استفسار عن تخصص الكيمياء

[nojoud18]

السلام عليكم ورحمة الله ..
انا طالبه في السنه التحضيري علمي ،
حابه اتخصص -كيمياء-
بس عندي استفسارات !
1/ ابغى نبذه عن التخصص و ايش المواد ؟
2/ التخصص كله انجليزي ولا فيه عربي و انجليزي ؟
3/ في تشريح في القسم و لا لا ؟
ذي ثلاث اهم اسئله حابه اعرفها عن التخصص ،
و ان شاء الله ما اكون طولت عليكم
و شاكره لكم ، و بالتوفيق للجميع ♡

[بيو كيميائية ^_^]

و عليكم السلام

1/ إطلعي على مجلة العلوم الموضوع مثبت فيها كل تخصص مكتوب فيه كل شيء

2/ كل شيء إنجليزي بس الفيصلية معرف نظامهم

3/ أبدًا الكيمياء لا الكيمياء الحيوية فيها تشريح فأر مرتين

بالتوفيق

[للغلا ميعاد]

انا تخصصي كيمياء بصراحه كله انجليزي مافي الا ماده امن وسلامه كيمياء بالعربي
اما المواد فتقدرين تشوفينها من موقع الجامعه قسم الكيمياء الخطه الدراسيه
تبدين من المستوى الثالث لانه الاول والثاني تدرسينه في التحضيري
انصحك تطلعين على الخطه الدراسيه لكل قسم وامكانياتك
التخصص بالنسبه لي مو سهل يعني اتمنى تطلعين على مواد التخصص وتقرين عنها اكثر واستخيري الله
يعني اذا تحبين الكيمياء ان شاء الله بيعجبك التخصص ومواده
اتمنى لك التوفيق والنجاح

[كوبالـت_Co]

المشاركة الأصلية كتبت بواسطة nojoud18 السلام عليكم ورحمة الله .. انا طالبه في السنه التحضيري علمي ، حابه اتخصص -كيمياء- بس عندي استفسارات ! 1/ ابغى نبذه عن التخصص و ايش المواد ؟ 2/ التخصص كله انجليزي ولا فيه عربي و انجليزي ؟ 3/ في تشريح في القسم و لا لا ؟ ذي ثلاث اهم اسئله حابه اعرفها عن التخصص ، و ان شاء الله ما اكون طولت عليكم و شاكره لكم ، و بالتوفيق للجميع ♡

و عليكم السلام ورحمة الله وبركاته

أول شيء اشكرك لأني بصراحة انبسط لما اشوف شخص يحب الكيمياء و يبغى يتخصص كيمياء قبل التسكين

و الشخص اذا كان يحب شيء ما حيشوف فيه شيء صعب بإذن الله ^^

التخصص بالنسبة للشخص الي يحبه مقرراته بسيطة و سهلة الصعوبة لازم تواجهينها لكن مو ع مستوى المقررات يعني ممكن فصل او فصلين بمقرر معين

في مقررات بسيطة لكن يبغى لها مذاكرة اول بأول و مجهود و بإذن الله تكون بسيطة ^^

الدراسة إنجليزي لكن اكيد الشرح بالعربي و حتى اغلب الدكاترة تقريباً ما عنده مانع تحلين الاختبارات و الواجبات بالعربي ^^

بالنسبة للتشريح إحنا كيمياء نتعامل مع مواد كيميائية و مالنا علاقة بالتشريح ^^

استخيري والله يوفقك ^^
بالتوفيق ::.

[بيو كيميائية ^_^]

[QUOTE=كوبالـت_Co;6743094]

الدراسة إنجليزي لكن اكيد الشرح بالعربي و حتى اغلب الدكاترة تقريباً ما عنده مانع تحلين الاختبارات و الواجبات بالعربي ^^

QUOTE]

بس توضيح عشان لا تتورط البنت

في قسم البنات هناك مانع إذا حليتي واجب أو في الإختبار بالعربي و أصلًا مايدونك درجة عليه

[Jamool 5]

السلام عليكم ورحمة الله وبركاته
انا كيمياء اول ترم لي الكيمياء ياحبيبتي حللوه وممتعه صح فيها صعوبهه ويبغى لها اجتهاد
يعني باختصار مافي سحبه على المحاضرات لانو لو سحبتي بتحوسي لما تجي تذاكري
انا بالفيصلية كلله انقلش حتى الامن والسلامة انقلش
وبعدين اذا ان شاء خلصتي التحضيري وجاء وقت التسكين استخيري بالاول وشوفي ميولكك فين بيكون وربي يوفقك
لو دخلتي كيمياء وبالفيصلية انا حساعدكك ان شاء باختيار الدكتورات وكذا واعطيك ملخصاتي كمان لا تشيلي هم
بالتوفيق ياارب

[نــورهـ]

و عليكم السلام و رحمة الله و بركاته ..

التخصص بصفة عامة يدرس التفاعلات الحاصلة بين المواد من عدة نواحي كمثال بسيط [ مادتين تفاعلوا مع بعض ندرس كيفية حدوث التفاعل من ناحية تركيب كل مادة و كيفية وجود الروابط و المواد المحفزة لها و المدة الزمنية و التأثيرات المصاحبة للتفاعل ]..

تنقسم الكيمياء العامة لكيمياء عضوية + غير عضوية + حركية + فيزيائية + ديناميكا حرارية + تحليلية + صناعية+ الكروموتوجرافي و هي من المواد الممتعة , و استجد الكيمياء النووية و الكيمياء الخضراء و غيرها ..

حاليًا الدراسة انجلش و مثل ما ذكروا الاعضاء لا يوجد تشريح..

التخصص ممتع لكن لازم تشدي حيلك و تحصلي على درجات مرتفعة بإذن الله ..

موضوعك جميل و رجعني لسنوات الدراسة :) ,,

فالك التوفيق و النجاح..

[تذكار غموض]

الله يوفقك ويسهلكك اموركك اختي نجود
والبنات ماقصرووو كفو ووفو بالردود
واي خدمه حاضرين

[nojoud18]

يعطيكم العافية جميعا ’ حبيت الكيميا اكثر واكثر من كلامكم و متحمسه له جدا
ربي يوفقني ويوفقكم جميعا ..

[nojoud18]

المشاركة الأصلية كتبت بواسطة jamool 5 السلام عليكم ورحمة الله وبركاته انا كيمياء اول ترم لي الكيمياء ياحبيبتي حللوه وممتعه صح فيها صعوبهه ويبغى لها اجتهاد يعني باختصار مافي سحبه على المحاضرات لانو لو سحبتي بتحوسي لما تجي تذاكري انا بالفيصلية كلله انقلش حتى الامن والسلامة انقلش وبعدين اذا ان شاء خلصتي التحضيري وجاء وقت التسكين استخيري بالاول وشوفي ميولكك فين بيكون وربي يوفقك لو دخلتي كيمياء وبالفيصلية انا حساعدكك ان شاء باختيار الدكتورات وكذا واعطيك ملخصاتي كمان لا تشيلي هم بالتوفيق ياارب

انا بأذن الله قررت ادخل كيميا و بالفيصليه , يعطيك العافيه خلينا على تواصل :)