بخصوص المواد الاختياريه - elect

[dre]

السلام عليكم

عندي استفسار بسيط يا جماعة الخير
انا اخدت ماده حره (اقتصاد جزئي) وانتهيت منها من اول

وحاب دا الترم انزل ماده اختياريه (elective) - مع العلم انو تخصصي مدنيه -
رحت على الخطه الدراسيه لقيت مواد من غير اسماء
منها 3 ساعات وبعضها ساعتين

السؤال هنا , على اي اساس انزل الماده الاختياريه؟
انا على حسب علمي وزي ما هوا موجود في الخطه انو مالها متطلب

لمن رحت القسم عشان اسأل الدكتور المشرف عليا
يقولي مين قالك مالها متطلب؟؟؟ وسار يعطيني امثله انو
لو تبغا الماده دي لازم تكون ماخد الماده الفلانيه
وقالي انو كل المواد الاختياريه 3 ساعات !!!!!!!


طيب يعني نصدق الموقع ولا والمشرف الاكاديمي !!!

يا ريت احد يوضحلي الهرجه
وشكرا لكم

[الخيال@]

كل واحد له كلام وكل كلام اغرب كمن الثاني والله ماعرفنا نصدق كلام مين خليها على ربك بس

[dre]

الله يعيييين بس

بانتظار اي رد مفيد من احد الاخوان

[حلمي بروفيسور]

والله ياخوي كان ودي افيدك بس للاسف هذا اول ترم لي في المواد الحرة

بس بعد اذنك اخوي ممكن تقولي كيف مادة الاقتصاد الجزئي لاني ناوي انزلها الترم هذا وكيف الدكاترة

وشكرا

[heso]

هادي مهي اختيارية اسمها مواد حرة ..

[dre]

الاخ ( حلمي )
الاقتصاد الحزئي ( مادة حره ) بسيطه
وانا اخدتها عند الدكتور الفلالي

_____________


نرجع لهرجتنا دحين ههههههه

[thewave]

حسب علمي انه مالها مطلب تقدر تنزلها في اي وقت هذا على حسب كلام القسم عندنا

[صقرر]

الالكتف اخوي تاخذها في اي وقت وليس لها متطلب بدليل طالب من الانتاج اخذ مادة الكتف من الطيران !!!!

فما يحتاج يون لها متطلب

راجع رئيس القسم او بروفيسور افضل ك

[dre]

رحت القسم وسألت ويقولي الدكتور انو لها متطلب - مع انو الموقع يقول غير كدا -
ايش النظام المقربع دا في قسمنا, مدري
مشكورين يا اخوان

[yusuf]

نفس الحكاية قالوا لي أن المواد الأختيارية لها متطلب
صراحة لا تعليق