زوَجُوهَ وبيعَقْل ..؟!

[الأمورة بسوم]

المشاركة الأصلية كتبت بواسطة ستأتي أيامي وعليكم السلام رحمه الله وبركاته .. دخيلك ! كلـــــــــــــــو إلا هاذي الهرجة .. والله الخربان خربان لو زوجوه 10 .. على بالهم زي زمان ، إذا اتزوج وجاب بزورة وشاف المسؤولية بينصلح .. والله ذحين لو جابت مرتو 10 مافي فايدة .. وعلى بالهم بنات الناس لعبة عندهم ، لو إنها بنتهم مارضيو إنها تتزوج واحد داشر .. ! سوري بسوم عصبت شوي .. تشكراتي الجزيلة .

عـآتي حيآتي خذي رآحتك

فضفضي


صح والله هذآ زمـآن لمآ كآن الوآحد لو تزوج يعقل بس الحين نسأل الله العـآفيه

منورهـ حيـآآتو

[الأمورة بسوم]

المشاركة الأصلية كتبت بواسطة مسهر اجفاني الصالح صالح والفاسد فاسد حتى لو زوجوه مافي فياده فيهم لاكن اسأل الله الصلاح بس

آمين يـآآرب

منور آخووي

[الأمورة بسوم]

المشاركة الأصلية كتبت بواسطة يلدرم العاقلين ومايرضوا يزوجوهم تبغى يزوجوهم منحرفين

معك حق والله

والضحآيآ البنـآت طبعـآ

منور مديرنـآ

[الأمورة بسوم]

المشاركة الأصلية كتبت بواسطة r o y a l تشكر صاحبة الموضوع ولو لطش لان اللطش اصبح منـــــــا وفينــــــــــا . الموضوع هذا كان اول يعني قبل عشرين الى خمس وعشرين سنة ممكن هالكلام . اما الان فالوضع اختلف مليون درجة لاسباب عدة : - ارتفـــــــاع تكاليف الحياة يوم بعد يوم . حتى المتزوج صار يرسم خريطة للانجاب تناسب مع اسعار العصر . - ارتــفاع المهور بصورة مخيفة يعني بنات اليوم ليسو مثل بنات امس . وعل العموم لاانصح بزواج من منحرف ولو ملك المهر . كما لاانصح غير المنحرف بزواج حتى تنخفض المهور والاسعار.

مـآآتوقع انهـآ بتنخفض هـذآ اذا مـآزآدت

الله يسسر ويعين ان شـآء الله

منور آخوي

[الأمورة بسوم]

المشاركة الأصلية كتبت بواسطة الألماسة الذهبية بصراحة هذا شئ مؤلم والضحية هي الفتاة والمسئول هو (الأب والأم)الولد لأنهم لو وضعوا بنتهم مكان البنت إلي بيخطبونها لولدهم فمستحيل بيوافقوا على الولد المفروض يتعاملون مع الناس بما يحب أن يتعاملوا به تشكراتي أختي على الموضوع

هذآ آ آلي المفروض يصير

الله يهدي الجميع آن شاء الله

منورهـ خيتو

[الأمورة بسوم]

المشاركة الأصلية كتبت بواسطة روعة طموح بصراحة هذا في ظلم للبنات الناس شوفوا كيف ارتفع الطلاق بصورة مخيفة من اايش من ذي هذا التفكير المتحجر والمتخلف بصراحة ولو بقعد اتكلم من هون لبكرة مابخلص من الا عندي ..................ههههههههههههه بس ترى ممكن يكون لدى النساء قدرة لكن نسبة نجاحها تعتمد على الولد وهذا لوكان الانحراف بسيط ام لوانحراف من جميع الجوانب فمره صعب بل ممكن يكون مستحيل والا ماهان عليه امه وابوه الا هما جنته وناره وكل يوم مبهدلهم بتهون عليه بنت الناس الاهو اساسا جنتها ونارهاااا الله يسترعلينا بس والمفروض اننا تتقي الله في ذا الموضوع حب لاخيك ماتحب لنفسك

يب معك حق

آعرف وحده من جمـآعتنا زوجهـآ كـآن مش ولآبد بس ماشاء الله قدرت تأثر فيه

والحين وضعه آحسن من آول


الله يهدي الجميع آن شآء الله . .

منوره قلبوو

[الأمورة بسوم]

المشاركة الأصلية كتبت بواسطة الإمبراطورة كلآم فآضي والله يعني إذآ كآن مدمن مخدرآت ولآ شآرب للخمر كمآآآن زوجوهـ وبيعقل ؟؟!! أستغفر الله ... يرضون علىَ بنتهم تتزوّج وآآحِد أهله زوجوهـ عشآن يعقل عقّلوآ عيآلكم و ربوهم أحسن تربية.. بنت النآس مآ عندهاا قدرآت خآرقة في تصحيح انحرآفآت عجزوآ الأهآلي عن تصحيحهآآآ !!!! ~~> الكلآم موجّه لِـ معتنقي هـ الفكر الغبي شُكرآ ع الموضوع :)

يب

معك حق والله

منورهـ حيـآآتوو

[جوزائيه]

احيانا ينفع
لان شفت قصص في الواقع
نااس كاانووا داشررين
وبعد ماتزوجوا صااروا مااشاء الله عليهم ملتزمين ,,
بس هذا الشي مووقااعده دائما ,,
والله يصلح حال شباب وبناات المسلمين ...

[فاقدة أبوها]

هذا ينافي حديث المصطفى صلى الله عليه وسلم (إذا جاءكم من ترضون دينه وخُلقه فزوجوه)

قال - خُلقه -
مو زوجوه يعقل!

لكن ممكن هذا الكلام يتطبق بشكل جزئي زي ماقالت الأخت جوزائية,

على سبيل المثال واحد من اخواني كانت أخلاقه مرة حلوة وبار جداً بأمي وأبوي الله يرحمه لكن مو مرة محافظ على الصلاة ويشوف مسلسلات ويسمع أغاني,لكن لما تزوج من إنسانة فاضلة تغير للأفضل وصار ولله الحمد ملتزم ربي يثبته على هذا الطريق,

يعني للزوجة تأثير لكن محدود ولازم يكون البناء متين عشان تقدر تؤثر فيه مو يكون الأساس خربان لأنها بهالحالة ماح تقدر تغيره لو جلست معاه العمر كله,
والهداية أولاً وأخيراً من رب العباد,

وتشكري ع الموضوع الحلو.

[أسعد سعودي]

أعرف واحد شاب كان هامل وداشر بس من اسرة غنية وثرية
يعني ما يدور لا على وظيفة ولا شيئ ....

وأهله زوجوه عسى انه يعقل ويصبح شاب سوي وصالح !
لكن للأسف طلق زوجته بعد 3 سنوات وعنده منها طفلين !!!

قالو زوجوه عساه يعقل
وتزوج وانهبل زيادة !!!