رأي بأول كلآس لمحاضرة أصول تربية إسلاميهـ ..

[L0rDy]

تسلمي ياعسل =)

[Twix~}..]

^^

يسسلم قلبكـ يارب :)

[بيلسان ..]

يسلمو
بس هي استاذه وحده اللي تدرس كل الشعب

[Twix~}..]

^^

الله يسسلمك ..

ايوا هيا استاذهـ وحدهـ الي حتدرس كل الشعب ..

[بيلسان ..]

يسلمو
بس متأكده ان كل الشعب حتدرسها سهام المرزوقي
معليه كثرت اسيئله بس هذي اول ماده حر لي وابغى اضيفها ومتردده

[Twix~}..]

^^

الله يسسلمكـ .. ايوا متأكدهـ انو هيا الي راح تدرس كل الشعب ..

ولا تتردي احضريلها كلاسين وعلى اساسها قرري اذا حابه تحذفي الماده او تخليها ..

واغلب البنات الي معايا بالشعبه اقتصاد وادارة انا الوحيده اقتصاد منزلي ..

[ساره (.^_^.)]

انا كمان اليوم كان اول يوم معاها وبصراحه الماده شكلها روعه او يمكن حبيتها من الاستاذه نفسها مره اخلاق

بصراحه اول ما شفت الكتاب خفت شويه حسيتو كبير حبتين خصوصا انها ماده حره والواحد يبغى يجيب معدل حلو

بس عموما المحاضره مرت من غير ما حسيت بالوقت ولا حسيت انو خلصنا باب كامل

وعلى قولتك يا تويكس دي اول محاضره والثانيه تحدد

(.^_^.)

[Twix~}..]

^^

نفس كلامي ومعاكي بكل كلمهـ ..

ومن جد خلصنا فصل كامل وكان سهل ومعلوماتو بسيطه ..

وتاني كلاس راح يحدد .. الله يوفق الجميع ..

[calbooza]

أ.سهام المرزوقي من افضل الاستاذات اللي قابلتهم في حياتي كشرح واخلااااااق
انا اخذت المادة الترم اللي فات...وماندمت ابداً
لان بجد محاضرتها كانت ممتعه صح المنهج شويه غلس وطويل بس هيا تخليه ممتع..
اخذنا 9 فصول واسئلتها حلوة مو صعبة...
والاختبارات والمشاريع زي ماذكرتلكم..
والحمدلله انا وصحباتي اخذنا a في المادة...
ان شاء الله تكملي معاها وبالتوفيق :)

[Twix~}..]

^^

طمنتيني الله يطمن قلبكـ .. لاني بصراحه مدري ليش متخوفه من المادهـ والاستاذهـ ..

بكرهـ ان شاء الله راح يكون تاني كلاس وبعدها لازم اشوووف ايش راح آقرر ..

يسعدكـ ربي ياعسسل ..