تحضيري 2011 ............ مشاعركم وتوقعاتكم

[الخلوق]

السلام عليكم ورحمة الله وبركاته
إلى طلاب وطالبات تحضيري 2011:-
ما هي مشاعركم قبل بداية الدراسة الجامعية(وخاصة أن الدراسة بعد أسبوع)؟ وما هي أحاسيسكم؟ وما هي توقعاتكم عن هذه السنة(السنة التحضيرية)؟ وماذا تتمنون أن تنجزوا وتقدموا في هذه السنة؟

[Qotaiba HBK]

المشاركة الأصلية كتبت بواسطة الخلوق السلام عليكم ورحمة الله وبركاته إلى طلاب وطالبات تحضيري 2011:- ما هي مشاعركم قبل بداية الدراسة الجامعية(وخاصة أن الدراسة بعد أسبوع)؟ وما هي أحاسيسكم؟ وما هي توقعاتكم عن هذه السنة(السنة التحضيرية)؟ وماذا تتمنون أن تنجزوا وتقدموا في هذه السنة؟

وعليكم السلام ورحمة الله وبركاته \ ~

والله انا شخصياً أحس اني متحمس ومتوتر بنفس الوقت، والتوتر هذا كله مو عشان ان السنة خلاص حـ تبدأ لا بالعكس اللي مخليني متوتر هو مكان الدراسة _> فرع شمال جدة <- لأن لحد الآن مافي أي معلومة عنه، كل اللي شفناه سمنت وطوب أحمر وهذا اللي مخوفني صراحة، وبالنسبة لي أتمنى آخذ معدل حلو ما يقل عن 4,50 درجة عشان أقدر أدخل القسم اللي أبغاه ^___^ \\ ~

بالتوفيق \ ~

[Miss.law]

الله يوفقكم

^
^
^

دعوة من القلب

=)

[الياقوت]

أنا كمان أقول الله يوفقكم كلكم

وكمان أقول يا رب جفف الدم بعروق ياسر الخبيث

[OMAMA]

أتوقع حتكون سنة حلوة وأتمنى اني آخذ معدل عاااااااااااااااااااااااالي

[Eng.SouL]

مشاعركم وتوقعاتكم

بالنسبة للمشاعر: كنتُ متحمساً، لكن الآن لم تعد بي أي مشاعر.
التوقعات: لن أقول توقعات، لكن سأقول ما سيحصل: سأكون الأول عالدفعه بمعدل 5 - بإذن الله -
الياقوت: ما تحس إنك داخل عرض؟

[الياقوت]

المشاركة الأصلية كتبت بواسطة Eng.SouL بالنسبة للمشاعر: كنتُ متحمساً، لكن الآن لم تعد بي أي مشاعر. التوقعات: لن أقول توقعات، لكن سأقول ما سيحصل: سأكون الأول عالدفعه بمعدل 5 - بإذن الله - ان شاء الله الياقوت: ما تحس إنك داخل عرض؟ والله قهرني الحقير قلت ممكن احد يسبه واكسب اجر

بالتوفيق

[anoos04]

انا صراحه ماعرف بأيش ابدأ
بالخوف لأني تأهيلي
بالفرحه لأني جامعي
بالحزن لأني ماعندي مكافأه >>>يحزن
بالأمل لأني انشاءالله ابغى طب

اتمنى انه تكون سنه سهله وحلوه في نفس الوقت
والله يعين عالكرف اللي راح اكرفه
مجرد مشاعر ماقبل الدراسه
وانا عارف انها راح تتغير إلى الأفضل
تحياتي
Just Anoos

[البتول 2010]

مشاعري احس بتوتر لاني جو الجامعة جديد عليا ومادري كيف حتكون معاملة الاستاذات وكيف شرحهم
وكمان احس بفرح لان صرت جامعية وحياتي حتتغير عن لما كنت بالثانوي
واتمنى اجيب معدل مايقل عن 4.50 وانا ان شاءالله قدها وقدود
واتمنى من الله التوفيق والنجاح لكل طالبات وطلاب دفعة 11

[dream.joory]

المشاركة الأصلية كتبت بواسطة الخلوق السلام عليكم ورحمة الله وبركاته إلى طلاب وطالبات تحضيري 2011:- ما هي مشاعركم قبل بداية الدراسة الجامعية(وخاصة أن الدراسة بعد أسبوع)؟ وما هي أحاسيسكم؟ وما هي توقعاتكم عن هذه السنة(السنة التحضيرية)؟ وماذا تتمنون أن تنجزوا وتقدموا في هذه السنة؟

بصرااحه مشاااعر خوف وقلق ماني عارفه احسو عالم تاني
بس في نفس الوقت راح اجرب شى جديد وعالم مختلف بس اتمنى انو تكون احلى سنه واجيب معدل يرضيني وادخل التخصص اللي في بالي ياارب ))))))))متوتره بالمره