تدريبي الجامعي في المركز الطبي الدولي ^^

[ريفوو]

السلام عليكم ورحمة الله وبركاته
اليوم حابه أكتبلكم عن تجربتي ف التدريب الميداني في المركز الطبي الدولي والمطلوب للتخرج
بما اننا طالبات كلية العلوم قسم الاحياء تخصص أحياء دقيقة
مطلوب مننا تدريب ميداني يكون ف مستشفى أو مركز صحي لمدة لا تقل عن 60 ساعه
ف مستشفيات ومراكز صحيه تكون الجامعه محددتها لنا
ف انا اخترت اتدرب ف المركز الطبي الدولي المعروفه ب مستشفى فتيحي
كان تدريبي لمدة شهر كامل تحت إشراف د.سمر رباح في الجامعة
6 ساعات ف اليوم
5 أيام في الاسبوع من السبت للأربعاء
الحلو عندهم انهم كانو متعاونين مره ف حكاية الدوام
انا بدأت ف 10 شوال يعني اسبوعين من الاجازة وكملت اسبوعين ف بداية الدراسه
ف نسقت جدولي بمساعدة المشرفة عليا ف المستشفى د.أمل حيدر جزاها الله خير
خلتني اوفق بين محاضراتي ودوامي ف المستشفى بحيث إني ما اكنسل أو افوت شي فيهم
وكمان المستشفى دي حلو فيها دورت قائمة اسبوعيا
يعني فترة تدريبي كان في دورات كتير قدرت احضر دورة عن ال safety ف المختبرات
ودورة عن الPhlebotomy اللي هو سحب عينات الدم من المرضى
وخلوني اسحب عينات واتابع عملية فصلها وتحليلها ونتائجها
وكمان قدرت استخدم اجهزة جديدة ومتطورة ف المستشفى واستمتعت بيها جدا
بعد ماخلصت التدريب المطلوب مني أعمل بحث وعرض Presentation عن تدريبي وأشرح فيه ايش استفدت من التدريب
طبعا كان مع د.سمر رباح جزاها الله خير كانت المناقشه أكتر من رائعه الحمد لله
واستفدت من التدريب اني قدرت اشوف طبيعة عملنا وبيئة العمل الي متاحه لنا إذا اشتغلنا في مستشفى بعد التخرج ان شاء الله
وقدرت استخدم أجهزه جديده
اتعرفت على ناس طيبين لأنو بجد كانو جدا متعاونين الموظفين كلهم

دي تجربتي ف المركز الطبي الدولي مره حبيتها وحبيت انكم تستفيدو معايا منها يمكن أحد يحب يتدرب أو يدور مكان يتدرب فيه
" طبعاً المركز الطبي الدولي التدريب عنده الشهر ب 1500 ريال "
لكن حقيقي يستاهل

وشكرا
^^

[فيتامين B]

ما شاء الله تبار الله ربي يوفقك و شكرا لك لطرح تجربتك في فترة التدريب بالمنتدى
لو سمحت انا ابغى اخذ دورات بالمستشفى الدولى ايش هو القسم المسؤول عن التدريب اروح له واقدم له اوراقي
وشكرا لك

[نــورهـ]

و عليكم السلام و رحمة الله و بركاته ..

ماشاء الله تبارك الله , فترة التدريب الميداني من الفترات الممتعة في الدراسة لآن نطبق اللي تعلمناهـ + نتعلم أمور جديدة و نجربها ..

الله يعطيكِ العافية و سعيدة إنك ذكرتي تجربك هنا :)

فالك التوفيق و النجاح

[ريفوو]

المشاركة الأصلية كتبت بواسطة فيتامين b ما شاء الله تبار الله ربي يوفقك و شكرا لك لطرح تجربتك في فترة التدريب بالمنتدى لو سمحت انا ابغى اخذ دورات بالمستشفى الدولى ايش هو القسم المسؤول عن التدريب اروح له واقدم له اوراقي وشكرا لك

امين يارب الله يوفق الجميع وشكرا علئ تشجيعكم
الدورات تروح للمستشفىالدور الرابع هناك قسم الدورات والتسجيل والدفع ف مركز التدريب