التوتر

[thewave]

السلام عليكم
شباب عندي سؤال مهم
انا منزل مادة meng458 كونكيشن سكيل ويجب ان القي presention امام 110 من الطلاب في المدرج وصراحه بعد الي شفته اليوم من توتر الطلاب والخوف الي يتملكهم اثناء الالقاء وفي واحد من الطلاب عند الالقاء كل 109 مع الدكتور قاموا يضحكوا عليه الولد شوي ويموت من الخجل فسوالي هو كالتالي :
كيف تقضي على التوتر والخوف عند القائك لي برستيشن مهم لاني صراحه ماابغى انحط في نفس الموقف الي كان فيه الطالب ؟

[dre]

اهلييين ب Thewave
شوف وبصراحه كلنا في البدايه كنا كدا
وخصوصا ايام ال IE
وبصراحه دا شي نفسي ويبغالو تعود بس

لكن بصراحه انا ما سرت اهتم
بتقولي كيف اقولك خليك واثق من نفسك واطلع قول الكلام اللي
حتقولو وارجع مكانك .. انا ماشي بالحكمه اللي تقول ( طز )
اللي يضحك ويتفلسف تلاقيه هوا لو طلع ما يقدر يقول ربع اللي قلتو

انا لما دحين لما اطلع قدام طلاب اتوتر اول ثواني بعدين خلاص
اسوي اللي عليا واللي ما عجبو هوا حر

اهم شي تكون واثق من نفسك وما تهتم بكلام الغير
لان الناس هم اللي يحبطو دايما

راجع اللي بتقولو وتوكل على الله
وحط في بالك مافي احد احسن منك
كل اللي قدامك زيك زيهم ويمكن انت احسن

[صقرر]

كلام وافي وكافي احسنت اخوي

[tag2000sa]

لا تقول اللي مع الدكتور عبد الملك الجنيدي ...
مرررررررررة فلللة ... وضحك ووناسة ... وتعليقات فلة الفلة ... ومواضيع ولا أحلى ... بس لو تتفقوا مجموعة تمسك كذا موضوع مترابطة مع بعضها ... وخاصة مع القروب اللي يكون عليهم الدور في البرزنتيشن ... (وهذا اللي عملته مع الشباب ... أخذنا مجموعة مواضيع مترابطة .. فصارت العروض مترابطة .. وفللة كل واحد يتكلم في نقطة والبقية يضيها نقاش مع الطلاب ... حتى بعض البرزنتيشنات صارت حلقات تقاش ...

ولو تحبوا أرفعلكم البرزنتيشن اللي عملته ...

[تهندسي تكهربي]

Meng 458
الدكتور. عبدالملك الجنيدي دكتور جدا جدا جدا رائع اسلوب وشرح وعلم وأدب الله يوفقوا الى ما يحب ويرضى ...

بالنسبة للبرزنتيشن ما اقدر اضيف على كلام الشباب حاجة انا اخذت المادة الترم اللي فات. اولا شيل فكرة التوتر اللي في بالك, العرض لو كان قدامك 1000 شخص فترى الموضوع جدا عادي وسهل انتا توكل على الله وركز في موضوعك وخليك مرتاح نفسيا وخليك دايم مبتسم ونصيحتي لك الدكتور يركز على الطالب المتحمس واللي يتحرك وهوا يعمل البرزنتيشن , الله يوفقك ويوفق الجميع ...

تقبلوا مروري ...

[المهندس هاني]

الشباب ما قصروا في التوجيه.

المادة جدا رائعة خصوصا انها عملية, يعني لمن تتخرج وتقابل اناس من جميع التخصصات والتوجهات يكون عندك ثقة بالنفس وقدرة على التواصل والتحدث مع الاخر.

حاول تتدرب في البيت بصوت مسموع وامام اشخاص تثق بهم عشان يعطوك اخطائك وينصحوك

بالتوفيق

[صقرر]

كلام الشباب صحيح توكل على الله وشد حيلك


المادة سهلة جدا وكثير شباب أخذو a الى a+

[ss11mm]

الماده سهله ولاتخاف واحد زي 100 ولاتفكر في احد خلك واثق من نفسك ..امسك دبوس او مشبك في يدك عشان يشيل التوتر منك <<مجربها

[tag2000sa]

شباب اللي ما لقى موضوع للبرزنتيشن ... يشوف الرابط يمكن يفيده


MENG [458] Communication Skills

[thewave]

مشكورين شباب على التفاعل ومشكور اخوي tag على الملفات