المشوره منكم مرررره محتاره

[مجهووله]

السلام عليكم ورحمة الله وبركاته
حابه استشيركم وافيدوني لاني مررره محتاره
انا قدمت ع ماستر اقتصاد وادارة والحمدلله انقبلت فيه علما ان تخصصي بالبكالوريوس نظم معلومات ادرية
وبعد ماخلصت اوراق القبول وانتهيت منها جاتني وظيفة ببنك الراجحي وتوظفت الحين حيرتني اكمل بالوظيفه او
اكمل دراستي؟؟ وهل تخصصي بالماستر وظايفه كويسه للنساء؟؟؟ايش حيكون الافضل لو كملت داستي والا جلست بالوظيف وسبت الماستر

[غيم تايه]

المشاركة الأصلية كتبت بواسطة مجهووله السلام عليكم ورحمة الله وبركاته حابه استشيركم وافيدوني لاني مررره محتاره انا قدمت ع ماستر اقتصاد وادارة والحمدلله انقبلت فيه علما ان تخصصي بالبكالوريوس نظم معلومات ادرية وبعد ماخلصت اوراق القبول وانتهيت منها جاتني وظيفة ببنك الراجحي وتوظفت الحين حيرتني اكمل بالوظيفه او اكمل دراستي؟؟ وهل تخصصي بالماستر وظايفه كويسه للنساء؟؟؟ايش حيكون الافضل لو كملت داستي والا جلست بالوظيف وسبت الماستر

وعليكم السلام ورحمة الله وبركاته..

أفيدك ببعض الأمور يمكن تساعدك على اتخاذ القرار المناسب، اهم شيء يا اختي لا تستعجلي ابدا خذي وقتك وقاتلي في كل المجالات إلى اخر لحظة، لا تسعجلي..
اولا- اي طالب يقدم في مجال غير امتداد تخصصه لازم يعرف انه سلك طريق اضعف من الذين يدرسون في نفس مجال تخصصهم ومثال ذلك لا يمكن قبوله في وظائف اعضاء هيئة التدريس بالجامعة.
ثانيا- يمكن للطلبة تنظيم الجداول مع الدكاترة في مرحلة الماجستير بحيث تجعل في يومين من أيام الأسبوع .. وايضا مسألة الحضور والغياب تقدري تمشيها..
ثالثا- نظام البنوك تغير واصبح فترة واحدة، وفيه مجال تحضري بعد نهاية الدوام اعرف ان المسألة صعبة في البداية ولكن بتتكيفين مع الوضع ..
رابعا- إذا الماستر اللي انقبلتي فيه من البرامج العامة فكري بجدية، وإذا من البرامج الخاصة اي المدفوعة وبيكلفك، اقدر اقول راح يستهلك كل مجهودك او ما راح تحصلي عليه في البنك..
خامسا- في الوقت الراهن اصبحت اشوف البنات يقتحمن مجالات متعددة بصراحة، ومن خلال الوسط العام يلاحظ الطموح والجدية، ولا يمنع الاستفادة من تخصصك مستقبلا..

وطبعا حتى لا تقولي ما طلعت منه بفائدة، انصحك تحاولي تجمعي بين الأمرين قدر الاستطاعة، وحاولي تأخذي فيها حتى ينكشف لك العمل تماما، وتنكشف لك الدراسة تماما، وساعتها تتضح لك الرؤية..
اما إذا امورك المالية تمام ويمكن الاستغناء عن الوظيفة إذا ما تعارضت مع الدراسة فأرجح هذا الأمر لأن الماستر يقدمك خطوة إلى وظائف مستقبلية، وبالاضافة إلى الدكتوراه..
وعلى فكرة ليس لدي ادني فكرة عن تخصصك نظم معلومات ادراية، وهل يتبع الاقتصاد والادارة اما لا؟.. ولكني رجل انصح بالدراسة دائما.. خصوصا وان وظيفتك تعتبر وظيفة في قطاع خاص في أي وقت وعلى ادنى سبب ممكن تطير، وفي النهاية الأمر يعود لك..

اهم شيء بعد هذا الكلام ان يستخير الإنسان، ويحسب خطواته، ويستفتي قلبه وأن افتاه الناس وأفتوه، وياليت إذا تجمعي بين الأمرين نحتاج واسطة في الراجحي بصراحة!!!، وتكملي طريقك في الدراسة..
الله ييسر امرك ويسهله، ويعينك ويجعلك مخرجًا ..

موفقه يارب""""

[مجهووله]

الله يسعدك ويجزاك الف خير وضحتلي امور كنت غافله عنها ان شاء الله ربي يختارلي الخيره بينها
مشكوووور ماقصرت