تعالو فيدوني الله يفتح عليكم افاده مرره سهله للكل

[cia1381]

السلام عليكم


انا ناوي ابدا اخذ من المواد الاختياريه ف يا بنات ويا شباب وش افضل ماده اخذتوها اكتبو اي عدد مافي مشكله وخذي صوره موضعه (طبعا للكيمياء الحيويه فقط)

[SoOoma~]

المادة تصير سهله او صعبه حسب الدكتور وكيف سلايداته واسئلته
بس مصطلحات اكيد سهله للكل
هيا ملازم نصورها
عبارة عن مصطلحات طبيه نجزاها ونقول معنى كل جزء بالانجلش وبعدين نكتب المعنى الكلي للمصطلح

الهرمونات كمان كويسه لانها واضحة ومافيها صعوبه بس يبغالها مذاكرة

حاسوبيه ساعاتها 3 ودوامها 3 ساعات
الاستاذة قالت خذوها بالترم الي قبل بحث التخرج
لانها حتفيدكم فيه
اول 3 برامج فيها سهله
السمكس والوورد والاندنوت
البقيه يبغالها تدريب اكثر

هذي الي اخذتها
ايض عقاقير محد يمدحها
مناعه الي اعرفه ان معملها ثقيل
بس رئيسه القسم قالت خذوها حتنفعكم اذا كملتو ماجستير

بالتوفيق

[بيو كيميائية ^_^]

أنا أخذت كل المواد ماعدا منتجات و أمراض و سموم

أدري أكثر من 18 ساعة :$

المهم هرمون دسمة حفظ بس حلوة مفيدة

مصطلحات هذه لازم تاخذها عشان تعرف المصطلحات الطبية و هذه لها كتاب اسمها ميديكل ترمنولجي بس تحفظ أول بأول الكلمات مع السبلينق

تقارير لازم تاخذها مفيدة جدًا تعرف كيف يعمل بحث

حاسوبية لازم تاخذها بعد راح تفيدك في إعداد أي بحث

سموم المادة ذي ماكنت مفتوحه عندنا بس لازم تاخذها لأنها جميلة و مهمة

سرطانية حلوة و سهلة و مفيدة جدًا

أيض عقاقير دسمة بس حلوة بس إحنا كانت الدكتورة مصعبتها أكثر

المناعة أخذتها حلوة و معملها مو دسم بالعكس حسيته سهل و مافيه شيء صعب و أنصحك فيها بعد

تتطبيقية حلوة و لابها سهل شبيه بلاب التغذية

موضوعات الدكتورة حددت المواضيع اللي نبي نتعلمها معانا و حلوة و سهلة كانت تعلمنا أشياء جديدة

منتجات المادة حلوة بس الدكتورة مصعبتها أنا ما أخذتها بس صديقتي أخذتها

الأمراض كمان حلوة و سهلة أخذوها صديقاتي أنا لا

بالتوفيق

[وسام الامان]

الامراض حلوة وممتعة خصوصا اول جزء منها زي بيولجي الخلية
هرمونات سهلة بس يبغالها مذاكرة اول بأول
سرطانية روعة وممتعة وسهلة
مصطلحات رووعة ومهمة وافتكر الدكتورة قالت لنا المفروض تكون اجبارية لان منها تتعرف على المصطلحات وتكون قيد اخذتها في مواد قبل ما كانت تفهم تعريفها بالضبط فياريت تأخذها
موضوعات على حسب مايطلب منك الدكتور وكيف يدرسها
حاسوبية مهمة تتعلم فيها برنامج الوورد ويفيدك لبحث التخرج
ايض عقاقير انا اخذتها وروعة احسها تفيد حتى في الحياة العامة حتى تفيدك لو حبيت تكمل صيدلة مستقبلا ان شاءالله
موفق لك تحياتي
اللهم صل وسلم على الحبيب

[الارقام الصعبه]

بالصراحه المواد تكون على حسب الاستاذه

انا اخذت امراض مع هناء الشريف الاستاذه اعطتني درجه حلوه
سرطانيه مع ارشنا
تقارير حلوه مع هدى
حاسوبيه مع خديجه بالعمش بس مع غيرها لالا
تطبيقيه اخذتها مع مونزا مرره من جنبها بس لو هناء اعطتها خذيها
سموم مو حلوه بس استاذتها اللي هيا اعتقد اسمها ناديه مرره كويسه في الدرجات وساعدتنا

[cia1381]

شكرا لكم والله ما قصرتو بس اللي مستغربه ان فيه ناس اخذ اكثر من 18 ساعه وشي غريب ما ا عتقد السستم يسمح لانك مقيد فقط ب 128 ساعه

[بيو كيميائية ^_^]

لا عادي أنا تخرجت ب131 ساعة

كان ناقصني ساعة و ماتناسب جدولي إلا مادة بأربع ساعات فأخذتها :)

و تقدر حتى تأخذ مواد حرة زيادة