موضوع شآمل لكل الأسئلة .. موعد الاختبآرآت وأمآكنهآ + المذآكرة + .... حيآكم الله ..

[بنت عتيبة]

الثقافة 1 متى اختبارها والجزئية اللي معانا ايش هيا؟؟

[Hno0odh]

المشاركة الأصلية كتبت بواسطة طالب kau وعليكم السلام ورحمة الله وبركاته من الأربع المواد اللي فوق انا ماخلصت غير المحاسبة طريقت مذاكرتها بالنسبة لي اني افهم طريقة حل الفقرات المحدده علينا من الكتاب موجوده في الرابط الي تحت http://kbashnini.kau.edu.sa/getfile....0homework.docx وكمان احل التمارين اللي في الكتاب إسمها do it في الدروس المقررة علينا فقط بعضها تكون في نفس الشبتر بس في دروس ماهي علينا هنا الصفحات المقررة في هدا الترم http://kbashnini.kau.edu.sa/getfile....-1433-1434.doc +انك تحفضي المصطلحات في أخر كل شبتر مكتوبه تحت كلمه glossry هالطريقة بديت فيها بعد الدوري الأول والحمد لله جبت 87 بالتوفيق

ماقصرت والله مشكوور ع الرواابط مرره ، وع افادتك الله يعطيك العافيه وينولك اعلى الدرجات ..

موفق ..

[Hno0odh]

المشاركة الأصلية كتبت بواسطة بواجريوس وعليكم السلام ورحمة الله وبركاته ،، أنا ولله الحمد اتجاوزت المواد هذه كلها بدرجات حلوة وراح أوضح لك طريقتي في المذاكرة :- نظم المعلومات الادارية مادة نظرية : طريقتي سلايدات واقرأ الملخص الي في نهاية كل شابتر وطبعاُ لازم أعدي على التست بانك . أساسيات التمويل مادة عملية : تمارين ثم تمارين ثم تمارين ... ثم اقرأ الملخص الي في نهاية الشابتر . محاسبة 213 مادة عملية ( ياقلبي ياالمحاسبة ): الـ do it ثم تمارين ثم تمارين ثم الـ glossry و أسئلة الاختيارات الموجودة في نهاية كل فصل .. ترى يجيبو منها في الاختبار . مبادئ الادارة مادة ثقيلة طينة وغلسة وكريهة .. اسمها يجيب لي كآبة ! أمكن السبب الدكتور الميمني وشرحه السيئ ، وممكن السبب القاعة وتكيفها السيئ ، وأمكن المشكلة فيني أنا وكرهي المزمن للمواد النظرية ! ماأدري كيف طلعت منها بدرجة حلوة ؟! كل الي كنت أسويه أحفظ التست بانك وكنت أحفظ أبوه عن ظهر قلب لأن هو كان أملي الوحيد في تجاوز المادة .

الله يجزاك خير اخوووي مرره استفدت واحس رتبتوا لي افكاري الحين توجهت بالمذاكره ..
الله يوفقك يارب وينولك اعلى الدرجات .

بس بسالك قلت التمويل تمارين . من وين اجيبها ؟!

وبعد المحاسبه لاحظت انت والاخ الي قبل قلتوا اذاكر من glossry

يعني مهم اشري الكتاب ؟ لان احنا يشرحون لنا على سلايدات ..وما قالوا لنا شي ع الكتاب

وموفق يارب ..

[khaled.91.11]

هنا حتحصلي نسخة PDF للكتاب
http://www.skaau.com/vb/showthread.php?t=521035

[gadoosh]

السلام عليكم ورحمة الله وبركاته ..

آمم حبيت أسال عن الاقتصاد الجزئي ، وطريقة المذاكرة
لأنه كله نظري ، وأنا مو فاهمة شي أبببد
أحس إني مضييعة ><"

ثاني شي .. هي الأسئلة موحدة ولالا ؟؟
ناس يقولون كذا وناس يقولون لا

وإذا موحدة , ليه كل استاذة سلايداتها غير عن الثانية ؟

[عبدالرحمن ال]

محآسبه 213 تم تآجيل الاختبـآر لـتاريخ 25 ذي الحجه

منقول من باشنيني اليووم .. في شآبتر 7 و 12

[khaled.91.11]

المشاركة الأصلية كتبت بواسطة gadoosh السلام عليكم ورحمة الله وبركاته .. آمم حبيت أسال عن الاقتصاد الجزئي ، وطريقة المذاكرة لأنه كله نظري ، وأنا مو فاهمة شي أبببد أحس إني مضييعة ><" ثاني شي .. هي الأسئلة موحدة ولالا ؟؟ ناس يقولون كذا وناس يقولون لا وإذا موحدة , ليه كل استاذة سلايداتها غير عن الثانية ؟

شوفي الرابط هذا فيه شرح
http://www.skaau.com/vb/showthread.php?t=283472

[a.aljohani]

حتى اختبار احصاء الاعمال تم تأجيله ..

[نوونيتا]

المشاركة الأصلية كتبت بواسطة بنت عتيبة خبر: تم تأجيل اختبار المحاسبة 1 بعد الحج <<< يا فرحتي ( الخبر من عند دكتورتنا اقبال )

يب ددا احلالا خبرر سسمعتوو ..

[Hno0odh]

المشاركة الأصلية كتبت بواسطة khaled.91.11 هنا حتحصلي نسخة pdf للكتاب http://www.skaau.com/vb/showthread.php?t=521035

الله يجزاك خير .. دخلت على مواضيعك حقة المستويات الثالث+الرابع+الخامس
من جد ماقصررت ومجهود كبير تشكر عليه صراحه الله يعطييك الف الف عافيه
ماشاء الله مرتب ومنظم المواضيع وبتصنيف مرتب وواضح ..
الله يوفقك وينولك اللي ببالك يارب

بس عندي مشكله بعد ماحملت الملفات من موقع فورشيرد مادري وين احصلها بجهازي :(