كطالب جامعي : اليس من حقي اختيار دكتور مادتي ؟

[نبـْض أخيـرْ]

السلام عليكم..
اولا : انا اعترف كطالبة جامعية.. لا اعرف ( وش لي ووش علي ) ماادري ببعض الانظمه هل هي من حقي او لا .؟
وماادري من المسؤول عن هالشيء ؟
هل :انا السبب لعدم بحثي واستفساري وقراءتي؟
ولا غيري مسؤول لانه ماوجهني اساسا من بدايه دخولي للجامعة ؟
~~~
ثانيا : رحت لقائمة الشعب وانا كلي امل.. اني الاقي اسامي الاستاذات موجوده..عشان ارتب جدولي..
ارتبه وفقا لاختياري لبعض الاستاذات الي اشوفهم ( كويسآت ) بمنظوري..
سواء طريقه القاء المادة العلميه.. او كاسلوب اختبارات.. او حتى ( تحضير وغياب )
لكن تفاجات <- والحقيقيه اني تعودت على هالمفاجاه..
ان الشعب نزلت بدون اسماء استاذات.. يعني راح يتكرر موضوع الترم الي فات..
في الحذف والاضافه نزلوا شعب بدون اسماء.... وبعد اغلاق الحذف والاضافه..نزلوا الاسماء ؟
يعني حركه مقصوده جدا..
سؤالي هنا.. هل اختيار دكتوره الماده.. من حقي كطالب جامعي ؟ او مو من حقي ؟
واذا كان من حقي ؟ بماذا يٌفسر عدم وضع اسماء الاستاذات ؟ حركه مقصوده لملء كل الشعب ؟
والاستفاده من الحد الاقصى من كل شعبة لتخريج اكبر الدفعات ؟
واذا كان من حقي ؟ من يتحمل مسؤليه عدم ادراج اسماء الاستاذات ؟
وهل يحق لي الاعتراض على ذلك ؟

يمكن اكثركم طلاب مثلي.. ومايعرفون مثلي !
..لكن ننتظر يمكن نلاقي اجابه..

[طارق 20]

انا معاكي في كل كلمه


من حق الطالب يختار دكتوره

[mmk]

اي والله الشي دا يقهر ويخلي الواحد يجيه الجنان ,,,

كانه لعب بمستقبلنا :(

شكلي زي العاده ارتب الجدول على اساس الوقت والي يجي من الله حياالله ..<<اهم شي دعوات الغاليه عشان تزبط اموري انصحكم بالموضوع دا :)

[i!i! إيقـاع المطر i!i!]

اولا لسا مو دحين ينزل اسامي الدكاترة لانه ماتوزع ودا يسير قبل بداية الدراسة بكم يوم


وتاني شي من حقنا وابسط حقوقنا .. بس اكيد هم لهم روئية افضل للترمين الاولى

وبالتوفيق لكم ولنا

[lolipop]

من حقنا و بقوه كمان كل وحده تبغى تاخد مع اللي ترتاح معاها
عارفين اهم شي الراحه النفسية

و بعدين لا تستعجلي هما اول شي ينزلو الشعب بعدها بكم يوم ينزلو اسماء الاستاذات بس الترم اللي فات سوو حركه بايخه و ما نزلو الاسماء و لما سألت عن السبب قالو انو السستم خرب <<< على مين بس الله المستعان
بس ان شالله هادا الترم ما يعيدو الحركه دي

[مزون عابرة]

معك حق
الترم الي راح اول ترم اشوف ما ينزلو اسمآء الاستآذات
ماندري بيكرروها ولا؟
بس بسبب حركتهم ,, صارت زحمه ودوشه عند الاقسام كل البنات بيحذفو ويضيفو لما انصدمو من بعض الاستاذاات
اريح لهم ينزلو الاسمآء ,, وكل مين يختار الي يبغا يدرس معه

[موخاميد]

مو الان تنزل اسامي الدكاتره اول يوم للحذف والاضافه تلاقي اسامي الدكاتره قدامك

كل سنه كذا

[نبـْض أخيـرْ]

تو اخذت لفة ع شعب التخصصات الثانيه .. ماشالله بنات الاقتصاد منزلين اسامي الاستاذات
والعلمي برضو..
اماا ياعلم النفس من الترم الي فات مكانك سر..
الله يعين ع الطفش ذا :(

[نبـْض أخيـرْ]

المشاركة الأصلية كتبت بواسطة موخاميد مو الان تنزل اسامي الدكاتره اول يوم للحذف والاضافه تلاقي اسامي الدكاتره قدامك كل سنه كذا

اتوقع لو قرات الموضوع تعرف انا وش قلت

ان الشعب نزلت بدون اسماء استاذات.. يعني راح يتكرر موضوع الترم الي فات.. في الحذف والاضافه نزلوا شعب بدون اسماء.... وبعد اغلاق الحذف والاضافه..نزلوا الاسماء ؟ يعني حركه مقصوده جدا..

شكرا عالتواجد

[Fatema Alshareef]

اي والله من حق كل طالب جامعي يختار تخصصه....
مادري وش ذي الحركه البايخه....بس إن شاء الله ما يكرروها....
وندرس مع اللي نرتاح معاه غصب عنهم....نحنا كبار وطلاب بالجامعه عارفين مصلحتنا بانفسنا.....