ساعدوني في أسهل مواد حرة ؟؟ [ عنوآن مُعدل ]

[meema-.-]

بسم الله الرحمن الرحيم

السلام عليكم ..

كيفكم أتمنى تكونوا بأحسن حال ؟!

أنا طالبة علم نفس تاني سمستر لسه دوبني نازلي في الخطة مواد حرة ومرررة حايسه ماني عارفه ايش اخد مادة اخاف اورط بمادة صعبة ولا ترفعلي معدلي إلا تنزلي هو ، عشان كده محتاجه تساعدوني في تنصحوني بأسهل المواد الي ممكن أخدها مع اسم الأستاذة الي تعطيها..

وبكون ممنونهه ..

[RhoOof]

مادة فقة السيرة مع هالة كشميري ( قسم الدراسات الاسلاميه )

مرا سهله وممتعه كولها عن الرسول وحياته

وكمان الاستاذه طيوبه وذوق < تأشرر الفصول اللي داخله بالأختبار

انا دحين اتكلملك عن تجربتي فيها , عاد م ادري انتي كيف تعجبك او لا ؟

بالتوفيق حبيبي

[meema-.-]

تسلمي حبيبتي يعطيكِ ألف عافية يارب ..

مافي مواد كمان عشان لو قفلت شعبة دي المادة :(

[نسمة غلآ]

اقناااااااااع مع انمار مطاوع مرررره سهله الماده ... الله يوووفقك

[بنت ناس وقلبي ألماس]

سيرة نبوية مع سمر السيد أو نادية قربان

[meema-.-]

الله يسعدكم حبيبااتي ويسهل عليكم كل صعب يارب ..

[Noor Moon]

بنات ايش رايكم في مادة اسس التغذيه مع ريما تركستاني -الفيصليه
عذرا صاحبة الموضوع ☺

[Sm!le student]

نصيحه وعن تجربه

سيره نبويه مع سمر ابراهيم السيد تأشر وتحزف مرا كتير من المنهج وبالراحه تجيبي تسعين وفوق
ضيفيها وانتي مغمضه كمان

[Ro7y T7Bk]

شوفي يا اختي
انا بعطيلك اسهل مواد ممكن تمر عليكي فـ فترة دراستك و اختاري منها الي يناسب جدولك و وقتك

عندك اول شي
1_مهارات تفكير و تعلم ( الي هيا مهارات اتصال مستوى ثاني ) " comm " مادة تافهه جداً و كدا اخترعوها عشان يقولولك تعالي يا حلوة و خذي A++

المادة الثانية ...
2_الاقناع " com205 " المادة مدري ايش دخلها الجامعة و بتحسي نفسك انسانة فـ التوب مع دراستها لانو مافيها شي جديد كلها طقطقة و فضاوة

عندك ثالث شي يا طويلة العمر ...
3_نحو " arab211 " زييها زي اللغة العربية بس اقل اسهل بكثير و بالراحة بتاخذي 100 ان شاء الله

المادة الرابعة ...
4_ السيرة النبوية و المفروض ما يدرسوها من الحاجات السهله الي فيها

الخامسة
5_اعلام " com201 " مادة حلوة جدا و قريبة من مواضيع الاقناع و ممتعة و سهله

ها تبي كمان ؟؟؟




عندك رياضيات 202

اذا ناوية على نفسك او صحتك فكري و خذيها و راح تدعي عليا صباحا و عشيا مدري ايش هيا دي كمان
الزبدة انو بنقولك كل سنة وانتي طيبة و عيدك مبارك

[meema-.-]

هههههههههههههههههه الله يعطيك العافية يارب ويسرلك كل امورك .. ان شاء الله بشوف وحده منها ..