مقبولة جديدة

[Tomador]

السلام عليكم...
لقد تم قبولي في برنامج التعليم عن بعد وانا اسكن في الرياض سؤالي من فضلكم:

1/هل السنة التحضيرية امتحاناتها ممكن تكون في الرياض؟؟وان كان نعم ممكن تزودوني بمراكز الاختبارات؟؟
2/هل من المفترض والواجب علي حضور الفصول الافتراضية جميعها؟؟وهل توقيتها صباحي ام مسائي علما ان ساعات عملي من 7 صباحا حتى 5 عصرا؟؟
لكم فائق احترامي وشكري مسبقا

[! سلطـــان !]

عليكم السلام ورحمة الله وبركاته

نعم الرياض من ضمن المناطق الي تعقد فيها الاختبارات للسنة التحظيرية فقط

مكان الاختبارات بأحد فروع معهد العالمية

الحظور الزامي لجميع المحاظرات وتوقيتها بالغالب من الساعه 4 بعد العصر

بالسنة الجديده الله اعلم شلون يكون نظامهم بس ان شاء الله ماراح يكون في تغيير بمواعيد المحاظرات

وتقدرين تخلين اي احد يحضرك ويدخل للمحاظره بدل عنك الين تنتهين من دوامك او اذا عملك يسمح تحضرين نفسك انتي بالدوام سواء عن طريق الاب توب او الاي فون

والمحاظرة الي تفوتك تكون مسجله تقدرين ترجعين لها بوقت ثاني

بالتوفيق

[وليد الغبين]

سلطان انا ابي اسجل << يمديني الحق على ادارة المستشفيات بعد السنه التحضيريه

بعدين الاختبارات اللي تكون في المناطق بس اختبارات السنه التحضيريه

يعني المستويات اللي بعدها نختبر في جده ؟؟

[! سلطـــان !]

المشاركة الأصلية كتبت بواسطة وليد الغبين سلطان انا ابي اسجل << يمديني الحق على ادارة المستشفيات بعد السنه التحضيريه بعدين الاختبارات اللي تكون في المناطق بس اختبارات السنه التحضيريه يعني المستويات اللي بعدها نختبر في جده ؟؟

والله يالغالي على حسب الي سمعته ان هذا المسار راح يلغونه السنه الجايه ويكون للانتظام فقط

السبب راح تكون الدراسه فيه بالانجليزي يعني ماراح يكون متوفر للدفعات القادمه

بس لو حاب تتأكد اتصل ع العماده من هذي الصفحة وتأكد

http://elearning.kau.edu.sa/Pages-%D...%84%D9%8A.aspx

الله يسهل لك امرك

[شروق الحجاز]

الله يكتب لك الخير اختي

[Tomador]

شكرا جزيلا لكل اللي ردوا...
لكن بعد اذنكم عندي سؤال بخصوص الحضور هل يكون تفاعلي؟؟لازم اشارك او كيف؟

[! سلطـــان !]

المشاركة الأصلية كتبت بواسطة tomador شكرا جزيلا لكل اللي ردوا... لكن بعد اذنكم عندي سؤال بخصوص الحضور هل يكون تفاعلي؟؟لازم اشارك او كيف؟

اكيد تفاعلي وتشاركين مع الاستاذه بس من تجربتي بعض الاساتذه هو الي يسأل ويطلب المشاركة والغالبية ما يدقق وخاصه لو كان عدد طلاب الشعبه كبير

يعني انا مثلا الترم الاول كان في استاذ العربي ينشب لنا بالتحضير والمشاركه وكنت احضر نفسي فقط ولا اشارك مع انه يدقق كل شوي يقول وين باقي الشباب ومن هالحكي

والحمد لله تيسرت اموري

وبالترم هذا استاذ الاحصاء من اول ما يدخل المحاظره الين يطلع ما بعمره حضر احد ولا طلب من احد المشاركه يشرح وبعدين يقول الي عنده سؤال او اي شي مو مفهوم يتفظل ...



.

[فاقدة أبوها]

بالنسبة لي الوحيد اللي طلب المشاركة هو أستاذ العربي ,
الباقي بس تسجلي حضور ,
أغلب الأستاذات متفهمات الوضع مايطالبوا بالمشاركة أبداً.

[Tomador]

والرد التفاعلي هو صوت وصورة والا كتابة والا صوت فقط؟؟ اعتذر للاطالة

[فاقدة أبوها]

كتابة,
ممكن صوت للي تبغى بس نادر مايصير.