طلب من بنت جامعة ام القرى

[احيائية ام القرى]

السلام عليكم
انا طالبة من ام القرى وابغا انقل لجامعة الملك عبدالعزيز
المهم انا قبل يمكن شهر ونص رحت الجامعه وسالتهم ع النقل قالولي عن طريق النت يبدا تاريخ 1-7
بس عارفين الترم دا حصلت لخبطه مع اجازة الاسبوع

واتقدمت الاختبارات فخايفه يكون اتغير الموعد وما غيرو في النت او انهم يقبلو التحويل عن طريق الجامعه
فعشان كده ممكن وحده فيكم تروح العماده تسالي لو جبيت الجامعه وابغا احول ممكن ولا لازم من النت بسبب اللخبطه الحاصله هدا الترم

معليش راح اتعبكم معايا بس مافي احد ينزلني جده الكل عندو اختبارات خايفه استنى لتاريخ 1-7 وفي النهايه يقولولي لو جيتي الجامعه كان حولناكي والله راح اتجنن وقتها

[R-Kh]

انا الاتنين ماني رايحة
...
التلوت بإذن الله حروح
...
بس حددي بالزبط اسأل عن ايش
لاني مافهمتك تمام
...
حددي سؤالك
وانا التلوت اردلك خبر
..
:)

[احيائية ام القرى]

الله يعطيكي العافيه

الي ابغاكي تسالي
يمديني احول عن طريق الجامعه ولا لازم عن طربق النت بتاريخ 1-7؟؟

[R-Kh]

بكره بإذن الله حسأل واردلك خبر
..
:)

[R-Kh]

رحت سألتهم
...
المهم
سألت وحدة في قسم التحويل
قالتلي انو التحويل حيبدأ من 1-7 ومافي ا ي تغيير
بس برضو تابعي النت الين ما يفتح التحويل
...
ومولازم تجي الجامعة
بعد ما يفتح في النت تروحي عندهم
...
وعشان اتأكد خليت وحدة من صحباتي تروح لوحدة تانيه
وقالتلها نفس الكلام
...
وكمان سألت شؤون كليتنا
قالوا انو برضو 1-7 ومافي تحويل الا عن طريق النت
...
بالتوفيق
..
:)

[احيائية ام القرى]

جزاكي الله خير
الله يوفقك دنيا واخره ياعسل
ريحتيني يالله يريحك

[مشاعل عمران]

بصراحه افدتوني لأني انا كمان ابا احول لي جامعة جده
جزاكي الله خير

[تــايــهــ الــفــكــر]

هذا رابط تعبئة أستمارة التحويل لجامعة الملك عبدالعزيز

http://admission.kau.edu.sa/AccessPa...www.kau.edu.sa

يبداء من 1/7 الى 29/7

لما تفتح الصفحه رابط الاستماره فيه مشكله مدري ليش ( The page cannot be found )

راح يتعدل ولا لا الله اعلم

[مشاعل عمران]

معليش اذا ممكن؟؟
ايش هيا اقسام البنات فجامعة جده وايش احسن قسم؟؟؟
ارجو الافاده

[مشاعل عمران]

بليييييييييييييييييييييييز بسرعه