ياجماعه انا ابي اسجل بالجامعه . لكن عندي استفسارات بخصوص قسم الاعلام

[fahad.2]

السلام عليكم

اسعد الله مسائكم

اخواني انا صراحه مابعد سجلت بالجامعه . ومابي اسجل الا لين احصل اجوبه وافيه لأسئلتي .

اتمنى من الجميع يساعدني . لأني بحاول اسجل بالترم الثاني الي هو بعد شهر ونص

اسئلتي :

كيف درآستها وقصدي هنا الصحافه .

هل فيه تعقيد ؟

انا راح اسجل انتساب . يقبلوني ؟ ولا لازم اكون منتظم ؟

المواد الانجليزيه كثيره بهالقسم ولالا ؟

والمواد بشكل عام . هل هي مثل نظام الجامعات السعوديه الثانيه ؟

تتخصص بقسم ويجيبون لك من كل بحر قطره . " يعني يعطونك مواد مالها دخل بالقسم "



المهم احكو لي عنها شوي وعن موادهـا وكم ساعاتها

ترآني منسحب من جامعه انتصفت فيها . لظروف خآصه
ومتحطم ع الآخر . لكن واحد من الشباب الله يجزاه خير نصحني بهالجامعه
واتمنى من اي واحد يمر على الموضوع يفيدني بأي شيء
وان شاءالله من الترم الجاي اكون طالب معكم

[أنا وبس]

القسم جدا ممتع لو حاولت تستمع فيه وحبيته

عدد الساعات مع الخطه الجديده اعتقد 131 ساعه ..

المواد في بدايه القسم عامه مواد اعلام وفي الترم السادس تبدأ تدرس مواد الصحافه بشكل خاص

وتقدر تدخل من موقع الجامعه وتشوف الخطه ...


اتمنى لك التوفيق واتوكل على الله القسم جدا رائـــــــع ...

[ليوناردو]

كيف درآستها وقصدي هنا الصحافه ؟

ممتعة .. على حسب الدكتور وأسلوووبه .....

هل فيه تعقيد ؟

لا

انا راح اسجل انتساب . يقبلوني ؟ ولا لازم اكون منتظم ؟

هذا السؤال المهم ...

تنقبل في الحالتين لكن ...
اذا أنقبلت كطالب أنتساب .. عندك مسار واحد فقط (( العلاقات العامة )) وما يمديك تدخل صحافة ....
اذا أنقبلت كطالب أنتظام .. عندك أربع مسارات (( صحافة .. علاقات عامة .. أعلان .. راديو وتلفزيون ))

المواد الانجليزيه كثيره بهالقسم ولالا ؟

مادة فقط (( نصوص أعلامية باللغة الانجليزية )) جداً سهلة

والمواد بشكل عام . هل هي مثل نظام الجامعات السعوديه الثانيه ؟

حقيقة لا أعلم ..

تتخصص بقسم ويجيبون لك من كل بحر قطره . " يعني يعطونك مواد مالها دخل بالقسم "

لا أغلب الموواد مختصة بالاعلام ... وتختلف بأختلاف المسار


بالتووووفيق

[fahad.2]

بيض الله وجيهكم

ماقصرتوا والله

لكن الحين لازم اجيب 3.5 بالسنه التحضيريه علشان ادخل اعلام ؟

او عادي يدخلوني بدون النظر بالمعدل

[الاعلامي]

المعدل في البدايه للقبول في قسم الاعلام كان 3.5
لكن تم تعديله الى 2
لكن ربما تتغير النسبه في المستويات القادمه
والاساس ان نسعى للافضل حتى يكن لنا حرية الاختيار في اي قسم

اتمنى لك التوفيق والنجاح

[كلي أمل]

كفيتوا ووفيتوا بالاجوبه ..


بالتوفيق