اتمنى تفيدوني اليوم ضروري

[mariam moh]

انا طالبة سنة تحضيريه لسا مادرست شي كنت معتذرة سنة ودي السنه بداوم المهم انا السيمستر الي فات كنت خطه ا وكانت موادي الي هيا التفكير والاتصال الخ

بس دحين انا برضو خطه ا بس المواد ااتغيرت صارت ثقافه اسلاميه وعربي الخ


المهم الي ابغا اعرفو اقدر اغير الخطه اولا
وادا كان لا الوقت مرا مو مناسب ليا يعني عندي يومين ينتهي دوامي الساعه 4 العصر مرا متاخر بالنسبا ليا يعني وانا اساسا عندي ضرف ما اقدر اتاخر لدا الوقت وعلى اساس الضرف دا اجلولي سنه رغم اني لسا مادرست شي ابغا اعرف ممكن يعدلولي فالجدول ولا لا مثلا اغير الشعبه لانو في ساعه بريك مالها داعي

اخر شي الي عندو كتب مايحتاجها يكلمني

[غيم الصباح]

مواد الخطة ثابتة ولا احد يقدر يغيرها
وعلى اليومين اللي تخلصي الساعة ٤ اللي هيا مادة الانجلش
لا تخافي ماندرسها لما ٤ الاستاذات غالبا يطلعونا ٢ ونص او ٣
وربي ييسر أمرك ويشرح صدرك

[mariam moh]

وفي شي كمان محيرني فالجدول على حسب الخطه الدراسيه انو سيمستر 5 مواد وسيمستر 4

صح كل المواد 9

انا ليه منزلين لي فالجدول 6 مواد (عربي - وانجلش -حاسب - رياضيات - احصاء - ثقافه اسلاميه )

في غلط ولا هما كدا والله الجدول مره ضغظ يوميا من 8 للساعه 3 وكمان يومين من 8 للساعه 4 العصر

[mariam moh]

امين يارب ويسلموووو غيم ماقصرتي
بس انا قبل شويه كلمت الجامعه قلي ممكن لو معاكي تقرير طبي انو ماتقدري تتاخري لدا الوقت يحدفولك مواد
ان شاء الله يارب يصير الي فبالي

[« غموض »]

مواد خطه أ : رياضيات - ثقافه - حاسب - عربي - انقلش
مواد خطه ب : إحصاء - تفكير - اتصال - انقلش

و باللنسبه للوقت كلمي أستاذاتك ^^

[حربية]

المشاركة الأصلية كتبت بواسطة mariam moh انا طالبة سنة تحضيريه لسا مادرست شي كنت معتذرة سنة ودي السنه بداوم المهم انا السيمستر الي فات كنت خطه ا وكانت موادي الي هيا التفكير والاتصال الخ قصدك خطــة ب ؟!! بس دحين انا برضو خطه ا بس المواد ااتغيرت صارت ثقافه اسلاميه وعربي الخ كيف برضـو ؟؟!! انت الترم اللي فات و ع كلامك درستي خطة ب و دحين رح تدرسي أ المهم الي ابغا اعرفو اقدر اغير الخطه اولا خلاص انت درستي خطة ب الترم الثاني لازم تدرسي خطة أ و مواد الخطة ثابتة من عندهم ؟! وادا كان لا الوقت مرا مو مناسب ليا يعني عندي يومين ينتهي دوامي الساعه 4 العصر مرا متاخر بالنسبا ليا يعني وانا اساسا عندي ضرف ما اقدر اتاخر لدا الوقت وعلى اساس الضرف دا اجلولي سنه رغم اني لسا مادرست شي ابغا اعرف ممكن يعدلولي فالجدول ولا لا مثلا اغير الشعبه لانو في ساعه بريك مالها داعي الإنجليش عادة هو اللي لـ هالوقت ، كلميهم و جيبي تقرير بالعذر اللي عندك ع أسـاس تستأذني و ما تقعدي إلى الساعة 4 .

بـالــتــوفــيــق ^^

[حربية]

المشاركة الأصلية كتبت بواسطة mariam moh وفي شي كمان محيرني فالجدول على حسب الخطه الدراسيه انو سيمستر 5 مواد وسيمستر 4 صح كل المواد 9 ايــوا تــمــام .. انا ليه منزلين لي فالجدول 6 مواد (عربي - وانجلش -حاسب - رياضيات - احصاء - ثقافه اسلاميه ) اش دخل الإحصاء ؟؟!! انت دحين المفروض تدرسي خطة أ ، هذا اللي فهمته منك ، الإحصاء المفروض تكوني درستيه الترم اللي فات !! في غلط ولا هما كدا والله الجدول مره ضغظ يوميا من 8 للساعه 3 وكمان يومين من 8 للساعه 4 العصر أكيد في شي ؟؟!! كـلـمـيـهم ،، انت ما درستي الإحصاء ؟؟!!

و ع الوقت غالبا يبدأ 8 بس الخروج زي ما قلتلك قدميلهم عذرك و شوفي اش يقولولك

[غيم الصباح]

المشاركة الأصلية كتبت بواسطة mariam moh وفي شي كمان محيرني فالجدول على حسب الخطه الدراسيه انو سيمستر 5 مواد وسيمستر 4 صح كل المواد 9 انا ليه منزلين لي فالجدول 6 مواد (عربي - وانجلش -حاسب - رياضيات - احصاء - ثقافه اسلاميه ) في غلط ولا هما كدا والله الجدول مره ضغظ يوميا من 8 للساعه 3 وكمان يومين من 8 للساعه 4 العصر

ايوا في غلط في جدولك
راجعيهم لانو الرياضيات والإحصاء مايجوا مع بعض في نفس الترم
والله يوفقك ويفتح عليك

[mariam moh]

حربيه انا قصدي انو الترم الي فات كانت موادي الاحصاء والرياضيات والتفكير الخ

بس اعتذرت ودحين لما رجعت اتغيرت المواد بس نفس الخطه مو معناته اني درستها

[mariam moh]

عالعموم يسلموووووووووووو حربيه وغيم ان شاء الله يارب يتعدل الجدول