للآن جدولي للصيفي ما نزل !!!!

[الفراشة المتألقة]

السلام عليكم
بنات
الى الآن جدولي للصيفي ما نزل
في أحد متلي !!!
من يوم الربوع أنا مداومة في الطب مع المنسوبات ، وأستاذة نسرين حفظت شكلي وحفظت طلاباتي
وبرضو لسا ما نزل !!!

واليوم مرمطوني مرمطة ... عملت صفا ومروة بين الصيدلة والطب

لو أحد عندو رقم أستاذة نسرين أو أستاذة نجلاء بدر يرسلو ع الخاص الله يسعدكم

[متخرجه مع وقف التنفيذ]

الله يعينك على المرمطه ما شفتي شي والله لو عندي حبيبتي اعطيك لاني اعرف لمن تجري وراهم كيف وبالتوفيق إن شاء الله احد يفيدك

[الفراشة المتألقة]

الله يسعدك
وشكرا ع الدعوة الحلوة
الله يعيننا جميعا يارب
في انتظار الرقم ممن تعرفه

[متفآئلة]

بالتوفييق ياعسلة

انا نفس الشي لسا مانزلو جدولي =(

[موني ناس ناس]

انااا زيك بس من يوم الاحد وانا اجري وراهم عشان يضوفولي

اليوم استاذه نجلا بدر واللي معاها اسمها ناهد

شافو البنات مره كتير

بيقولو للبنات روحوو وارجعولنا بكره بس انا كنت اقول لهم عادي مو مشكله انا استنى
عشان متأكده انها حتقفل الشعب وبعدين لوجيتهم بكره حيقولو قفلت
ففضلت استنىى واستنى واستنى واستنى

لين في النهااايه انضافت ليا المادتين في الوقت اللي ابغاه وارتحت ورجعت البيت
انتي غلطك من البدايه انك ماااصبريتي
ان شاء الله الله يسهلك اليوم لازم تروحي

[الفراشة المتألقة]

موني ناس ناس
المشكلة انه بابا ع الباب واقف وكان الساعة 12 عندو اجتماع يعني كنت حأنام في الجامعة وقتها لو ما خرجت
دحين رايحة
الله يسهل

[ساكنه في بيتنا]

ربنا يسهل اموركم يااااارب

انا و انا بأتابع معاكم في المنتدى جاني صداع

كيف انتو .. الله يعينكم و يفككم من هم الجداول و الحووسه .. << من احسن النعم اللي ربي انعم عليا بيها بعد التخرج الحمد لله ..

[الفراشة المتألقة]

أبشركم
دووووبي راجعة من الجامعة الهم
فضلت واقفة على راس أستاذة نجلا وناهد من 9 لحد الساعة 11 قالت استاذة نجلا هاتولي ورقة هادي البنت واقفة من الصبح فكوني منها
كانت شعبة صحة نفسية وادارة مدرسية فل / راحت أستاذة نجلا وسعتها وأول وحدة ضافتني واتفكيت الحمدلله
أستاذة ناهد قالت لي خلاص لا أشوفك هنا مرة تانية
:)

[متفآئلة]

ببكي

نزلولي جدولي بس غيرولي في شعبة مادة صحة نفسية ماابغى اللي حطوه :(

اش الحل الله يسعدكم ياعسولات ؟؟؟؟