ياريـوف ياعـلك بحـالىا تـروفيــن ..!!

[Aowedh Alsolmi]

السلام عليكم ورحمة الله وبركاتـه ..

صبـاح الـورد للكـل .. وشهـر مبارك على الجميع وغفر الله للكـل ..

تـوي اليـوم ادري عن هالقسـم بالمنتدىا والا انا من عشـاق الشعـر ومن ناقليـه المميزين ..<<< لاتمدح نفسك ولانساك هالقسم الا السنـه التحضيريه ..

الـمهم مشـاركتي الأولى وانشاءلله تنـال أعجابـكم ..

..

..

يا ريوف ياعلّك بحالـي تروفيـن

لاقلّ شوفي وانحنت بـي عصايـه

يمين من نـزّل تبـارك وياسيـن

انك قمر عمري وكوكب فضايـه

أدراك بالخاطر واعاملـك بالليـن

وارجي عسى الله مايخيّب رجايـه

احب من حبك واعادي المعاديـن

وادعي لك الله بالستـر والهدايـه

فقدتك البارح وجريت صوتيـن

هذي وهي ليله وعنـد انسبايـه

كله غلا ياويلي اثر الغـلا شيـن

الله واسالـه لايبـيّـن غـلايـه

من حبها حبيت كـل الصغيريـن

صارت محبتهـم بقلبـي هوايـه

عودتك الممشى على شان تمشيـن

اشد بالثنتيـن واقصـر خطايـه

وليا بكيتي قمت اهلل وتصغيـن

واحيان اغني لـك واردد غنايـه

يضيق صدري لاسمعتـك تونيـن

واجر صوتي من خـلاي بخلايـه

وان جيت ابقفي عنك لدّيت بالعين

الدرب قدامـي واطالـع ورايـه

رد الوفا ياريوف ماابيـه ذالحيـن

ابيـه لـي دارت عليـه رحايـه

ابيه لا منه غـدا الليـل ليليـن

لا اشتدّت الايام واظلـم سمايـه

وابيه لامن صارت العشـر ثنتيـن

اليا اتركونـي عزوتـي واقربايـه

وابيـه لا عـزّوك فـيّ المعزيـن

تدعين رب البيت يغفـر خطايـه

اليا كتب ربـي افـراق المحبيـن

ثم ادفنونـي لابتـي واصدقايـه

توك صغيرة سنّ مانتيب تدريـن

والعالـم الله وش تكـون النهايـه

اما التفتي لي وزيـن علـى زيـن

والا رميتينـي بـدار الرعـايـه

ممـا رأق لىا ..

[تـفـاااحـه]

روعه
سلمت يداك

[Aowedh Alsolmi]

شكـرا لـكم على المـرور ..

تحيتيـ ..

[Aowedh Alsolmi]

شهـر مـبارك ..

[وفاء جدة]

قصيدة جميلة جدا
الله يعطيك العافية

[Aowedh Alsolmi]

شكرا على المرور من الجميـع ..

[رغد محمد]

ابيات رائعة جدًا ....

شكرًا لك على هذا النقل الجميل ..
تقبل مروري ..
رغد محمد..

[Aowedh Alsolmi]

شكرا على المرور ..