سؤال عن أستاذة الأحياء

[Yasmina95]

^

أنتوا الأولاد غير
أنتوا الأحياء كلكم يقولوا حفظ

بس بتكلم عن البنات صراحة في 3 شباتر يحتاج لها فهم
أنا في النهائي جاني سؤال و ما راجعته مرة نسيت ، و أتذكرت فهم الدكتورة فهمتنا هيا بطريقة ماتنسيها والحمد لله حليتوا
وإذا كانت دكتورتكم كويسة و تفهم و تقولك كل جزئية ايش عليها أسئلة خلاص خليكي معاها
لأنو دكتورتي ما ناسبتني مرة ف كنت اداوم يومين بالاسبوع بس عشان احياء ..!!
و تلاتة ايام بالأسبوع أحصاء و كيمياء فما لقيت غير حنان مواعيدها كويسة بالنسبة لي و صرت احضر عندها
و سالينا بالنهاية خلاص ماصرت احضر لأنو أداوم ساعة باليوم هيا اثنين و ربوع

[Yasmina95]

المشاركة الأصلية كتبت بواسطة sh28 الله يعينها دكتورة سماح شكلو كلنا حنحول عندها =) شكرا حبيبتي الله يسعدك

حبيبتي شوفي ترا ممكن ترتاحي مع دكتورتك و تحبيها و تشوفي انها أحسن من سماح
و تقولي ياسمينا كانت غلط ههههه
ممكن سماح ماتناسبك و تشوفي دكتورتك الأصلية أحسن منها
ف انتي لا تستعجلي لأنو كل دكاترة الإحصاء ماشاء الله شاطرين و يفهموا و كويسين و متعاونين ماشاء الله
إذ أعجبتك خليكي معاها ، انا حضرت مع ريما و شفياء وشفت سماح ناسبتني أحسن وكمان لأنو اسمي أصلا نزل عندها
ف كملت والحمد لله ، بس السيكشن احضري مع سماح او مع دكتورتك بس مو كل دكاترة الإحصاء يدوا سيكشن
زي ريما العامودي وهي مرة كويسة ماشاء الله بس ماتدي سيكشن ، سماح و دعاء و شفياء يدوا

[Mirinoxd]

^
+1000000

جربو بنفسكم لا تحكمو من كلامنا كل شخص له حدوده في الاستيعاب والتأقلم

[Sh28]

^
كلامكم صح ميه بالميه
يعطيكم العافية

[لهيب الزهور]

أنا كنت من طالبات شفياء

مرررررة حبيبتها هالانسانة

الله يسعدها هي الوحيدة اللي تحل من السكشن لكل درس بمحاضرتها اذا كان فيه أفكار جديدة

غيرها مايطل على السكشن ومنهم سماح

وأنا صاحبتي مع شفياء وقد اعطتها سمح محاضرة وحدة بس كانت شفياء غايبة

تقول شفياء أحسن من سماح وأبداً ماحبت سماح ولا حبت شرحها

سماح تشرح ورا بعض مو زي شفياء خطوة بخطوة

غير انه شفياء تأشر لك كل درس بالكتاب وتعرفي ايش تذاكري

وتقولك هذا يجي مصطلح وهذا ممكن تتغير صيغته وتربط الدروس ببعض



بالنسبة لي حضرت سكشن مرة وحدة مع سماح وماحبيت اسلوبها

فنصيحة الآراء تختلف من بنت لبنت ،،، جربوا استاذاتكم أول اسبوع وشوفوا