فرع جامعة الملك سعود للعلوم الطبية بجدة

[Dr.W.S.W]

سمعت عن وجود فرع لجامعة الملك سعود بجدة خاصة بالعلوم الطبية

طب بشري - طب أسنان - صيدلة - تمريض

رجاء لو أحد يعرف عنوان الكلية بجدة او أي شي عنها يفيدني طريقة التقديم أو الدراسة أو لو في سنة تحضيرية لأني بحثت كتير ولقيت انو فعلا في فرع في جدة بس مافي اي معلومات تانية عنها ولو في طالبات ولا بس طلاب وكدا

وبالتوفيق للجميع

[نعناع أخضر]

نعم تابعه للحرس

[dr.CILIA]

موجوده في جده موقعهم بجوار سوق مجمع الشرق - شارع التضامن العربي.. طبعا مبنى مؤقت الين تنتهي المباني المخصصه للكليه بجوار مستشفى الحرس
التقديم عن طريق الانترنت ..الكليه حاليا يدرس فيها تخصص التمريض مااعرف اذا بدأ التقديم للتخصصات الباقيه

بالتوفيق

[ملاك الجامعية]

المشاركة الأصلية كتبت بواسطة Dr.W.S.W سمعت عن وجود فرع لجامعة الملك سعود بجدة خاصة بالعلوم الطبية طب بشري - طب أسنان - صيدلة - تمريض رجاء لو أحد يعرف عنوان الكلية بجدة او أي شي عنها يفيدني طريقة التقديم أو الدراسة أو لو في سنة تحضيرية لأني بحثت كتير ولقيت انو فعلا في فرع في جدة بس مافي اي معلومات تانية عنها ولو في طالبات ولا بس طلاب وكدا وبالتوفيق للجميع

ايوا اسمها جامعة الملك سعود بن عبدالعزيز للعلوم الصحيه تابعة للحرس الوطني

حاليا في تخصص تمريض للبنات والاولاد طب

نظام الدراسه من اول يوم تنقبلي في تخصصك في سنتين تحضيرية

لكن التحضيرية حقتها يعني هي مواد عامة لاول سنتين ومن ثالث ترم

بدينا ندرس مواد تخصص تمريض

وبعد اربع سنوات دراسه في سنة خامسه امتياز في مستفى الحرس

هذا موقعهم عن طريقه التسجيل http://www.ksau-hs.edu.sa/Arabic/Pages/default.aspx


لهم مساريين للتسجيل الاول لخريجين الثانويه وهذا يفتح نهاية السنه والمسار الثاني لخريجين كليات علوم لتكميل التمريض او الطب للاولاد وهذا يفتح بين الترمين

انا من طلبة التمريض فاذا عندك اي سؤال انا بالخدمه

بالتوفيق

[Dr.W.S.W]

مشكووور نعناع أخضر و Dr.Cilia و ملاك الجامعية

ماقصرتو والله يسهلكم طريقكم ويوفقكم
يعني لسة بااااقي مشوار اللين تفتح باقي التخصصات

[nice cool]

السلام عليكم
عندي ئسوال هل يوجد قسم طب للبنات بجامعتكم حتى لو مو في جه في الرياض اهم شس قي قسم طب
والسوال الخر ادا كنت تمريض اقدر اكمل طب كيف ومهي الشروط والمعدل المطلوب وجزاكم الله خير تريحو قلبي ادا جاوبتوني

[nice cool]

ياجماعه احد يرد عليا تكفووووون

[Cherry blossoms]

^


اب للافاده


وانا كمان كونت حابه اعرف انو اقدر اعادل المواد لاني بخلص تحضيري

هالترم ان شاء الله واذا عندهم صيدله ولا مقتصر ع التمريض بس ؟؟؟؟؟



بانتظار ردودكم ^^ً

[ملاك الجامعية]

فيه طب للبنات لكن في الرياض لكن تكميل الطب حاليا للاولاد خريجين كليات العلوم

فيه جدة تمريض للبنات وطب للاولاد لكن ماادري عن السنه الجايه اذا حيفتحو اقسام جديدة ولا لا

بالنسبه للشروط موجوده على موقع الجامعه

اسفه عن عدم ردي لكن لانو لاب توبي كان خربان واليوم صلحته

بالتوفيق واي اسئلة ثانيه انا بالخدمه

[قافله الخير]

تسلــــــــــــمي ياعسل الله يعطيك العافيه مرررررا ودي اسجل فيهااا وافدتيني ^_^