معلومات عن اختبار IE 203 + تسجيل معمل الفيزياء Pheys 281

[عبادي جدة]

بسم الله الرحمن الرحيم ..

حياكم الله أجمعين ..

اليوم ولله الحمد اختبرت مادة مهارات الاتصال الهندسي IE 203 ولله الحمد كان الاختبار سهل ( بالنسبة لي .. )

الاختبار عبارة عن 60 سؤال فوكابلري و جرامر فقط .. والجرامر كان سهل ..
تقريبا من السؤال 35 حسيت الأسئلة بدأت تصعب ..

================

تسجيل معمل الفيزياء Pheys 281

مبنى كلية العلوم الدور الأرضي أول ماتدخل امشي طوالي خلف الدرج مباشرة تلقى مكان التسجيل

ولازم تجيب معك جدولك أو اذا ما جبته تكون عارف شعبتك .. مهم يا باشوات..

الأوقات المتوفرة ..

السبت - الثلاثاء

2 - 5 .. ( حسبي الله ونعم الوكيل ..)

الأحد - الأربعاء

10 - 1 ( غير مناسب لمعظم الطلبة ..)


بالتوفيق يا باشوات ..

[mr increase]

مشكور على المعلومات

[بحر الغرام]

اوقااات لااااااااااااا مرة مهي مناسبة لي كلها ايش اسوي ؟!!!!!!!!!!!!!!!!!!!!!!!1

[Walad_Jeddah]

ولا واحد فيهم مناسب !!!

شكلي بأحذف الماده

اصلا ضافولي هيا على كيفهم !

[صقرر]

بالتوفيق

[eng.emo]

طيب في حل :
ايش رايكم يقسموا الثلاث ساعات الى ساعه في اليوم
اصلا ٣ ساعات كثيييره مو كفايه عندنا رياضيات وتصميم وشغل

[CONDEMNED]

يا شبـآب المعمــل تبع 110 ما اخبر اخذ اكثر من ساعه ونص فعليـاً انصحكم تاخذونه

[qqwwaassqwas]

معليش أنا أبغا أسال الأخ (عبادي جدة) عن اختبار ie203 ,,
أنا حضرت السبت , وسويت جدولي كامل , بس ما حضرت الأحد و ما حضرت الإثنين , وما اختبرت .
فلو سمحت أبغا أسئلك , هل الإختبار مهم ؟
هل أخذت محاضرات ولا لأ ؟
وشكرا على تعاونك .