أسئلة خاصة بالقبول للانتظام و المِنح وَ الخطَّتين (أ) وَ(ب) ساعدوني [عُنوَان مُعدَّل]

[هديل السعدي]

سلام
كيفكم ؟؟؟
انا طالبه بثالث ثانوي علمي وع مشارف التخرج الحمد لله نسبتي الثانويه 95 وف القدرات اختبرت الاختبار الاول وجبت 69 وباقي تحصيلي واخر اختبار للقدرات
حابه استفسر عن كذا سؤال اتمنى احد يساعدني ويفيدني
1- اذا جبت الموزونه حقتي 82وفوق تتوقعون انقبل انتظام او لا ؟ م فرقت معايه ف السليمانيه او الشرفيه او عسفان بس م ابغا خليص والكامل لان م فيه مواصلات
2- اذا م انقبلت انتظام اقدر اسجل ف عفت او دار الحكمه ؟ واطلب منحه وكيف الخطوات يعني اول شي وين اروح واكلم مين اروح للجامعه ولا ومتى موعد فتح المنح ؟؟؟؟ اللي قدم منحه ي لييييييت يفيدني
3- اش يعني خطه ا و ب ؟
اللي فاهم في هذي الاشياء و اخذ منحه و قدم ي ليت يفيدني من بدري عشان اكون ماخده احتياطاتي انو اطلب منحه وكذا مع انو انا البنت الاولى ف عايلتنا حتدرس ف الجامعه وما اعرف حااااااااااجه
شكرااااااااااااااااا لكل من قرأ موضوعي وجاوبني =)

[هديل السعدي]

المشاهدات 35 ومافيه احد رد ليشش؟ =(

[فراشة الالماس]

وعليكم السلام ورحمة الله وبركاته..
اذاكنتي سعودية وجبتي 82وفوق ان شاء الله راح يقبلوكي بس حاولي اكثر من 82وشدي حيلك في التحصيلي والقدرات(اهم شيئ)وان شاء الله تدخلي انتظام
بانسبة للخطة أ وب
خطة أ تاخذي مواد وخطة ب تاخذي مواد ثاني حسب ماينزلولك هما في الجامعة خطة أ او خطة ب مو انتي الي تختاري
مواد خطة(أ) :هي (رياضيات-حاسب-لغة عربيه- e-ثقافة اسلامية1)5 مواد
مواد خطة(ب)هي(احصاء- مهارات تفكير وتعلم- مهارات اتصال)4مواد
طبعا هتدرسي مواد الخطتين اجباري (يعني اذا نزلك خطة أ الترم الاول راح ينزلك ب الترم الثاني)

ان شاء الله تكوني فهمتي.
وبالتوفيق يارب^^

[Dr.ReRo]

ماحنقدرنأكدلك شي لانو كل سنة النسب بترتفع ماشاءالله بس غالباا ازا جبتي اعلى من 80 حتنقبلي انتظاام ان شاءالله
والسنة اللي فاتت وقف القبول على شي وسبعين انتظام وتأهيلي
بس انتي لاتشيلي هم دحيين وشديي حيلك في الفاينلز والتحصيلي دحيين

بالنسبة لخطة أ و ب

فدي في بداية السنة ان شاءالله لمن تنقبلو حيوزعوكم قسمين
ناس حتدرس مواد خطة أ [فيزياء -رياضيات -حاسب - مهارات اتصال]
وناس حتدرس مواد خطة ب[كيمياء-أحياء-إحصاء]

بالاضافة لاربعة مستويات انجلش مستوين في كل ترم حسب المستوى اللي حيحطوك فيه بعد ماتختبري تحديد المستوى اعتقد تاني او تالت يوم بعد ماتنقبلي

واي سؤال تاني تبغي تسئليه انصحك تحطي في ملتقى المسار العلمي
http://www.skaau.com/vb/forumdisplay.php?f=85
وحيفيدوك ان شاءالله طلاب التحضيري وادخلي كمان
على منتدى الملخصات والمواضيع المميزة مررررة حيفيدك وحيعطيكي فكرة كويسة عن المواد ومزاكرتها وكدا
http://www.skaau.com/vb/forumdisplay.php?f=173

ربيي يووفقك ان شاءالله وتنشووفك معانا السنة الجاية

[فراشة الالماس]

بالنسبة لخطة أ و ب

فدي في بداية السنة ان شاءالله لمن تنقبلو حيوزعوكم قسمين
ناس حتدرس مواد خطة أ [فيزياء -رياضيات -حاسب - مهارات اتصال]
وناس حتدرس مواد خطة ب[كيمياء-أحياء-إحصاء]


يا أختي:مواد خطة أ وخطة ب اعتقد غلط الي انتي كاتبتها
الا اذا كان انتساب يختلف عن انتظام
بس كل الي درسو المواد خطة أ وخطة ب نفس الي كتبتوا فوق
بالاضافة الى الانجليزي مستوى 1 و2 في الترم الاول
ومستوى 3و4 في الترم الثاني
هذا الي اعرفه وكل الي دخل نفس النظام اخذو المواد الي كتبتها الا اذا كان يختلف ادبي عن علمي

وبالتوفيق يارب^^

[Jomy]

فراشة الالماس السأله تسال عن العلمي وانتي كتبتي مواد الادبي

[فراشة الالماس]

فراشة الالماس السأله تسال عن العلمي وانتي كتبتي مواد الادبي


آسفة ماانتبهت انها كاتبة علمي
سامحوني على الغلط
بالتوفيق يارب^^

[مجمع العرب]

ازا تبغي منحه تختاري الكلية او الجامعه اللي تبغيها و تروحي تكلميهم بخصوص انك تبغي منحه و هم بيقولولك فين تروحي تقدمي لمنحة الملك و لازم يكون نسبتك عالية و الأولوية للأعلى في القبول و كمان انبهك انو المنحه فيها شروط نوعا ما قاسية و لازم انتي تكوني منتبهه من دي النقطة
اما جامعة الملك عبد العزيز ماتحتاج منحه ولاغيرو بس قبول من عندهم

[هديل السعدي]

المشاركة الأصلية كتبت بواسطة مجمع العرب ازا تبغي منحه تختاري الكلية او الجامعه اللي تبغيها و تروحي تكلميهم بخصوص انك تبغي منحه و هم بيقولولك فين تروحي تقدمي لمنحة الملك و لازم يكون نسبتك عالية و الأولوية للأعلى في القبول و كمان انبهك انو المنحه فيها شروط نوعا ما قاسية و لازم انتي تكوني منتبهه من دي النقطة اما جامعة الملك عبد العزيز ماتحتاج منحه ولاغيرو بس قبول من عندهم

شكرا لردك اختي انا حابه اقدم منحه ع جامعه عفت بس كيف تكون االشروط قاسيه نوعام ما ماني فاهمه اتمنى التوضيح ؟؟؟؟؟؟؟
ومتى اروح اقدم ؟؟؟؟؟
وطيب اذا جبت 82 وفوق تمام ولا مو تمام ؟؟
شكرا لك

[بنت جداويه]

ي قلبي ادخلي على موقع ععفت
وتلاقي اجوبه لاسئلتك
على فكره التقديم على المنحه انتهى :)
بعد كم يوم بتطلع النتائج