سؤال عن أستاذة الأحياء

[Positive]

السلام عليكم
حبيت أسألكم عن الأستاذة منى محمود أستاذة احياء
طمنوني كويسة ولا لا
كنت ابغى احضر مع حنان الشاذلي
بس نزلت لي دي الأستاذة عطوني ارائكم

[Somaiah Yousef]

وانا نزلت لي معالي محمد :(

ان شاءالله يغيروها

[Positive]

يارب تكون كويسة 😭😭
قرأت عنها انها مرا سريعة الله يستر

[Yasmina95]

ترا منى محمود كويسة مافيها شيء
بس برضوا حنان أحسن

وكالعادة احنا برضوا دايما خطة ب متأخرين بكل شيء :(

[Mirinoxd]

منى انا كنت معاها اول ثلاث اسابيع وحولت.
للأمانة مرا مرا كويسة وكانت كل محاضرة ترجع تراجع كل المحاضرات الي قبل وتفهم مزبوط
صح كانت سريعه بس مو مرا وبعد ما البنات كلموها غيرت اسلوبها مررا وتمشي حبة حبة
ومرا طيبة, وتتحمل سماجة البنات لأنو كان في بنات يقلو أدبهم معاها تخيلي :( !! أطيب من كدا؟ لو غيرها كان طردتهم ولا عليها.
حترتاحي معاها باذن الله لا تشيلي هم.
انا كنت زيك ابا حنان الشاذلي من كتر المدح, و في النهاية ماحضرت لها ولا محاضرة والحمدلله درجتي مرا راضية عنها

بالنسبة لمعالي الي سمعتو عنها مو كويس :( بس أحس الكلام الأخير تاخذيه من الي كانو معاها ان شاء الله يفيدوكي ولا تنسي تقدري تحولي لو ما ارتحتي معاها
بالتوفيق يارب للجميع

[Somaiah Yousef]

ان شاء الله احول بأسرع وقت

ماني ناقصة تتكرر معاناتي مع الفيزياء واماني السريحي :(

[Dinah]

بداية الترم كنت عند حنان الشاذلي لكن من ثاني محاضرة صدمتنا وقالت انا ما حكمل معاكم ومشيت وصارت عندنا معالي هي بس تقرأ وكلهم حقين الأحياء يقرأو لكن للأمانة شرحها مرات كويس ومرات تمشي واعترف نهايه الترم سحبت على محاضرات الاحياء

صدقوني يعتمد على حفظك واجتهادك لما تذاكري للإختبار ويكون أول بأول ولا تسووا مثلي ادخل الأختبار ويبقى لي كم شابتر ما خلصتهم ولا فتحتهم
ندمت الصراحه على اهمالي لهذه المادة وماذاكرتها اول بأول
لكن الحمدلله على كل حال ♡

[ranumg]

طيب استازه نيفين احياء كيف كويسة ولا لا =(

[Dr.mariam]

معالي تقرا .. طيوبة ك شخصية بس ك شرح ماحتستفيدي منها اي شي ..
بالنسبة ليا مافتكر حضرلتها محاضرات الا بالبداية وبعدين سحبت عليها ..
الجميل انها ماتحضر ولا تهتم مين يحضر ومين لا عادي ..
تقدري تسحبي وتشوفي دكتورة تانية لو تحبي براحتك

[ArWaA Banabilah]

المشاركة الأصلية كتبت بواسطة mirinoxd منى انا كنت معاها اول ثلاث اسابيع وحولت. للأمانة مرا مرا كويسة وكانت كل محاضرة ترجع تراجع كل المحاضرات الي قبل وتفهم مزبوط صح كانت سريعه بس مو مرا وبعد ما البنات كلموها غيرت اسلوبها مررا وتمشي حبة حبة ومرا طيبة, وتتحمل سماجة البنات لأنو كان في بنات يقلو أدبهم معاها تخيلي :( !! أطيب من كدا؟ لو غيرها كان طردتهم ولا عليها. حترتاحي معاها باذن الله لا تشيلي هم. انا كنت زيك ابا حنان الشاذلي من كتر المدح, و في النهاية ماحضرت لها ولا محاضرة والحمدلله درجتي مرا راضية عنها بالنسبة لمعالي الي سمعتو عنها مو كويس :( بس أحس الكلام الأخير تاخذيه من الي كانو معاها ان شاء الله يفيدوكي ولا تنسي تقدري تحولي لو ما ارتحتي معاها بالتوفيق يارب للجميع

طيب لو سمحتي ممكن تقولي ليش غيرتيها
أنا اللي مو عاجبني في الأحياء إنو في يوم لوحده وأفكر أغيره فبسألك رحتي عند مين ؟؟
وكمان عندي سؤال منى عندها اثنين وأربعاء؟؟
وشكرا لك