يُمَه يقولون عشق البنت "مو عادي"

[!!توصي شيء!!]

\\

,.,.

\\
قصيدهـ ع ـجبتني آتمنى ترضي ذآئقتكمـ


//


يُمَه ذبحني بغلاه .. وطبعه الهادي
هو صاحب الفضل في هالعشق .. والمنة


مدري انا البادية .. والا هو البادي
بس المهم الهوى فينا غرز سِنه



والله يا حضنه حضن .. وشفاهه تنادي
وجوارحي كلهن يُمَه يلَبِنه



يُمَه وربي انا مالوم حسادي
ادري بهن حاولن بالكيد يغونه


وهو يتحمل غثاي .. ويعشق عنادي
يموت بي موت وغيري ما درى عنه


يُمَه تماديت به والقلب متمادي
ومشاعري ضيعن قلبي .. وذلنه


من قبل اعرفه وقلبي بالهوى غادي
وعقبه عرفت النعيم وريحة الجنة


انفاس صدره اذا فاحت زهر كادي
اقرُب من شفاهه الحلوات وآكنه


ادري الهوى شين .. لكن ربي الهادي
يمكن يجي يوم وانسى .. بس ما اضنه


شابت عيونه على فرقاي وبعادي
وذابت حوايف خصر سلمى من الحنة


اقول خذني " من الوادي .. الى الوادي "
ويقول بس اركدي واجيك بالسنة


وركدت يُمَه .. ولكن طَوّل ركادي
متى البشاير يجن قلبي يهزنه ...؟!


اقلق مزاجي هواه .. وعكر رقادي
وعروق قلبي من النشوة يحزنه


افز من عز نومي بحلمي انادي
اوِن بإسمه .. وترجع لإذني الونة


اللي عشق غير خلي بالهوى غادي
واللي عشق غير خصري بايخٍ فنه


يُمَه يقولون عشق البنت "مو عادي"
والا الولد لو عشق يمكن يجي منه ...؟!

.. ’’
أختكم
!!توصي شيء!!

[الصقر (صقرالعالم سابقاً)]

تسلمي توصي شي اختيار اكتر من رائع
الى الامام دوم وهذي بعد قصيده بعد حلوه اعجبتني واتمنى تعجب الجميع


يمّه عليه إن زعـل ... واذا رضـى يمـــّه

يمّـه ذبحنـي غـلاه ... وشـــــلّ وجـدانـــي

يمّـه غرامـه طريـقـي ... ولازم اتــــمّـــه

شيٍ مـن الله علـى غفلـة تغَّشَـــانـي ...!!

اشهق على ضحكته واشفـق علـى ضمّـه

واموت منه إن جفى ... وإن جاني احيانـي

إن كان درب الشقـى يمــــر مـن يمّـه ...!!

والله لكـمّـل شـقـاه " إن الله احـيــــــانـي "

اقـول ياســـــــيـدي ... ويقـول ياعمّــــة ...!

كـلٍ ذبحـه الولــــه فـي عشـقـة الثــــــانـي

اشتـاق طعـم الغديـر اللـي وســـــــــط فـمّـه

مقـدر اخبّـي عليـه ... اكتــــــــــب ويقرانـي

قمـت اشتكـي للغـلا ... واصيــــــح واخمّـه

ياشيـن بلـــــــوى الهـوى ... الله لا يبلا ني

يقـول لـي بالهـوى مذهـب ولــــــــــــي ذمّـة

واقـول بصـرك ... ولـكـن لا تعـــــــــــدانـي

ابـي طريـقـك يصـيـر لوجهـتـــــــــــي يِـمَّـة

ومنيـن يممـت وجهـك غـصـب تلقـــــــانـي

يزمنـي بالهـوى ... زمـّـة ورى زمـّـــــــة

قطّـع وريـدة وخاطـه وسـط شريــــــــــانـي

مبطي اذا خفـت صحـت وقلـت " يايمّــــه "

والحين اذا خفت صحت وقلت " ياحصانـي "

لا واهني من قـرب منـه ... ومـن ـشمّـــــه

ماكـن ربـي خلقـه الا علـى شـــــــانـي ...!!

جيتـه وكلـي مــن الاشــواق ملتـــــــــــــمّـة

امشي من الصبح ليـن ان عشقـه امسانـي

ياحلو لوعـة شقـاه ... ويـا حلـــــــو سمّـه

والله ياهـو بالهـوى " مـن جـد ورانــــي "

ادمـى عيونـي ... وحنـى يدينــــــــي بدمّـه

وعلـى طريـق الولـه اقـفــــــــى وخـلانـي

يمّه احبّه ... فديـت ابـوه قبــــــل امّـه ...!

يهزنـي هـز ريـح ... وزلـزل اركــــــــــانـي

وش فيه اذا البنت تعشق...؟! .. الهوى قمّة

خلينـي اعشـق قبـل مـا تابـس اغــــــصانـي

يهمنـي حيـل ... وادري فيـنـي اهـــــــــــــمّـه

حتى اسألي روجـي الـوردي ... وفــــستانـي

[!!توصي شيء!!]

اسعدني مرورك ..

واشكرك على الاضافه ..
.
.
.

[.,.نيــــــــــــــــــــران.,.]

رووووعة

مرة معبرة

اللهم اني اعوذ بك من العشق المهلك المودي في ستين داهية خخخ

دمت بحب

[!!توصي شيء!!]

اسعدني مرورك ..
.
.
.

[أكبر زحمه]

صح اللسانك ....
في شغله عجباني فيها ....
أأكدلك ...يُمَه يقولون عشق البنت "مو عادي"
والا الولد لو عشق يمكن يجي منه ...؟!
أكبر زحمه

[ام-حمودي]

من جد روعه والبنت حبها جنووووني

[!!توصي شيء!!]

اسعدني مروركم..
.
.
.

[ساكنه في بيتنا]

جميله تلك الكلمات واعجبت بها كثيرا لما تحمله من صدق المشاعر بين اسطرها :)

يسلمو توصي ..

[محمد22]

ياخي الصقر ياليت تشيل صورتك
مو خوف انك تفتن البنات تطمن
بس احس مال امها داعي