الأطفال آحبابُ الله ،، معاهم العيد آحححلآ -

[قمممر]

السلام عليكم و رحمة من الله وبركاته
شلونكم عزيزاتي ، وش اخبارك ، علومكم !
الله يتقبل منا الققيام و الصيام

بما انه رمضان قرب ع الرحيل بسرعة البرررق
الله يتقبله مننا
و بما انه العيد ع الابواب ، و كل عام وانتن بخير و صحة
اممم انا عاوزة اعمل فطار يوم العيد للاطفال جيراننا واخواني الصغار و عيال اخواني و كذاا
طبعن فيها بنات ههههه
عاد الزبدة ، مادري وش اسوي لهم
انا حابة الفكرة مممممرة
و ابغاكم تعلموني ع طبخات تصلح للاطفال يوم العيد
حاجات تونسهم و كذا
طبعن حجيب هدايا لهم
بس ابغا مساعدتكم ف الاكلات و طريقة تقديمها
و الله يوفقنا واياكم لكل مافيه خير لنا،، و شكررا
و كل سنة وانتن طيبات مقددددددددمن

[Lily roses]

وعليكم السلام ورحمة الله وبركاته
اللهم امين
امممممممممممممممم الفكره حلوه
حلوه فكره الهدايا وتغلفيها وتزينيها بشي يناسب عمرهم
وكمان اعملي لهم كب كيك بيموتو فيه الاطفال غالبا وكذالك التفاح الي يجي مغطى بكريمه وتشكلت
وحلويات وسلامتك

[ƨɱƨɱ]

فكرة حلوة ماشاء الله

أقترح عليك الكب كيك شيء مرره لزيز ويكون له ألوان تجذب
ودي أفيدك أكثر
بس لاعلاقة ليا بالطبخ ولاالأطفال. .

موفقة حبوبة

[قمممر]

يب ابغا اسوي كب كيك
بس مدري كيف اسويه ابغا اشكال حلوة
بشوف قووقل وش عنده صور كب كيكات حلوة

و كمان باسوي فشار و حاجة كذا مقلية بس مدري احس مو زابطة ولا وش رايكم

الهموووني بافكار ثانية

[LeLou]

و عليكم السلام و رحمة الله و بركاته..

الأطفال دول هرجتهم هرجة..
معليش أنا بكون قليلة أدب شوية ..
الأطفال مو وجه ينحط لهم سفرة ..
بتتعبي نفسك و بيحوسوا الدنيا و بيجروا و يراكضوا و لا حياكلوا ..
أنصحك روحي محلات تبيع بالجملة،، و اشتري كراتين حلويات و بسكوتات و فشار البطل الجاهز..
و اشتري أكياس و عبي لكل واحد في كيس..

دي فكرة..

فكرة أخرى:~
إذا تبغي شغلات صحية..
مرة شفت واحدة جابت أعواد شيش طاووق الخشب..
و جابت فواكه و قطعتها مكعبات و دخلتها جوا الأعواد..
شكلها طلع جونان..
+
حليب أو عصير..
//

طيب بسألك يا عسل أيش بتجيبي لهم هدايا..
أنا عندي ولد أختي (4سنوات و 3 شهور) + بنت أختى (3 سنوات و نص) + و لد أختي (سنتين و نص)..

أبغى أشتري لهم هدايا..
فكرت أجيب لهم شنط الظهر تبع الأطفال عشان يحطوا فيها ألعابهم و أشياءهم لما يطلعوا لأنه ما عندهم..
+
حلويات و بسكوتات جوا الشنطة..
+
ريالين و لا 5 ريال لكل نفر..

و عندي و لد أخوي 7 شهور و ولد أختي 3 شهور مو عارفة أيش أسوي لهم..
شكلي بسحب عليهم ..

الله يحفظ الصغار و يهديهم و يعيننا عليهم||~

[قمممر]

والله الهدايا لسع مافكرت فيها
بس اليومين دي رايحة لـ باب مككة مدريرالبلد
المهم الشي هذاك الي ف الجنوب
باشوف وش عندهم حاجات تصلح للأطفال و المناسبااات

و حشتري ان شاالله علب اكل الموزعة او المقسمة و ححط فيها الاكلات
تصير كانها وجبه افضل عشان ماتتوسخ ملابسهم

جالسة ازبط غرفة للاطفال ، و الزين حشتريها مع الهدايا

و الاكل انا ابغا اسوووية لان طبخاتي ماحد ياكلها غيرهم ~ من زود ماهي حلوة و لزيزة ماحد ياكلها من اهلي هههههههههههه احممم

[Patricia]

ماشاءالله عليك يقولوا من فرح صبي فرح نبي..

عمـوما، ممكن تعمليلهم بان كيك " اشتري الخليط الجاهز وريحي دماغك" في الطاوة اللي ع شكل هلو كيتي يطلع شكله نايس
واعملي كلوب ساندوتش، وكمان في حلى يحبوه الأطفال لأنه ألوان جيبي كاسات بلاستيك صغيرة شفافة مو اللي لونها أبيض من السوبر
الطبقات بالترتيب 1) بسكوت 2) كاسترد بعدين تدخليه الثلاجة شوي بس 3) قشطة فراولة ودريم ويب وتخليه يبرد حق ساعة ونص ساعتين.. يطلع حلو ملون ويفتح النفس وكمان طعمه حلو حق الأطفال..
طبعا لا بد من الكب كيك ولو تريحي راسك وتجيبي من منش.. وكمان لازم من البوب كورن والشيبسات..
وووبعد فراولة غمسي نصها بالشوكليت وحطيها شوي في الثلاجة..

ولاتنسي العصيرات والعيـــــــــــــــــدية واتوصي في الأغاني مدري الأناشيد عاد اللي انتوا تسمعوه، وان شاءالله كل سنة وكل عام تفرحيهم وانتي بصحة وعافيـة ^_^

[قمممر]

الله الله ع الافكااار وربي روووعة
بس مافهمت الحلا الملون الي ف الكاسات الشفافة بليز عيديه
و حبة حبة ههههههههه عشان استوعب مزبوط و اجربه قبل ما اقدمه عليهم

مرة مستانسة مجمعة مكافاة 4 شهور عشان اسوي عيديه لهم
الله يتممها

[مى جده]

اممم فكرة مرررة حلوة وانا كمان افكر اشتري اول مرة يهلوني حافز وقررت اشتري هدايا من مهجة لي بنات خالى وبنات خالتى واختى يعني ابغاهم يفرحون وانا وعادتهم من اول رمضان وابغا انفذ الوعد بس ماما تققولي مالو داعي عندهم اهلهم يشترون لهم بس انا احبهم وابغا اشتري لك وحد فيهم هدية لمن يكبروني يتذكرون فيها ^_^ عاد افكاركم مرة حلوة انا فكرت اشتري دببه وحطهم في كيس حلو ومن جو حلويات العيد وحط جوتهم خمسه ريال مافي غيرها لك واحد واشتري كيك واقطع لهم وعصيرات وبس وكل وحد يعطيني احلا بوسه لبنت خالتهم ايش رايك ؟؟؟ وعندنا بنت خالتى عمرة 9 اشهر ذا احبها مرررة فكرت اشتري لها اسورة ذهب بس هي كل الفلوس 2000 طبعنا اهلي بياخذون منها ايش اشتري له ؟؟
*_*

[عزتي رآس مآلي]

السَّلام عليكم ورحمة الله وبركاته ..

أهلين فيكِ عزيزتي .. لاحظت من إستفسارك إنك تبين وصفات لأكلات مو مهم طريقة التقديم أو التوزيعات وخلافه ..

مثل ماقالوا القميلات هنا ، أفضل شيء أنا أشوف الـ cupcake ، يحبونه الأطفال وأشكال تجي روووعة جدًا .. بنبدأ فيه بحول الله ..

كب كيك التُفَّاح والقرفة ، مُفيد وصحي وغير كذا حتى شكله مُشهي جدًا ..

المقادير :

2 كاس بسكوت أولكر مجروش
نص كأس زيت
نص كأس موية
نص كأس سكر أو أقل لو ماتحبينه حالي
2 بيض
فانيليآ
م ص بكينج بودر

للطبقه الثانية :
7 جبن كيري + نص حليب نستله المركز المحلى

للطبقه الثالثة :
حبه تفآح + م ك نشا + م ك قرفه + 2 ونص فنجان قهوة سكر + بيالتين شاي ماء

الطريقة :

1 - نجرش البسكويت ، والأفضل يكون الحجم متوسط يعني ماتجرشينه ناعم حيل ؟ عشان لانضجت تحسينه مقرمش
2 - نخلط المقادير السائلة أوّل ، ثم الجافة ، ونصبه في قوالب الكب كيك بعد مانبطنه بالورق الخاص فيه وندخلها الفرن من تحت ومن فوق 10 دقائق تقريبًا إلى أن تنضج
3 - ألحين نخلط الطبقة الأولى اللي هي الجبنة والنستلة بالخلاط ، والنستله أفضل إنك تستعملين أقل من نص العلبة حتى لايصير سايح حيل عليك ولايكون حالي ،عقب حطي لكل كب كيك ملعقة وحدة من الخليط ووزعيه بالتساوي
4 - نجهّز مقادير الخلط الثالثة بإننا نحطها في قدر وعلى النار مع التحريك المُستمر لين يجمد السائل ، وسكري النار عليه وأضيفه للكب كيك وهو حار .
5 - دخليه الثلاجة لِمُدة 10 دقائق لين تجمد شوي الخلطة الأخيرة وقدميه وجعله هني وعافية على قلوبهم يارب

وإن ماأعجبتك هالطريقة ممكن تسخدمين الكب كيك العادي وتتفنين بالتزيين ، هنا أوراق للتزين تنحط فوق الكب كيك وخاصة للأطفال ، للتحميل

وهنا بعد أشكال حلوة

وهنا أشكال بناتية تهبل



وبعد الكوكيز بالشكولاته يحبونه الأطفال حيل وشكله لذيذ ..