لعبو في جدولي :((

[حنآن ـآلكون]

امم مي الثنياان هيا تصير شيء لطالبات مستجد اعمال ععام بس مدري ايش بالضبط
ممكن تفيدنا ع الاقل وين نروح

[smasim]

بنات نروح عند مي الثنيان ?نو هيه اللي ماسكه مستجد اعمال وزي ماقالت حنان الكون إذا موهيه فحتقولنا على ا?قل فين نروح وياليت نتفق على ساعة معينة ونروح سوا

[حنآن ـآلكون]

استاذهه مي الساعه 9 تجي ع المكتب
ف يصير نروح لهاا 9 او 10

[د/شهود]

يب اكيد انها رح توجهكم مدام انو قالتلكم توحو لدكتورة خدسجه روحو وجربو حظكم بس الشي دا المفروض والله اعلم عند رئيسة قسم الاقتصاد بس عن نفسي انا مااعرفها ولا اعرف شي عنها

-----

اخوي باورهورس عندي طلب اذا سمحت نبا مين يساعدنا بالنسبه لمادة اعداد تقارير انا ارسلت الايميل امس للدكتور اليوبي على ايميلين لقيتها بس لسا ماجاني رد ومو عارفه اتوجه لمين بالضبط ويكون متعاون

[باور هورس]

أنا صررررراحه ما اعترف بالايميل

لانه تعب عالفاضي والله ماحد يطالع فيه

بعدين اليوبي مو فاضي ل فتح شعبة
هذا الوكيل للشؤون التعليمية
هذا مسؤول عن كل الطلاب والطالبات وأعضاء هيئة التدريس تدريبا عن 70 ٪ في الجامعة
باقي الوكلاء عن التطوير والدراسات العليا والمشاريع يعني مالهم صلاح فينا


الزبدة اليوبي مو فاضي لفتح شعبة لانها بيد وكيل الكلية
يعني موظفين اقل منه عندهم صلاحيات


ا اليوبي يبغاله وجه لوجه ) اما إيميل ما ينفع

اللي يقدر يفيدكم المسؤولة عن ( مستجد اعمال عام ) اكيد عندكم مسؤولة عن المستجدين تشوف موضوعكم وتكلم المسؤولة عن الشعب والتسكين ويفتحو لكم شعبة لكن عشان تحصلو نتيجة
أكتبو اساميكم والأرقام الجامعة والتوقيع في ورقة ( يعني أسامي اللي يبغو الشعبة )
اذا كان العدد كبير رح يفتحو شعبة جديدة


وعلى فكره إحنا صار معانا كذا وبعد اسبوع دراسة فتحو لنا شعبة
لانه كانت شعبتنا تبدأ 2 وعدد كبير من 12 فاضين يعني بريك طويل بعد ما سجلنا أسامينا وبعد اسبوع تقريبا او أسبوعين فتحو شعبة تبدأ 12 والشعبة اللي من 2 زي ماهي
ل اللي ما يقدر


باختصار اي شيء تبغوه
اكتبوه في ورقة واكتبو اساميكم وارقامك الجامعية وتوقيعاتكم
يعني شيء رسمي وقدموه للمسئوله



ههههه

أنا مسكت الخط ونسيت مشكلتكم
انتو تبغو فتح شعبة في وقت معين اذا ماني غلطان

[باور هورس]

في النهاية

الله يوفقكم ويقويكم

التعامل عندكم معقد شوية الله يعينكم عالموظفات

[ls3t shqawah]

انا سار معايا نفس الهرجه اخترت استاذه وفتحت الاثنين ولقيتهم مغيرينها تماما وعصبت وقلت لازم اروح واتفاهم معاهم على الهباله دي وعلى اساس اروح الاربعاء بس قبل ما اروح فتحت مره تانيه ولقيتهم رجعوها نفس الاولى اللي اخترتها يمكن يرجعوها لكم

ويااارب تنحل اموركم ^^

[د/شهود]

انا كيف اقدر اقابلو وجهاً لوجه ياحسره

وبالنسبه للارقام والاسماء اتكتبت على كم ورقة وماحصلنا شي ويقولو مارح نفتح لانو مافي اعضاء هيئة تدريس

احنا طالبنا بس بفتح شعبة زياده وتى ماحددنالهم وقت

الله معانا

[سوسآ]

بنآآت انآآ بروح معآآآآآكممم
بس فين اشوفكم و متـــــــــــى ؟

[باور هورس]

فعلا مشكلة اعضاء هيئة التدريس كانت موجوده عندنا
لكن استاذ واحد مسك الشعبتين

يعني موضوعك فيه اكثر من حل

يا يجيبو استاذات
او يمسكو الأستاذة اللي عندكم الشعبة الجديدة
او يوسعو شعبة

انتو أكتبو اساميكم وروحو للمسئولية اذا ماعندها حل لكم اسألوها عن احد اكبر منها يقدر يحل مشكلتكم


صرررراحه الوضع مزري

مشكلة ما في اعضاء هيئة تدريس هذه مشكلتهم
مو مشكلتكم

ولا يبغونا نجيب مدرسين معانا
هذا اللي ناقص

عموما انتو حاولو بكل الطرق
واذا ما لقيتو رد
في الأسبوعين هذي
خلاص سيبو المادة وانتبهو لدراستكم والمواد الثانية وركزو فيها
وشيلو المادة من راسكم
وكذا خلاص انتو سويتو اللي عليكم
ولا تزعلو او تتضايقو

والله يكتب اللي فيه الخير لكم