جدولى ومشورتكم مرة تانية بس في استفسار زيادة

[حيوية]

سلام صبايا

كيفكم انشاءالله ترم ممتع ودرجات احلى يارب للجميع

المهم اخدت فيزيائي وكيمياء 2 وتنظيم ايض وخلية و كتابة تقاريروظيفية

اش رايكم بالمادة الاخيرة ترى ماعرف عنها ولا شي وعادى اخد الواد دى مع بعض ولا احدف شي
لانى خايفة يكون ضغط ومعدلى ينزل لانو الصراحة ابغا ارفعو لانو واطى ويفشل

المهم اش انطباعكم عن المادة ومين يديها وسمعت انو مافيها اختبار نهائي

وخلية نزلولى مع صباح لنجاوى كيف دى كمان؟

وفيزيائي كيف المادة صعبة ولا سهلة وتتكلم عن اى ومين يديها؟
وتنظيم ايض كيف ؟



وثكرااااا

[حيوية]

وين الناس اليوم ياهو احد يرد عليا

[بنت السكن]

انا اخذت معاها خلية
هيا دكتورة اتوقع سعودية
تحسيها هادية
وبكلمتين تمشي
يعني تقدري تغيبي عن اختباراها وتختبرك تاني
ههههههههههههههههه
اخذنا وجه عاد حتى المعمل غبنا يوم اختباره النصفي واختبرناه مع النهائي بدون عذر طبعا كلو كان استهبال بي استهبال
بس شوفي نصيحة احسها دكتورة ماتساعد بالدرجات يعني لو اخذتي مثلا78ماتخليها لكي 80
المهم
مافي مادة حرة مالها اختبارات بس انتبهي انك راح تنكرفي فيها يعني تطلع عينك الدكتورة عشان تحط لك درجات والله اعلم دا امكن يعتمد على نفس الدكتورة

[اهات جامعية]

كتابة تقارير يقولو سهلة والله اعلم والافضل تاخذيها والترم اللي بعدة على طول تاخدي تدريب مشان تعرفي تكتبي تقرير لهم

[CrAzY]

خدي كتابة تقارير ع التخرج .. ترفع المعدل
شدي حيلك في كيمياء 2
لا تستهوني في خلية .. مع انو كان استهبااال على قولة بنت السكن .. بس ما تدري الظروف تتغير .. وصباح كانت اسئلتها مقالية .. في الدوري الاول والنصفي اما النهائي كان موضوعي
فيزيائية نزلتها الترم هادا .. صحباتي اللي اخدوها يقولو فيزيا عادية .. وكمان المنهج مرة صار اسهل .. ما تشيلي هم يعني
التنظيم الله أعلم ..

موفقة

[حيوية]

شكرا حبيباتى بس معقولة اسئلة صباح مقالى مابغا كدا ابغا اختياري مافيا الا عاد مواد الاحياء

طيب رايكم اقعد عندها ولا احول

واخلى تقارير فنية ولا احدفها وادا حدفتها اش اخد ترى اغلب الشعب فل

[بنت السكن]

حبيتي اجلسي عندها مدام جدولك زابط
ولاتنسي بالنهائي يدخل نص المنهج بالاختبار
ونصيحة مني ذاكري من منهج سناء ترك بالنهائي لانو الاسئلة موحدة
وصباح ماتحذف يعني صح بالنهائي يدخل الجزء الثاني من الكتاب بس يكون على بعض ودمو ثقيييييييييييييييل
لو قدرتي حاولي تاخذيها مع سناء ترك والله عسل
ياناس احب المصارية

[حيوية]

شكلى حبقا عندها واتوكل على الله

طيب بالنسبة للتقارير محد عندو خلفية عنها كيف اختبااتها تحتاج لغة ولالا تمشي الحال ولالا مين يديها وكيف اسلوبها
واقدر اجيب درجة عدلة ولا احسلى اسحب عليها من دحين

[قطرة مطر]

انا مخذة بيولوجيا مع سناء الترك ياريت حدي يقولي عنها كويسة والا كيف

[بنت السكن]

حيوية تقارير تحتاج اختبار توفل على قولك لغة