ضروري ضروري ضروري طلاب وطالبات شعبه ha مبادئ اداره..

[لؤلؤة*]

السلام عليكم

شباب بنات ابغى اعرض عليكم فكره وتأيدوني فيه بسرعه عشان أنفذه

طبعا طول الاسبوع واحنا عندنا اختبارات ورى بعض الى الثلاثاء

ومستحيل قدرنا نمسك مبادئ اداره وصعب ندخل فجاه على الاربعاء ونختبر

وانا من البدايه كنت رافضه فكره يوم الاربعاء وهجمت على الدكتور وعلى الكل

ونفسي اعرف مين حدد واختار الاربعاء


الشعبة للي قبل كان اختبارها السبت وشفتو اش هببت واحنا الاربعاء ومعاه اختبارات قبل

حرام يادوب نرجع وننام ولو مسكنا الكتاب وذاكرنا الين بكرنا ماراح نخلصه

ابغى دحين ضروري تأيدوني بفكره اننا كلنا نرسل للدكتور مسج على الجوال وبنفس الوقت على

الايميل ( يطبق حالا) ونشوف رده

ونشرح له انه نبغى ناخذ السبت عشان نذاكر خميس وجمعه مثل الشعبة للي قبل

والسبب الثاني طول الاسبوع عندنا اختبارات واليوم الثلاثاء كان اختبارنا من الساعه 2 لـ 3

وماراح يمدينا نذاكر ابدا ......


اوك اتمنى يكون فيه تفاعل ضروري


استنى ردودكم عبال ماجهز المسج

[تعابيرالم]

بالتوفيق وان شاء الله يتفاعلوا معاكي معنه ماحس حيتفاعل الا القليل
اعملي احتياطك وذاكري وان شاء اللله لو شديتي بتخلصي

[لؤلؤة*]

لا ان شاء الله يكون فيه تفاعل

لانه الحجم مرة كبير وخاصه شابتر 4

وطبعا ماقدرت امسك الماده بسبب الاختبارات طول الاسبوع من السبت للثلوث

وماارجع الا العصريه لانه الاختبارت مرات تخلص 3 مرات 4 ونص

وطبعا صعب اني ادخل على الماده فجاه

يعطيك العافيه على المرور

[Joda Majed]

يآحلوتي آنتي ..

آنآ ولو ولت لمن عرفت انه الاربعاء . بس ربك سترهآ معآيآ

وآتصلت ع آلدكتور وقلت له آجله عندنآ ضغط وآختبآرآت .. قآم قآلي ريحي نفسك وآتغدي كويس وآمسكي كتآبك وحتفلحي

بآلمختصر .. تغير موعد آلآختبآر شبه مستحيل .. لآتعشمي نفسك لآنك حتآكلي ع رآسك

ذآكري آلمحدد وآلله يوفقك يآرب ..

<< يوم آلسبت معآرضين آلطلآب عليه وبشده .. لآن حضرتهم عندهم آختبآر آلخميس ..

[تعابيرالم]

هوا صراحه المشكله ماكان في المذاكره انا كنت مذاكره وختمته وماحليت عشان الاسئله خنفشاريه
وزي ماقالت جودا احلمي ياجل

[تعابيرالم]

يب الجابتر كبير بس جبلنا الاختبار كلو تقريبا من جابتر 1 هههههههههههههههه واممم اش كمان ايوا طبعا انتي لاتذاكري كل شي ذاكري الهرم والاشياء الي اشر عليها والبرتقالي الي تحت في صفحه وبس
واتوقعي انه في مقالي عموما

[لؤلؤة*]

انا كلمته بالكلاس على التليفون

كل شيء اتفقوا مع الاولاد الاولاد يحددو حرام عليه

انا من السبت الى الثلوث عندي اختبار ومااخرج الا مرات 3 ومرات 4 ونص

بالله متى اذاكر والمشكله مو بس انا كثير معايا عندهم نفس اختباراتي انا عارضت وهجمت على الكل

واتفاجا ادخل الكلاس ويقولو الاربعاء خلاص كويز مايهم

لايهم طالما فيه درجات ترفع فوق او تخسف بالارض

اذا الاولاد عندهم اختبار الخميس عندهم الفرصه الجمعه

لاكن انا ماعندي اي فرصه مافي ولا يوم اوف قبله

حتى لو رفض لاتسكتوا ارسلو حاولي لو كلمتين

الله يخليكم حااولو حتى لو قلنا اتعشي ونامي كويس نقول طيب

بس نحاول

[تعابيرالم]

والله ياقلبي مقدره حالتك الله يكون بعونك صراحه مرا صعب وحرام
في ناس يقهروا كذا يفصلوا الاختبارات على جدولهم بدون مايراعوا الغير
شوفي انتي اذا في شعبه ثانيه بتختبر السبت او بعدين انا صراحه الاختبارات الي وقتها مايناسبني اكلم الدكتورة اني اختبر مع شعبه ثانيه
بعدين ياقلبي والله ليتني معاكي كنت كلمته بس انا اختبرت السبت ويعدين ليش الاولاد عندكم كدا ؟
نحنا الاولاد بشعبتنا حبوبيييين وهادييين مالهم حس ولا صوت ههههههههههه نحنا حددنا وهما وافقوا

[لؤلؤة*]

انا كلمته وقتها

قال لي استني اخذ راي الاولاد حرق دمي

قلت له راعي ظروفنا ووضعنا ومن قبلها باسابيع وانا اقول له

دكتور الوقت مايناسب البنات وكثير بنات عارضو بس استسلموا بالنهايه

اتمنى اشوف ولد واحد يوقف معانا ويراعي الوضع

ابغى ارسل له دحين على الجوال عشان يوصل له بسرعه

[تعابيرالم]

يب ارسليله وكاني شفت بموضوع ثاني في بنات بيقولوا في شعبه السبت لو ماقدرتي تخليه ياجل كلميه عن حالتك وقولي بتختبري بششعبه تانيه والله يوفقك