استفسار بالنسبة لخطة ب

[رفّات حُلم]

السلام عليكم ودحمة الله وبركاته،
بالنسبة للإحصاء التعاريف مرة مرة كتيرة!
ومو معقول أحفظ دا كله مع الأحياء
فتجربتكم في التعاريف يا حلوين؟
هل أربط دا مع دا وخلاص ولا لازم أحفظه ؟
ونفس الشي بالنسبة للأحياء؟
كمان الموقع التفاعلي كويس للإحصاء؟


شُكرًا

[Yasmina95]

وعليكم السلام
اول شيء الإحصاء الباب الاول مرة كتير تعاريف ،،، انتي لازم تكوني فاهمة التعريف لانو ممكن يجي سؤال عليها
مثلا انا افتكر جانا مثال انو سقوط الأمطار في خلال شهرين ،، و حائط أربعة خيارات والإجابة الصحيحة هي time series
فلازم تكوني فاهمة التعريف والأساسيات
اما بالنسبة لحفظ المصطلحات ،، هوا بصراحة مدري كيف أقولك
انا صحبتي أخدت يوم كامل عشان تحفظو كلو لانو بالاختبار يجي نصا بالضبط زي الكتاب
فما اقدر أقولك الا لازم تحفظيه مع فهمها لانو ممكن يجيب عالتعريف مثال ،،، اذا كنتي ملخبطة بين تعريفين لازم تفرقي بينهم
لانو الاختبار حيحطوا لك كل الاجابات الممكنة الي تخطر على بالك
و ترا الباب الاول مرا سهل بس ذاكريهم اول بأول عشان بالنهائي يكون موية

__________________

وبالنسبة للأحياء الدوري الاول كان حفظ اكتر شيء ،،، فلازم صراحة تحفظيه
في بنات ماكانواا يقدروا يحفظوا ف كل يوم يقرؤوا الين مايحفظوه
فلازم يعني الزبدة تحفظي

اما الموقع التفاعلي للإحصاء كان مرة يلخبط و خلاص اكتفينا بتمارين السيكشن مع اسئلة الاختبارات
اشرف بركات ملخصاته تلخبط فبطلت اذاكر منها

و الموقع التفاعلي للأحياء ما ذاكرتوا ولا جربتوا صراحة

[رفّات حُلم]

الفهم مقدور عليه لكن الحفظ :/
شُكرًا يا جميلا

[أسرار سامي♥]

♥♥





الاحصاء ..
ممكن التعايف كثيرة بس انتي اكتبي كل ميزة لكل تعريف
يكون تعريف فيها شي مميز وبكذا يسهل الحفظ
مع الفهم و اكرر في كل المواد التدريب التدريب التدريب
يفيدك جدا ويوسع مدار عقلك و يسرع حلك وتفكيرك سواء موقع تفاعلي او غيره
خذي الامور ببساطه و تفاؤل وكل شي يتيسر موفقه

[آنسة مفهية !]

لا تخافي حبيبتي كلو سهل بإذن الله مع المذاكرة )=
الاحصاء حبيبي الدوري الـأول ترى مايجيكِ تعريف مباشر إلا واحد أو اثنين بالكثير
وتكون مباشرة كمان افتكر جاني أنا وصحباتي تعريف الأحصاء مافيه أسهل منو
بقية التعاريف كلو يعتمممد على الفهم ..
ركزي وافهمي يعني يجيكِ سؤال فيه عينه وتكتبي ايش نوعها عنقودي أو عشوائي
واعرفي كل وحده ب ايش تتميز حاولي تفهمي كمان يجيبوا لكِ مثال وتقولي ذا تابع أو مستقل ..
وبرضو تجيييكِ عيوب على شكل مثال وتحددي ايش هو العيب ذآ إلي بالاحصاء
والصفر متى يكون حقيقي ومتي لا !
شبتر اثنين ركزي على تعريفات الرسوم .. لانو تجيكِ أو جدول وتحددي نووع الرسم
او رسمة وتقولي إيش هو الشئ ذا .. فيه كمان الرسوم الي فيها الإشارات مع المين والمود ونسيت الشئ الثالث والله ذاكريها
الثالث سهل بإذن الله لـأنو تعويضات وقوانين وتجيكِ كثير منها ب الـأختبار ..
يارب تتوفقي وتجيبي درجات عالية فيه وابدئ من الآن ذاكري أي سؤال اسألي دكتورتك
آخر حاجة ممكن تفيدك " السعدي الملخص حقو شارح انواع العينات كويس وموضح فيها .. بس افتكر العيوب مو مشروحه $"


الـأحياء لاتحفظي التعريف نصاً افهمي واربطي الكلمات المهمة والمميزة بالمصطلح ويجي جداً واضح الـأحياء
مافيه لفات وركزي على الرسمات والـأسماء .. يآرب ربي يسهله لك وتجيبي فيه عالي وتفرحي
موفقة حبيبتي

[رفّات حُلم]

شُكرًا لكم جميعًـا () .