أتمنى الدخول للأهميه

[Abdualaziz Saleh]

السلام عليكم ورحمة الله وبركاته


انا طالب في السنه التحضيريه

حلمي اني ادخل كلية تصاميم البيئه

ومتوقع درجتي الموزونه 75,5

هل تؤهلني لدخول الكليه

وهل التسكين فيها بعد الصيفي

ولكم جزيل الشكر مني

[ج ــنونكـ ~]

على أقل من مهلك

دفــ ع ــة 2010 كان المعدل على ماأذكر70

يعني لاتشيل هم أبداً ~

[jno0]

لا معليك اخوي لا تشيل هم ،، ان شاء الله تنقبل ..
اقل نسبه موزونه قبلته الكليه العام كانت ٧٠ .
وع فكره انا معدلي كان قبل منقبل فيها ٣.٤٨
يعني بالراحه ان شاء الله تنقبل ..

وشكرا

[سمران]

كلام جميل

[jno0]

معليش اخوي عزوز ماكان يمديني ارد عليك ع الخاص لانه يبغالي مشاركتي تكون اكثر من 100 . وانا دوب عندي 5 مشاركات هههه ,, عشااان كذا :
بقلك ع العام :
هههههه ,, يارجاال اناا رسبت في الفيزياء واخذتها ترم صيفي وقبلوني . :)
لا وكنت حاط الكلية في تسلسل الرغبات الترتيب السابع , ويوم جاء وقت نتيجة الفرز حقت الرغبات , رحت وفكيت الاودوس ولقيتهم قبلوني فيها وحاطين الجول وكل شئ .,

انت حطها اول رغبة ومعليك بيقبلونك لا تخاف ,, بالنسبة للطريقة القبول مدري كيف والله ., لكن انت توكل ع الله وراح تنقبل باذن الله ., يعني ماشاء الله عليك 73 حلووة ,
واذا تبي تتأكد روح للشوؤن التعليمية في كلية تصاميم البيئة ( اول ماتدخل مع باب الكلية روح يسار بعدها راح تحصل مكتب ع يدك اليسار ) اسالهم وقلهم عن كيفية القبول والطريقة , لاني اناا بعد مانقبلت فيها صرت اروح عندهم وازبط الجدول واضيف و احذف من المواد لانهم هم المتحكمين واذا واجهني شئ سالتهم لانهم ادرى بالكلية ,,
ترى اذا انقبلت في الكلية ( ان شاء الله ) ماراح تتخصص ع طول راح تدرس سنة كاملة وبعدها تتخصص في احد التخصصات الموجودة عندهم وهي اربعة ( عمارة , وجيوماتكس , وعمارة البيئة , وتخطيط حضري واقليمي )

لكن خلي كل شئ في وقته حلوو ..

وبالتوفيق .

[feras99]

لاتشيل هم لو جبت 3 باذن الله بتدخل عندنا انا اعرف واحد كانت نسبته 2 وشي ودخل الكلية السنة اللي فاتت