لمن عرف...(كلية العلوم)

[Nymph love]

السلام عليكم...
كيفكم ان شاء الله تمام...
ووكل سنة وانتو طيبين وبكل خير...

انا حابة اسئل...

صحبتي تسكنت فكلية العلوم...

بس مو عارفة اتخصص...يعني هما حينزلو التخصصات..؟؟

ولى هيا تختار التخصص...؟؟<<وادا الحل

كيف تختار تخصصها...؟؟


اتمنى يكون السؤال واضح...وادا في شي مو واضح اسئلو عادي لاحد يستحي

وسلااااااااااااااااااااامتكم....ثااانكس مقدما

[R-Kh]

وعليكم السلام ورحمة الله وبركاتة
...
طالما انها اتسكنت فـ العلوم
تفتح الادويس وتلاقي تخصصات العلوم
وهيا ترتبها زي ماتحب
...
وحتكون مفتوحة اتوقع الى 6 شوال
...
بالتوفيق
..
:)

[Nymph love]

مررة شكرا اختي R-Kh....

يسلموووو...

[*بسمة أمل*]

Nymph love انتي انقبلتي تمريض ماشاء الله مبرووووك عليكي بس ممكن تقوليلي كم معدلك؟؟

[Nymph love]

المشاركة الأصلية كتبت بواسطة *بسمة أمل* nymph love انتي انقبلتي تمريض ماشاء الله مبرووووك عليكي بس ممكن تقوليلي كم معدلك؟؟

اهلين...ربي يبارك فعمرك قلبوو...

انا سحبت من جامعة الملك عبدالعزيز وقدمت فام القرى...

واخترت اتخصص تمريض...

وانتي ايش تخصصتي...؟؟

[gjs]

التخصصات من الاودس ترتبها


و الى خمسه شوال حيكون مفتوح بس
خليها ترتبها من دحين قبل ما يضيق الوقت و تستعجل لأنو يبغالها تفكير شويا

[*بسمة أمل*]

المشاركة الأصلية كتبت بواسطة nymph love اهلين...ربي يبارك فعمرك قلبوو... انا سحبت من عزوز وقدمت فام القرى... واخترت اتخصص تمريض... وانتي ايش تخصصتي...؟؟

انا ياقلبي انقبلت علوم وقدمت في كلية اهلية ومحتارة لسه الله يسهل الا في الخير لينا ياارب :) انا افتكر انتي كنتي تقولي انك تبغي اسنان و لا ؟

[Nymph love]

المشاركة الأصلية كتبت بواسطة *بسمة أمل* انا ياقلبي انقبلت علوم وقدمت في كلية اهلية ومحتارة لسه الله يسهل الا في الخير لينا ياارب :) انا افتكر انتي كنتي تقولي انك تبغي اسنان و لا ؟

الف مبروك على تسكين...

وربي يوفقك قلبوو...ويكتبلك الخير

اممممم..صح كنت ابغا اسنان

بس الخيره فما اختاره الله...

وبتوووفيق للجمييييييييييييييع....

[Nymph love]

شكررررررررررا اختي gjs....

ويسلموووو...