بمواقف مستحيل تنسوها من شدة جمالها

-

اتمنى لكم سنة سعيدةة ولي ولكل البنات ف التخصص

ادخلي الموضوع اللي موجود ف توقيعي حيفيدك

[شـروق الزهراني <3]

اهم شيء ، بالله حاولوا تبعدون اي وحده مصلحجية


بتلاقون كثيرررررررررر ولما تطلبون منهم شيء او تسألينهم كأنك تكلمين جدار < اسألو مجرب :(


حسبي الله ونعم الوكييييييييييل اهئ ، وبالتوفيق لكم اهم شيء لاتسمعـون للشائعات ممن البنآت بنرسب هذي الاستاذه ماتعرف تشرح


اصلا اغلب الاسأله الالكترونيــــــــــــــــــــــــــــــه ولا كل المواد اصلا اسألتهم الالكترونيـــــــــــه يعني يحطون مثلا 100 سؤال


بيجيك في نص الترم 30 سؤال من ال100 وممكن في النهائي تلاقين اسأله مكرره وجت ورى بعض عااااااادي لاتشيلين هم بالعكس بتضمنين الاجابه لو جاوبتيها بالمرة الاولى صح


يلا بالتوفيق لكمم ^^

[Sara AlGhanmy]

السلاااااام عليكم

انا كمان والله جدا متحمسة بس خايفة في نفس الوقت بس حاسه اني راح اعيش اجمل مرحلة بحياتي

اجمل النصائح اللي قرأتها انه لازم مانتعامل مع الجامعة على انها ثانوي لازم المذاكرة اول بأول

وكمان لازم نختار الصحبات اللي يشجعونا على التفوق والاجتهاد ونبتعد عن المتشائمات واللي يسحبوكي وينزلوك من مستواكي

اما بالنسبة للاستاذات انا متفائلة خير ان شاء الله

اتمنى ان دفعتنا بإذن الله هتكون افضل دفعة جات في المسار الاداري

ربي يوفقنا كلنا ياااارب ويعطيكم الف عافيه

[w3d aljehany]

شكرا على الموضوع الجميل
أنا متحمساا وخايفاا في نفس الوقت وأنتى زدتينى حماااااس
وأناا صراحتاا متفائلة خيرر إن شاء الله تكون أيام حلوا
..^^..

[ŠǾmëØńé]

Wishes~

اللهه يعافيك ي جميلهه
يسسسلمو على كلامك الرآئع زيك

[ŠǾmëØńé]

حلم طبيبه

و إياك ي قلبي ..
هذآ أقل شي ممكن نسآعد بعض فيه

[ŠǾmëØńé]

alfn


آمين يآرب جميعاً :)
يب دخلت موضوع رآئع و جميل تسلم يدآتك ...
إن شاء الله بتكون سنة حلوة على الجميع !