اللي جاب معدل عااااااالي في الكيمياء السنة الماضية يتفضل ويرد علي

[ALaa..!]

السلام عليكم ورحمه الله وبركاته
..
أنا حايسسسسسسسسسسسسسسسسسسسسسه حوسسسسسسسسه موش طبيعيه في ماده الكيمياء
فحبيت اسألكم
كيف قدرتو تدرسو ماده الكيمياء وتمشو فيييها
بأيش تنصحوني وبأي طريقة تنصحوووني

وبالنسبة لأسئلة الاختبارات كيف تكووون ؟؟؟

وجزاكم الله كل خيييير

[al-abqary]

و عليكم السلام ورحمة الله وبركاته

و الله اختي انا كان يدرسني دكتور مررره ممتاز اسمه محمد عبد السلام

كان يسوي ملخصات خاصه له و كانت مره ممتازه

و الحمد لله جبت a

اسالي عن ملخصاته في خوارزم او الشقري و ان شاء الله تحصليها

و اهم شي في الكمياء انك لا تعتمدي علي الحفظ فقط
لكن لازم تحلي مسائل عشان في الاختبار يكون عندك مرونه مع الاسئله

معليش علي الاطاله بس للفائده
بالتوفيق في التخصص اللي تبغيه

[Eng.SouL]

ما شاء الله عليك ^^"، معليش أخوي العبقري ..
يعني الكتاب ما أحتاجة.. الإعتماد الكلي عالملخصات؟
فيه واحد من الشباب قالي فيه كتاب ازرق سعره 50 ريال، أنت استعملته؟
وشكراً لك ..

[محتاج لها]

لازم تحلي مسائل وأسئلة الاختبارات السابقة

وذاكري من الملخصات

وادعي ربك إنه يوفقك ويوفقنا


......

[Ma7a]

والله الكيمياا مايباالها,,
انا كنت في المحاضرة اجيب معايا الكتاب وأأشرر معاها الشي المهم,,وكمان لازم تكتبي معاها الملاحظات اللي تقوولها..
مااعرف مين تدرسك بس أنصحك ازا عندك وقت فاضي احضري عند اكرام دانش (في السليمانية),,

ومن تجي تزاكري مو بس المؤشر اقريه كلو قراية والمؤشر ركزي عليه,,والأمثلة اللي في الكتاب لمن تزاكري حليها بنفسك
وكمان قبل الاختبارات شوفي اسألة لاختبارات السنين اللي فاتت,,
والكيميا له تست بانك (اسألة على كل فصل) مهمة وتجي نفس الصيغ في الاختبارات تلاقيها في موقع اكرام دانش>ملفات>نماذج

بس الكيميا دسم يبالو اول بأول مرة ماينفع تراكمي,,

بالتووفيق والله يسهلها علينا وعليكي,,,

[ALaa..!]

طيب الكلام الكثير هذا اللي في العروض
التعاريف وووووو الخ
كيف نذاكرها وكيف نسوي فيييييييييييها
يعني أنا كمبتدئة طبيييعي ألاقي كل هالصعوبات
كيف أتغلب عليييييييها
وكيف ابدأ أدرسسس

[Ma7a]

التعاريف مو مهمة ,, هما كاتبينها عشان يعرفوولك الشي اللي بيتكلمو عنو
يعني ماتجي عرفي او شي زي كدا! كلو اختياري

انصحك شوفي اسئلة للكيميا عشان تعرفي كيف طريقة الاسئلة

[LeLou]

المشاركة الأصلية كتبت بواسطة alaa..! السلام عليكم ورحمه الله وبركاته .. أنا حايسسسسسسسسسسسسسسسسسسسسسه حوسسسسسسسسه موش طبيعيه في ماده الكيمياء فحبيت اسألكم كيف قدرتو تدرسو ماده الكيمياء وتمشو فيييها بأيش تنصحوني وبأي طريقة تنصحوووني وبالنسبة لأسئلة الاختبارات كيف تكووون ؟؟؟ وجزاكم الله كل خيييير

ألحقي على نفسك من بدري و ذاكري اول باول ..

ترى المادة جدا سهلة لكن الكتاب ملخبط و غير منظم ...

القراءة منه تجيب الصداع احسه يعقد المعلومات اكثر من اللازم ...

أنا كنت اقول انه اللي عمل الكتاب مخه مو في راسه ...

و بصراحة كنت غير مهتمة في بادئ الامر و مستسلمة اني حخبص في المادة ...

و انا عن نفسي احب أذاكر بنفسي لما اقرا من كذا مصدر اتلخبط و جبت من عند البنات تبع الدكتورة اكرام بس ما فتحته

لكن صاحبتي نصحتني ارجع لكتب الثانوي قالت لي تفيد و اعطتني كتب المنهج المطور تبع الثانوي ...

و اطلعت عليها شوي و رجعت للكتاب و حاولت انا بنفسي أرتب الموضوعات و آخذ منها المفيد و ألخصها لانه الكتاب بجد فوضوي ...

طبعا كان الكلام هذا بس في الفاينل قبل كنت جدا مستسلمة لكن اعتمدت على نفس تماما في المذاكرة و الفاينل رفع معدلي و جبت b+ و كنت متوقعة انا الصراحة c أو c+

فالحقي على نفسك من بدري مو زيي

كنت مستسلمة و ما احضر نهائيا

صح الحمد لله انا جدا مقتنعة بس كان يبغالي الحق على نفسي من بدري مو في الفاينل

[مـﮯـن۔ו..إًٍلـخـﮯـيــأل]

بالنسبه لي ذاكرت الكتاب الازرق مع الاهمال وعدم الحضور نهائياً

الحممدلله جبت b+ .. اهم شيء تبعدون عنكم الخوف والرهبه

بالتوفيق لكم جميعاً

[al-abqary]

المشاركة الأصلية كتبت بواسطة eng.soul ما شاء الله عليك ^^"، معليش أخوي العبقري .. يعني الكتاب ما أحتاجة.. الإعتماد الكلي عالملخصات؟ فيه واحد من الشباب قالي فيه كتاب ازرق سعره 50 ريال، أنت استعملته؟ وشكراً لك ..

من وجهة نظري الكتاب الكبير صعب تعتمد عليه

بس الكتاب الازرق مره مفيد و اهم شي بعد ما تفهم تحل اسئله قد ما تقدر

لان انا واجهتي مشكله في الاختبار الدوري الاول في موضوع الوقت يعني انا اكون عارف حل السؤال بس ماني لاحق احله

بالتوفيق اخوي


بالمناسبه مره عجبتني العباره اللي تحت توقيعك يارب يوفقك في تحقيقها و يارب تكون قاصدها <<<<<