الخطوبه

[gzl GZLAN]

المشاركة الأصلية كتبت بواسطة صوت الفجر // انا انكتب عقد الزواج قبل العرس بيومين بالضبط وعايشه حياة سعيدة ولله الحمد بس الرجال مو كلهم زي بعض ولا حتى البنات .. ..

ماشاء الله تبارك الرحمن ربنا يوفقك ويسعدك
بالنسبه للرجل الاستخاره اقوى شي تدلك ع ازا كويس مناسب او لا بس الالحاح بالاستخاره في كشف اي غموض مو طبيعي
والسؤال عنو باستمرار هو اللي بيساعد كمان في توضيح مين هو

[بكرى أحلى]

المشاركة الأصلية كتبت بواسطة gzl gzlan ماشاء الله تبارك الرحمن ربنا يوفقك ويسعدك بالنسبه للرجل الاستخاره اقوى شي تدلك ع ازا كويس مناسب او لا بس الالحاح بالاستخاره في كشف اي غموض مو طبيعي والسؤال عنو باستمرار هو اللي بيساعد كمان في توضيح مين هو

تمام التمام الله يوفقك يارب

كلام اوافقه

[حلم قريب]

المشاركة الأصلية كتبت بواسطة صوت الفجر // انا انكتب عقد الزواج قبل العرس بيومين بالضبط وعايشه حياة سعيدة ولله الحمد بس الرجال مو كلهم زي بعض ولا حتى البنات .. ..

ماشاء الله .. الله يزيدك من فضله
وبالضبط البنات يختلفوا وحتى الرجال
اللي ناسب وحدة ومشي حالها مو شرط يناسب الثانية .

بس برضوه صعبة قبل الزواج بيومين
إلا إذا تعرفيه من قبل مثلا قريبك وتعرفي كل شي عنه من الصغر
أو جاركم ومرة علاقتكم طيبة مع أهله ودايما تتزاورا
أما واحد أول مرة تشوفيه في الحياة صعبة ومو كل مرة تسلم الجرة

[بكرى أحلى]

ياحلوه شوفي هو على حسب التربيه اللي ربوك فيها اهلك
وانا اشوف حلو تمسكك

لكن على فكره اجازوه بعض العلماء الكلام بين الخطيب وخطيبه لكن بامور الزواج يعني مافي ابد رومانتك *_^

وهم بعد حلوو التواصل في الخطبه لانه الافضل عشان يتعرف كل واحد على سلبيات وايجابيات الثاني بدون مايصير عقد لانه لو صار عقد وماصار بينهم نصيب لو سمح الله تعتبر مطلقه !

وبصراحه اشوفه بعد بشرط انه كل واحد يظهر حقيقة الثاني في هالتواصل بدون مجاملات ! ولا بلاش هالتواصل الا بعد العقد

والله يكتب اللي فيه الخير يارب
وفي النهايه الطيبون للطيبات

[RaWaQaN]

الاستخاره ثم الاستخاره ثم الاستخاره

[gzl GZLAN]

المشاركة الأصلية كتبت بواسطة rawaqan الاستخاره ثم الاستخاره ثم الاستخاره

هي دي وبس غيرها لو ايش ماعملتي مافي شي بيفيد
والاستشاره احسن شخص استشرته بشغله تعبتني في حياتي الدكتور خالد بن جبير انسان عندو احساس وبيفهمك عالطاير من قبل تسالي يعطيكي كل الاجابااات ويعطيكي الزبده من الاخر عاد متابعه تويتر او اماكن محاضرتو إن شاء الله اروحله الرياض المهمانو ثقه مليون بالميه الله يرزقني ولد زيو نسخه منو اتعب اقوول ذووووق نادر تلاقي دكتور وملتزم وبيفهم وبعدو الدكتور عبدالمحسن الاحمد دول عن تجربه شخصيه

[battota]

سوري بس اللي تقول انو كتابه العقد ليله الدخله دي من اي زمن ههههههههههههههه ؟؟؟!!!!!

[gzl GZLAN]

المشاركة الأصلية كتبت بواسطة battota سوري بس اللي تقول انو كتابه العقد ليله الدخله دي من اي زمن ههههههههههههههه ؟؟؟!!!!!

انا مقتنعه بدا الشي وهو بالاغلب يخطب ويملك سنه وبعدين زواج
تعرفي المشكله في الطلاق مضخمين الموضوع انو علط وحده تحمل لقب مطلقه بينما الاسلام غير كدا
باللهي تتزوج وتتطلق بالحلال اشرف
والا تحصل اشياء بالحرام ويتركها
وترى الرجل العربي في كل مكان نفس النظره بيحملها ونفس الفكره
الا ازا كان الرجل اجنبي تماما اقلك ممكن !!
واحنا في نقاش مو فرض اراء

[DR.noo0oona]

المشاركة الأصلية كتبت بواسطة gzl gzlan انا مقتنعه بدا الشي وهو بالاغلب يخطب ويملك سنه وبعدين زواج تعرفي المشكله في الطلاق مضخمين الموضوع انو علط وحده تحمل لقب مطلقه بينما الاسلام غير كدا باللهي تتزوج وتتطلق بالحلال اشرف والا تحصل اشياء بالحرام ويتركها وترى الرجل العربي في كل مكان نفس النظره بيحملها ونفس الفكره الا ازا كان الرجل اجنبي تماما اقلك ممكن !! واحنا في نقاش مو فرض اراء

اسمحي لي يآعسل أقولك رأيي

دحين مو بس الاخلاق وازا منآسب ولآ لأ هيآ الي تنعرف من دي المكآلمآت
في أشيآء كتير غيرهآ مهي حكآية " فورة " وبس

الموضوع اكبر من كدآ

حقولك كم مثآل ممكن اكون انا بدرس مثلا ومآ بدي اخلف اول مآ اتزوج وهوآ ابوه في المستشفى وخلاص بيفرفر يبغى يتزوج بسرعة عشين يجيب له احفآد هنا حنختلف فلآزم نكون على بينه من قبل ايييي كلام
او ممكن يكون تصوره عن الزوآج انه زوجة تقعد ب البيت تنضف وتطبخ وتربي الاولاد والبنت تفكيرها تكمل دراستها وتمسك مناصب وكدا دا شي لازم ينعرف
يعني اختلافات كتير ماراح تعرفيها غير ب السؤال " شخصيآ" وسيبيكي من كلآم الأمهآت الي كلو خير ان شآء الله ويدبسوكي
وطبعا في النظرة الشرعية هيا 5 دقايق وحتكوني مكسوفة ولا حتقدري تاخدي وتعطي ومو معقول اني كل مرة اعقد واتطلق واصير مآركة مسجلة في الطلآق
هوآ الطلآق حلآل ومو عيب بس مو بدي الطريقة ابدآ صح طز في كلآم النآس بس كمآن خلينآ وآقعيين انا نفسي مآ رآح ارضى بوآحد مطلق مية مرة والرجل الشرقي الي بتقولي عليه بنفسو اهون عليه يتزوج وحده كلمت ولا مطلقة وحيقول كلام بس ولا انها صارت حلال واحد قبلي وانكشفت عليه

وهنآ يجي دور المكالمات دي بضوابط شرعية طبعا ومدام سألنا عن احكآم يعني الشرع يهمنآ ومآرآح نعمل حركآت بزورة

مو كون اني كلمت الولد بكل ادب واحترآم " ونضج " وقدآم اهلي واهله والنآس عشين اعرف طريقة تفكيره صرت مني شريفة خلآص

وبصرآحة أحس مدآم علمآء وشيوخ كبآر " أجآزو الموضوع " معنآتو مره مهم

وتعرفي ازا اخدتي ثقافة اسلامية 3 بتوسع حتفهميني مزبوط

بس،،، رغيت كتير وهرجت بس بجد مزعلني انو الناس مآخدتو فورة وصيآعة وهوآ " حلآل " وبعدين يتزوجو وتبدأ المشآكل ويبدأ مسلسل " أصبري يآبنتي"

[حلم قريب]

المشاركة الأصلية كتبت بواسطة battota سوري بس اللي تقول انو كتابه العقد ليله الدخله دي من اي زمن ههههههههههههههه ؟؟؟!!!!!

والله مدري كيف تقدر تتقبله :(
كيفها مع الخوف والرهبة ؟!