الحمدلله على كل حال ,ضاع حلم الماجستير

[ننوس44]

السلام عليكم ..

انا سجلت بياناتي بالنت وكانت ناقصتني التوصيه وارسلت وثيقتي لاهلي في مدينه ثانيه وراحوا جابوا التوصيه وثاني يوم ختموها واتصالات انا وياهم لمده اسبوع لحد ما ارسلوها .. وصحيت زوجي من النوم عشان يجيب الورقه .. وقام وجابها .. ولما صارت اوراقي كامله مابقى لي الا يوم واحد اقدر اقدم فيه وكنت متحمسه حييييل برغم الصعوبات الي واجهتها .. المهم باليل جلس زوجي يقترح علي اني أأجل للسنه الجايه.. ويقولي بنتنا صغيره واخاف عليها تحطيها بالحضانه وهي عمرها الحين 8 شهور ولما ابداا ادرس يصير عمرها سنه ,, قلت طيب كل الموظفات يسوون كذا .. وانا لحالي بجده لا اهلي ولا اهله عندنا يعني ما عندي الا الحضانه .. المهم جلس يقنعني وانا بصراحه من النوع الي اخاف على بنتي مرررررررررررره .. وحضانه الجامعه ما يمدحوها .. واخاف احطها بحضانه برا .. مستحيل مستحيل .. المهم بعد طول نقاش ومانمت طول الليل .. تحطمت لاني كان نفسي ادرس واتعرف على زميلات جدد واغير جو البيت الي طفشت منه .. لكن بالنهايه قررت اني ما اوودي اوراقي ...
والحمدلله على كل حال يمكن خيرة .. واتمنى تدعوولي بالخير .. والله يوفق كل الي قدموا ويرزقكم القبوووول ..


تقديري ...

ننوس

[MISS EZ3AG]

مع إني تحطمت .. لأن كان نفسي اتعرف عليكي مرهـ .. لكن صدقيني خيره خيره لك!!
ماتدرين ..! يمكن تقدمي السنة الجاية وتنقبلي وانتي مبسوطه وماتواجهي أي معوقات ..!!
الله يوفقك في الدنيا والآخرهـ ويرزقك من حيث لا تعلمين .. ويحفظلك بنوتتك ويقر عينك فيها
كلنا أقدارنا مكتوبه عند الله سبحانه وتعالى .. إذا لك نصيب في الماجستير بتاخذينه بتاخذينه لو كنتي وين!!
وإن شاء الله انتظرك السنة الجاية .. إذا ربي أراد إنه انقبل هالترم ^_^

[برونزااج]

فعلاً الإنسان مايدري وين الخيره
والخيرة فيما إختارهُ الله

بما ان اوراقك الآن جاهزة , قدميها شهر 3 الجاي
حيكون فيه تقديم للماستر العام والخاص
والأقسام اكثر ونسبة القبول اكثر

والله يوفقك ويوفقناجميعاً لحلم الماستر

[cute myth]

حبيبتي مازالت الفرصة أمامك اذا رضي زوجك, قدامك ثلاث حلول ممكنه وليست مؤكده.....
1.الترم اللي فات حتى بعد انتهاء الفترة المحددة لتسليم الأوراق وكانت يوم أربعاء, استمروا في استلام الأوراق إلى السبت وأنا كنت في العمادة الأحد وسمعتهم بنفسي يرفضوا يستلموا أوراق بنات ويقولوا لحد أمس واحنا نستلم خلاص.
2. اقنعي زوجك وخليه يروح يسلم الأوراق بنفسه لقسم الطلاب.
3.اذا طلعتي رقم ترشيح اسألي عن موعد الإمتحان وذاكري وروحي يوم الإمتحان
وقوليلهم ان عندك رقم ترشيح لكن ماسلمتي أوراقك وشوفي يمكن يخلونك تدخلي الإمتحان.
وصلى الله وبارك على سيدنا محمد

[عماد الحسن]

الله يعينكم أختي وكل تأخيرة فيها خيرة.

ولو فاتتكم السنة فالأمر عادي وأمامك الفرصة في 16/3/1431هـ أي بعد 4 شهور فقط وليس سنة كما ذكرتي، توكلي على الله وراحة البال أهم شئ .
وعلى فكرة ما خسرتي شئ لأنك كملتي أوراقك وجهزتي ملفك واستفدتي من خبرات زميلاتك في هذا المنتدى الطيب، والله يسعدكم ويوفقكم في حياتكم العائلية ويحفظ لكم ابنتكم الصغيرة,

[الجــ،،،،ــوري]

كل تأخيرة وفيها خيرة

الله يوفقك ان شاء الله ويكتبلك الخير حيث كان ويرضيك فيه

[جوورري1]

اختي الغالية الله يخلي بنوتك ويحفظلك زوجك

انا قدمت أوراقي فهل معنى هذا اني خلاص انقبلت وراح أبدأ ماستر؟؟
قدامي صعوبة اللغة الانجليزية
وقدامي اطلب اجازة من وظيفتي هل يوافقون أو لا
وقدامي ولدي الله يحفظه هل راح اتركه مع الدادة او ادخله روضة؟؟يعني مافي احد يدري اش ربي كاتب له
توكلي على الله
(عسى أن تحبوا شيئاً وهو شر لكم)

[عزة نفسي_تكفيني]

يالغلاااا سبحاان الله اللي كااتبه ربكـ بيصير يمكن مو خير لكـ تااخذيهاا هالترم

قدمي في شهر 3 وان شاءالله تنقبلي وتبدأي السنه القاادمه

والله يوفقكـ يااارب ويحفظلكـ زووجكـ وبنتكـ

بالتوفيق لكـ ياارب

مودتي ووردي

[الإمبراطورة]

ربنآ يوفقك..
وييسر أُمورك.. ويرزقك الخير حيثُ كآنْ..,,





مودتي..~

[على راسي طاقية]

الله ييسر لك اختي ويوفقك ان شاء الله