استفسار و ياريت جواب

[بنوته كيوت خدودها توت]

السلام عليكم مين يعرف متى تطلع أسماء الأستاذات على الشعب
ومتى حيكون الحذف و الاضافة
ومين أكثر استاذة كويسة في مادة البرمجة 203
وبالنسبة لمادة التراكيب222
ومادة الثقافة الاسلامية 101
والعربي 201
والmath تفاضل و تكامل 202
وشكرا ليكم

[أرنوسية]

وعليكم السلام ورحمة الله وبركاته

أتوقع الحذف والإضافة يفتح بعد العيد

أما أسماء الأستاذات ما تنزل في العادة إلا بعد ما تعبي جدولك
وتطيح الفاس بالراس

وأغلب المواد في الحاسب تكون شعبة وحدة

[بنوته كيوت خدودها توت]

جزالك الله خير

[بنوته كيوت خدودها توت]

طيب ابغى اسألك يأرنوسيه
كيف الاستاذات في هذا القسم
يعني يمشي حالهم والا
الله المستعان على ذلك

[Prof.H]

بالنسبة لأسماء الأستاذات
مثل ما قالت أرنوسية

لكن ما أعرف الأستاذات الجدد صراحة

لكن القسم كله على بعضه مع الدكاترة ممتع و شيق و ملئ بالتحديات >> لما تكبري شوية راح تعرفي ايش أقصد

بس اذا في سؤال في بالك أسالي ...و ان شاء الله أفيدك

[بنوته كيوت خدودها توت]

أبغى أسألك ياProf.H مين في أستاذة كويسة التراكيب cpcs222
وفي مادة البرمجة cpcs 203
وفي مادة الثقافة 101
وفي مادة العربي 201
وفي مادة math 202
عارفة اني ثقلت في الأسألة بس ايش اسوي
ماني عارفة بالذات في الmath والثقافة والعربي
وشكرا جزيلا مقدما

[Prof.H]

التراكيب cpcs222
اذا قصدك تراكيب بيانات أكتبيها rule عندك في الدفتر
Data Structures == د.زينب
شرحها رائع و تفهمي معاها في المحاضرة و ماتتعبي في هذة المادة كثير لأنها فهم
بس خليك مع الدكتورة في المحاضرة
مادة البرمجة cpcs 203
أخذتها مع أروى لنجاوي و كانت المادة حلوة معاها
لكن الدفعات اللي بعدي أخذوها مع أستاذات غير
بس طالما تأسستي صح في مادة البرمجة اللي قبلها
فالjava سهلة ان شاء الله... مثل بقية لغات البرمجة يحتاج تدربي ايدك عليها
وفي مادة الثقافة 101
وفي مادة العربي 201
وفي مادة math 202
انت هنا تسألي عن حاجة صارت قبل أربع سنوات
الثقافة المستوى الأول.. الأسئلة موحدة و كنت أقرأ من الكتاب لأن المحاضرات كنت أنام فيها أوقات
أما العربي المستويين كانت سهلة
و الmath أخذتها مع دكتورة من قسم الرياضيات
كان كله مراجعة للتفاضل و التكامل تبع الثانوية مع شوية زيادة بسيطة
سامحيني ما أذكر أسماء الأستاذات تبع المواد الأخيرة و ما أقدر أنصحك بأحد أكيد تغيروا من بعدي
بس اذا نزلت الأسماء أسئلي عنهم في المنتديات أو روحي للكليات و أسئلي الطالبات في قسم العربي مثلا عن الأستاذة راح يفيدونك عن أسلوبها في الشرح و الأختبارات ان شاء الله

و بعدين ما ثقلت علي في الأسئلة و لا حاجة ياقلبي
لما كنت في مستواك كنت محتاجة أحد يساعدني مثلك
لكن عندي سؤال
انت كيف قدرت تضيفي مادة Data Structures مع هذة المواد ؟؟؟
على كذا الخطة تغيرت بعدنا...

[بنوته كيوت خدودها توت]

جزاك الله خير
وجعله في موازين حسناتك
والخطة تغيرة صرنا ماشين في خطة جديدة
وهذي نزلتلي المادة من الخطة

[بنوته كيوت خدودها توت]

صح كمان حبيت أسألك ياProf.H
في بنات قالولي انه استاذة زينب عصبية انت ايش تقولي؟

[Prof.H]

حرااااااام عليكم ...مالقيتوا غير الدكتورة زينب تقولوا عنها عصبية
و الله ما تصدقوا قد ايش هذة الدكتورة طيبة و حنونة على طالباتها
لكن البنات فسروا شخصيتها بطريقة غلط

راح أقولك بشكل عام
كل دكتور مستقل بشخصيته و له طريقته الخاصة في فرض احترامه على الطلبة

خذي مثال:
تداومي يوميا من البيت كل صباح مشوار ساعة الا ربع... علشان تحضري للمحاضرة و تفهمي المادة...و جلست وراك بنت تتكلم مع صاحبتها طول وقت المحاضرة...أو الجوالات ترن كل شوية وعلى بال كل وحدة تطلع جوالها من الشنطة و تقفله...
و الأستاذة ماشية في الشرح أو توقف كل شوية و تجلس تعلق على موضوع الأزعاج اللي حاصل و البنات ماهم ضاربين لها حساب علشانها طيبة معاهم بزيادة أو تتكلم معاهم نص المحاضرة...
تتوقعي راح تطلعي من المحاضرة فاهمة المادة...
أو على الأقل حتكوني متأكدة ان اللي فهمتيه صح مو غلط ؟؟؟

هذا الكلام ماهو موجود عند د.زينب و هذا اللي يساعد ان البنات يفهموا معاها بشكل حلو و بدون شوشرة أو ازعاج
تطلعي من المحاضرة فاهمة المادة لأنها تحتاج تركيز شغلها فهم أكثر من حفظ

و اذا على العصبية فهي من باب فرض الأحترام..أو انها تشد على الطالبات علشان مايهملوا المادة...
و مافي دكتور على وجه الأرض يرضى أن تكون عنده نسبة رسوب في المادة...
لأن رسوب الطلبة دليل على فشل عضو هيئة التدريس في ايصال المعلومة و الهدف المطلوب تحقيقة من قبل الدكتور...

و عادي ياقلبي خذي راحتك بالأسئلة...موفقة يارب...