استفسار عن عدد المواد

[bskota]

السلام عليكم ورحمة الله وبركاته
بنات انا ضفت 9 مواد وكنت حاسة انها كثير ولازم احذف منها بس اليوم لمن رحت قابلت بنت قالت لي انو 9 مواد مرره تمام وما يحتاج احذف ،وقالت لي مارح تتعبك في النهائي لانك ماشية عالخطة
فما ادري ابغا اللي عندها خبرة تفيدني قبل لا اعمل اي شي ..

وفي استفسار ثاني طلعت لي استاذة المدخل العام في التربية هيا صدقة ما اعرف كويسة والا لا ؟
اتمنى تجاوبوني

[بلبله]

فعلا حتى أنا أشوف 9 مواد تمام وكمان المستوى الثالث الوحيد الي تقدري تاخذي فيه 9 مواد لو كنتي ماشية على الخطة

وراح ترتاحي في النهاية أغلب الي أخذوا مواد قليلة ندموا الآن وفي الأخير القرار لك استخيري وتوكلي على الله

[بلبله]

وبالنسبة للدكتورة هيا مأعرفها صراحة إن شاء الله تجي وحدة وتفيدك
بالتوفيق ^_^

[bskota]

مشكورة ربي يسعدك
كمان ابغا اعرف عن ثناء مفتي
وهند بامعلان من يعرفهم او سمع عنهم

[رنيم سليمان]

وعليكِ السلام ورحمة الله وبركاته


د.هند بامعلان ممتازة
ود.هيا كتبت عنها في آخر مشاركاتي

أنتِ من تقرري حسب إمكانياتك
وأنا أرى بأن 8 ممتاز أمًا 9 كثير ومتعب خاصة فترة الامتحانات
سواء الدورية أو النهائية ،، بالتوفيق

[bskota]

طيب اش تنصحوني احذف انا ضايفة كل المواد ماعدا تحرير كتابي ابغى احذف مادتين واحط بدالها تحرير كتابي عشان اصير 8 مواد لانو مني عارفه اش هي المواد اللي لازم تكون موجودة في جدولي هذا التيرم :/

[رنيم سليمان]

المشاركة الأصلية كتبت بواسطة bskota طيب اش تنصحوني احذف انا ضايفة كل المواد ماعدا تحرير كتابي ابغى احذف مادتين واحط بدالها تحرير كتابي عشان اصير 8 مواد لانو مني عارفه اش هي المواد اللي لازم تكون موجودة في جدولي هذا التيرم :/

احذفي الحاسب أو النشاط
كنت سأقول لك احذفي النظام لكن مادام الأستاذة ممتازة حسبما سمعت ففرصة لإضافتها
لأن المادة مملة

[bskota]

المدخل العام في التربية ما يمديني اخذفه ؟ هو من المواد المهمه يعني ! لانو الاستاذه قرات عن اسلوبها وما ناسبني اللي هي هيا صدقة

[رنيم سليمان]

المشاركة الأصلية كتبت بواسطة bskota المدخل العام في التربية ما يمديني اخذفه ؟ هو من المواد المهمه يعني ! لانو الاستاذه قرات عن اسلوبها وما ناسبني اللي هي هيا صدقة

ممكن
ولكن سمعت مُسبقًا بأنها مهمة لمادة أخرى
ليس متطلب رسمي ولكن مهم أيضًا
ألا يمكنك الإضافة مع د.نوال ؟
عمومًا المواد الضرورية هي مقدمة في التربية الخاصة وتعديل السلوك واضطرابات التواصل

استخيري الله وأقدمي على حذف مايتيسر لكِ
بالتوفيق .

[bskota]

المشاركة الأصلية كتبت بواسطة ||سَعْي ~ ممكن ولكن سمعت مُسبقًا بأنها مهمة لمادة أخرى ليس متطلب رسمي ولكن مهم أيضًا ألا يمكنك الإضافة مع د.نوال ؟ عمومًا المواد الضرورية هي مقدمة في التربية الخاصة وتعديل السلوك واضطرابات التواصل استخيري الله وأقدمي على حذف مايتيسر لكِ بالتوفيق .

ان شاء الله احاول اضيف مع د/ نوال واذا ما تيسرت رح احذفها

جزاك الله خير سعي
الله يجعلها بموازين حسناتك افدتيني كثير