شبيك لبيك خريجة بيوكيميائيه بين ايديكم..xd

[مياسة العود]

سلاااام عليكم أخواتي البيوكيميائيات

كيفكم ايش اخبارك و عساكم من عواده

مبروووك التسكين للمتخصصين الجدد

وعقبال التخرج لباقي بنات دفعتي 08

وياااارب نفرح أهالينا بأعلى المراتب


يا حبيباتي دا الموضوع الهدف منه الاجابه عن استفساراتكم واسئلتكم

عن المواد ((اختياري- حره - اجباري ))

أو عن القسم أنا موجوده و الدكتورات والمعامل أنا موجوده

ولايردكم إلا لسانكم

أنتظر أسألتكم واستفساراتكم

والله يوفقنا كووولنا

ملاحظه: الرجاء عدم تكرار نفس السؤال و قراءة الردود كامله

[جود &&]

لله يبارك فيكي ياقلبي
ومبرووووك للتخرج وولله يعطيكي العافيه
حاليا مافي براسي سوال لكن لو جاء ما بقصر بساللك خخخ

موفقه

[حنكش]

الف مبروك التخرج وعقبال عندي ي رب
السوال الاول:اماني اللي تدرس غير عضوي كيف اسلوبها الكل مخوفني منها؟؟
السؤال الثاني:خليه وما ادراكي ما خليه انا متخوفه منها مرة حليني بئة يمكن انتحر منها
السؤال الثالث:انا مستوى خامس ونزلت الترم دا ايض 2 وتغذيه ودقيقة وغير عضوي وثقافه بالعلم اني مطيرة من الخطة الاساسيه خليه وعضوي اديني رايك بترتيب جدولي وكيف ما حانضغط بعد كدا مره موشوشه انا ماني عارفه كيف ارتب جدولي وما ابغى ازيد اترام
السؤال الرابع والاخير :مين افضل الاستادات للمواد اللي قلتلك عليها فوق

ولا يسعني اخيرا الا شكرك وكثرت قرقرة بس من زمان بجعبتي الكثير من الاسئله حطيت ربعها ...حتندمي انك فتحتي الموضوع

[لوفه]

مبرووووووووك التخرج عقبال الوظيفة ^^

[مياسة العود]

اختي جود الله يبارك في حياتك وعقبالك ان شاء الله

اعصري مخك ترى الفترة محدوده وسارعي قبل نفاذ الكميه

وانا موجوده بأي وقت :)

[مياسة العود]

تووووه بدا الشغل <<<اتحمست

بسم الله على بركة الله نفتتح الاجابه عن الاسئله

المشاركة الأصلية كتبت بواسطة حنكش الف مبروك التخرج وعقبال عندي ي رب

الله يبارك في حياتك .. وعقبالك وعقبال الجميع يااارب

المشاركة الأصلية كتبت بواسطة حنكش السوال الاول:اماني اللي تدرس غير عضوي كيف اسلوبها الكل مخوفني منها؟؟

هيا دكتوره اخلاق احترميها تحترمك اتفقعني عليها وسوي فاهمه تتفقعن عليك و توريك نجوم الظهر

أسلوبها تشرح شرح ممتاز ركزي معاها في المحاضره اجلسي قدام اكتبي كل حرف وكل سؤال تقوله تجيبه في الاختبار..ولا تنسي الملزمه اشري معاها في المحاضره..ارجعي البيت و ذاكري الكلام اللي قالته..
أسئلتها دش كتابه بس سهله لو انتي مذاكره اول بأول و فاهمه ايش كانت بتقول في المحاضره..
اعتمدي على شرحها في المذاكره عشان تفهمي الكلام اللي في الملزمه.. لكن في حل اسئلة الاختبار اكتبي كل شي زي في الملزمه لأن شرحها مختصر وهيا تبغى بالتفصيل..
وان شاء الله تعدي الماده باعلى الدرجات

المشاركة الأصلية كتبت بواسطة حنكش السؤال الثاني:خليه وما ادراكي ما خليه انا متخوفه منها مرة حليني بئة يمكن انتحر منها

كتير يقولو سهله بس مادرستها هنا لو اعرف عنها معلومات تانيه حقولك

المشاركة الأصلية كتبت بواسطة حنكش السؤال الثالث:انا مستوى خامس ونزلت الترم دا ايض 2 وتغذيه ودقيقة وغير عضوي وثقافه بالعلم اني مطيرة من الخطة الاساسيه خليه وعضوي اديني رايك بترتيب جدولي وكيف ما حانضغط بعد كدا مره موشوشه انا ماني عارفه كيف ارتب جدولي وما ابغى ازيد اترام

جدولك تمام بس شيلي الغير عضوي وحطي بداله ماده اختياريه
والغير عضوي اجليها لترم ماقبل التخرج تكوني اتشبعتي معلومات من القسم وتسهل عليك المعلومات وافضل انك تاخذيها مع الطبيه لانهم متشابهين

ايش اخدتي مواد الى الان ؟؟؟

المشاركة الأصلية كتبت بواسطة حنكش السؤال الرابع والاخير :مين افضل الاستادات للمواد اللي قلتلك عليها فوق

ايض 2 اخدتها مع كريمه وسافرت ومابقي غير وديعه واذا ماني غلطانه حتمسكها أماني وديعه كويسه على كلام بنات كتير
وتغذيه مديحه الصيني مافي غيرها كويسه وتقرقر كتير وتووحفه والماده سهله
ودقيقة أخذتها مع د. زكيه قناوي محترمه جدا وتأشر اللي داخل في الفاينل وخلال المحاضره تقولك عالاسئله

وغير عضوي أماني وتم شرحها سابقا

وثقافه ما افتكر مع مين اخدتها ..بس مايفرق لأن الاسئله موحده

المشاركة الأصلية كتبت بواسطة حنكش ولا يسعني اخيرا الا شكرك وكثرت قرقرة بس من زمان بجعبتي الكثير من الاسئله حطيت ربعها ...حتندمي انك فتحتي الموضوع

يابنتي حطي الباقي خلينا نتسلى

يا شيخه انا اتخرجت واهو حبلط في البيت من واجبي اجاوب عليكم واسوي فاهمه وكبيره

طالما اني متفرغه قلبا وقالبا

دعواتك ليا بالتوفيق

[حنكش]

هههههههههههههه الله يسعد قلبك حمستيني
اسمعي ي حبيبتي انا اخدت لحد الحين التالي :
كيميا حيوي-احياء 202-كيمياء 202-انزايم-ايض-ثقافة 1-عربي 1 و2-امن وسلمة-معمل كيميا 281-معمل احياء281-بس كدا دول ترمين طبعا شلت منهم العضوي وخليه

انا عارفه مرة مستعجله على الغير عضوي بس الجدول مو راضي يزبط معايه بعضوي وحسيت لو ابدل الغير عضوي يعضوي حتسير المواد جامده عليه وانا ابغى اوف يوم الربوع

المهم ي حبيبتي اني حايسه في الدونيا وشعبه تغذية مو راضيه تنضاف معايه مع انو مناسبه ليه ومفتوحة بس مدري ايش مشكلتها،،،،،،

ي لهوي قرقرت كثير شكلو فيني حماس اليوم

[حنكش]

نسيت الدعوة
روحي ي ريانة العود الله يفتحها بوشك ويريح قلبك وينور دربك ي شيخه
موفقه ي رب والله يديك على قد نيتك

[مياسة العود]

المشاركة الأصلية كتبت بواسطة حنكش هههههههههههههه الله يسعد قلبك حمستيني اسمعي ي حبيبتي انا اخدت لحد الحين التالي : كيميا حيوي-احياء 202-كيمياء 202-انزايم-ايض-ثقافة 1-عربي 1 و2-امن وسلمة-معمل كيميا 281-معمل احياء281-بس كدا دول ترمين طبعا شلت منهم العضوي وخليه انا عارفه مرة مستعجله على الغير عضوي بس الجدول مو راضي يزبط معايه بعضوي وحسيت لو ابدل الغير عضوي يعضوي حتسير المواد جامده عليه وانا ابغى اوف يوم الربوع المهم ي حبيبتي اني حايسه في الدونيا وشعبه تغذية مو راضيه تنضاف معايه مع انو مناسبه ليه ومفتوحة بس مدري ايش مشكلتها،،،،،، ي لهوي قرقرت كثير شكلو فيني حماس اليوم

شوفي ياعسل انتي امورك دحين في السليم

واتاكدي من التغذيه يمكن لابها يتعارض مع ماده ثانيه

الغير عضوي نصيحه لوجه الله ونصيحة مجررب خديها قبل الترم اللي حتتخرجي فيه

مره مو وقتها دحين

شوفي الطاقه اذا مصره او ماده اختياريه" سرطانيه - حاسوبيه - هرمون - مصطلحت "

كلها كويسه وانصحك تبدأي بسرطانيه أو مصطلحات

بحكم انه المصطلحات تفيدك في التخصص بعدين و في المواد

السرطانيه لأنه ارتشنا ماسكتها دحين وتخافي يشلونها في الاترام الجايه

وحاولي وقربعي في الجدول قد ماتقدري عشان تدخل التغذيه


قرقري يابنتي ولاتنسي الفصفص واستكانة الشاي

[مياسة العود]

المشاركة الأصلية كتبت بواسطة لوفه مبرووووووووك التخرج عقبال الوظيفة ^^

الله يبارك فيك يا اوخيتي آمييييييـــــــــــــــن.. وعقبالك يارب ربي يسمع منك