الشعبه مغلق بليز افيدوني

[abeer alkurdi]

السلام عليكمم جميعا

بليز محتاجه مساعدتكمم

دحين انا خلصت السنه التحضيريه والحمدالله واتخصصت اداره خدمات صحيه ومستشفيات

امس دفعت الرسوم

ولما دخلت ع جدولي لقيت منزلين لي بس انجلش110 وكل ماجي ابغى انزل ماده يكون مغلق :(

ممكن تقولولي ايش الحل الله يسعدكككككم :*

[εqαά αŀώάrđ]

مغلق اي ان الشعبة ممتلئة
اذا احد حذف ممكن تنفتح او اذا توسعت الشعبة ممكن يتاح لك التسجيل فيها

[بكرى أحلى]

وعليكم السلام ورحمة الله وبركاته

عندك خيارين انك تروحي الجامعه وتخليهم يضيفوا لك

او تجلسي تحدثي الشعب امكن تلقين بأذن الله شعبه انفتحت ونزل احد منها وتسجليها عندك

وجربي الخيار الثاني وروحي الجامعه اذا الشعب كلها فل

وبالتوفيق يارب

[abeer alkurdi]

المشاركة الأصلية كتبت بواسطة εqαά αŀώάrđ مغلق اي ان الشعبة ممتلئة اذا احد حذف ممكن تنفتح او اذا توسعت الشعبة ممكن يتاح لك التسجيل فيها

شكرا على المساعده

بس ايش الحل حجلس استنى حتروح عليا المحاضرات :s

[abeer alkurdi]

المشاركة الأصلية كتبت بواسطة بكرى أحلى وعليكم السلام ورحمة الله وبركاته عندك خيارين انك تروحي الجامعه وتخليهم يضيفوا لك او تجلسي تحدثي الشعب امكن تلقين بأذن الله شعبه انفتحت ونزل احد منها وتسجليها عندك وجربي الخيار الثاني وروحي الجامعه اذا الشعب كلها فل وبالتوفيق يارب

تسلميلي حبيبتي :*

الافضل اني اروح إن شاء الله ع الجامعه

والله يعيننا يارب

[Ab_a_di]

الافضل انك تروحي يا اختي

وعندي استفسار اذا تكرمتوا انا بفرع رابغ يعني لازم اروح رابغ ولا عادي اروح الي بجده وينزلوا المواد ؟؟؟

[abeer alkurdi]

المشاركة الأصلية كتبت بواسطة ab_a_di الافضل انك تروحي يا اختي وعندي استفسار اذا تكرمتوا انا بفرع رابغ يعني لازم اروح رابغ ولا عادي اروح الي بجده وينزلوا المواد ؟؟؟

اللي اعرفو انو مو برابغ
لانو انا زيك برضو كليه الاعمال برابغ لكن عايشه بجده وحروح فرع اللي بجده

[Ab_a_di]

شكراً لك اختي الكريمه يإذن الله اروح الصباح وربي ييسر الامور يارب

[Ѝǿǿdŷ]

حتى انا باذن الله بكرة بروح الصباح بس حابة اسأل نروح اي فرع الفيصلية او السليمانية و كمان نروح اي عمادة القبول و التسجيل او التعليم عن بعد ؟
و الله يسهل لنا :(

[Ab_a_di]

رحتي يا اختي ولا لا وايش قالوا لك ؟؟؟؟؟؟

اليوم رحت وقالوا لازم تروح نفس الكليه بفرع رابغ

الله يعين بس بحاول اخذ اجازه بكرا واحرك بعد الفجر عشان اوصل بدري وارجع بدري

دعواتكم ماآروح على الفاضي :(