شبكــات الحاسب 370

[IT dancing doll]

السلام عليكم ..
حبيت اسال اللي اخذوا ذي الماده من الشباب من اللي يعطي الكورس ..؟؟
وكيف شرحه واسلوبه وتعامله وتقيمه والدرجات؟؟ ومن ذا الكلام...
لانه حناخذ ذا الترم احتمال الكورس شبكه وبصراحه مررررره مكتفين ناس واساتذه قرف
ومعدل يتخسف ودرجات بلا...
فبليز افيدونا ياشباب ...

[man9]

الماده دي اول مره تنفتح فا مستحيل في احد من الشباب اخدها راح ننزلها الترم دا احنا دفعة 07
وانشا الله نكون سوا فيها يعني اورق ومحاضرات او اي حاجه لانو احتمال كبير يكون الاسئله موحده
والله يستر

[MeEnSAt]

غريبة حتاخدوها شبكة !!

احنا قالولنا السمستر اللي فات انهم حيقفلو دي المادة سنة !!

على كل احنا اخدناها السمستر اللي فات مع د. منال عبد العزيز

[عصر الحاسب]

^
قصدك يلغوا المادة ولا كيف ؟

[MeEnSAt]

لا قالولنا يبغو يظبطو في منهجها

واللاب تبعها فما حتنزل لأحد لمدة سنة !

مدري كلام شكلو

بالتوفيق للجميع ^^

[عصر الحاسب]

طيب لو تعرفي لكل الأقسام الإلغاء هذا؟

[MeEnSAt]

ياعسل ,, حسب كلامهم السمستر اللي فات انو المادة ماحتنفتح لأحد

لأنو مرررررررررة كان الوضع مأساوي

كتابنا ماكان زي كتاب الدكتورة , واسئلة مدري من فين واللاب مافي البرنامج تبعه

وكان حوسة ,, فقالوا انهم حيظبطو الوضع وماراح تنزل المادة !!

بس شكلهم غيرو كلامهم !!

على كل بالتوفيق ,, وان شاء الله يكون وضعكم أحسن من وضعنا

[عصر الحاسب]

جزاك الله خير يارب
و لو سمحت سؤال
المادة شغلها كثير وصعب ولالا؟
وآسفة طولتها :)

[Al()()Sh]

السلام عليكم ورحمة الله وبركاته

MeEnSAt أفيدينا أكثر عن المادة هل هي حفظ ؟ شغلها كثير ؟ ..... ومن هذي الأسئلة...
ومررررره شكرا

[المحتاسة]

ما دة تتلغي !!!
اول مرة اسمع كلام زي كذا
يلا انت في جامعة عزوووووووووووز

وبخصوص المادة
ما اعرف اذا الاولاد عندهم خلفيه مين راح يدرسهم لانو حيدرسنا كمان
وحتى مادة تقنية وسائط متعددة برضو مع استاذ
فاللي يعرف من الاولاد مين حيدرسنا يطمنا بلييييييييييز

IT dancing doll
زمااااااااااااان عنك يا بطة
ايش عاملة
بالله قوليلي ايش منزليلك في جدولك الخونفشاري دا