استفسارين فقط

[Miss-ShoSho]

السلام عليكم و رحمه الله و بركاته
حابه اسألكم عن التشريح

ايش اكثر قسم من اقسام الكليه يتعمق فيه دراسه التشريح بشكل كبير ؟

و كل قسم من الاقسام يتعلق بماده معينه
مثلاً على ما انا سمعت
الاشعه متعلقه بالفيزياء صح ولا لأ ؟
طيب ابغى اعرف باقي التخصصات اذا ما عليكم امر

جزاكم الله خير

[no0ona17]

وعليكم السلام ورحمة الله وبركاته

انا تانيه مختبرات ,, ممكن بخبرتي البسيطه اقدر افيدك و ان شا الله الأكبر مني سنن يفيدوكي اكتر
اول شي بالنسبه للتشريح , أظن العلاج الطبيعي هما أكتر شي متعمقين فيه ,,, و نحنا الباقين ناخد نبذه بسيطه عن التشريح الترم الأول كانت ماده حلوه
و نحنا المختبرات ,, اظن انو لينا في الكيميا اكتر ,, بس ترى مو زي حقت التحضيري , يعني الكيميا حقتنا انا شفتها متعلقه بي جسم الانسان مو كيميا بحت
و الي حسيتو الى الآن في قسمي ,, اننا بنتعمق في خلايا جسم الانسان من خلايا دم أو أنسجة الجسم عموما و احلى شي الجينتكس تدخلي على ال dna و كمان نتعلم عن الخلايا الجنينية (stem cell)في أكثر من ماده و احس دا العلم الجدييد الي حيطلع و الحلو انو تقدري تربطي كل شي في بعضو

و اهم شي صلي استخاره و ابحثي كتييييير عن التخصص الي تبغيه و اعرفي انتي ايش تبي تسيري و فين تبي توصلي عشان يسهلك الاختيار

و في الاخير كل التخصصات حلوه و كلنا نكمل بعض
موفقه ان شا الله ,,,

[dr-sh0sha]

ياحلوتي شوشو ^^

الاشعه تقدري تقولي فيزياء بس فيزياء اللي بتتكلم عن النواة والذرة والاشياء الحلوة دي ^^ وفي مواد تانيه مابتتكلم عن الفيزياء مواد التخصص عن الاشعه نفسها

بالنسبة للتشريح درسنا الترم الاول systamic anatomy والترم دا بندرس radiographic anatomy

كتاب كلو صور وتحفظي اسماء العظام والاوعيه الدمويه بس مافيلو لاب عملي مابنشرح بعني .......

بالتوووفيق ^^

[rano00nah]

علاج طبيعي

[Noor Moon]

سوال على الطااير

وووين حقين العلاج الطبيعي مختفيين؟؟؟؟؟؟؟

[Miss-ShoSho]

جزاكم الله خير ووفقكم الى مافيه خير و اعانكم الله ع دراستكم و حياتكم كلها

انتظر البقيه

[weddah]

زي ما قالوا العلاج الطبيعي اكثر شي يتعمق في التشريح بس سنة ثانية
لكن نتعمق في الاشياء اللي تهمنا يعني عضلات وعظام واعصاب

يعني كل الاقسام الطبية فيها اشياء مشتركة
والعلاج الطبيعي ما يعتمد على مادة معينة

عموما التخصصات مختلفة تماما عن بعض لازم تقرئي عنها كلها وتشوفي الوظيفة اللي تناسبك مو بس الدراسة

وتقدري تقرئي اكثر في هذا الموضوع
http://www.skaau.com/vb/showthread.php?t=332475

وبالتوفيق ان شاء الله