سؤال مهم

[redro0ose]

السلام عليكم ورحمة الله وبركاتة
أنا كنت أبغا أستفسر عن حاجتين مره مهمه
أولا :- كنت اباغا أسأل مكان إستلام البطايق الجديده بالتفصيل وهل المكان حيكون في قسم الكليات الصحية ولا الكليات الثانية
ثانيا :- أبغا أسأل من فين ممكن نقدم على مكافأة الإمتياز وأيضا هل المكان عند الكليات الصحية ولا الكليات الثانية

[Dr~NanoOok]

عليكم السلام ورحمة الله

أولا :- كنت اباغا أسأل مكان إستلام البطايق الجديده بالتفصيل وهل المكان حيكون في قسم الكليات الصحية ولا الكليات الثانية

استبدال البطايق يكون في عمادة القبول والتسجيل في الجامعة العادية وليست في الكليات الصحية

وأعتقد انكم حتداموا عادي في الكليات الصحية أول يوم ببطاقتكم القديمة
وهم حيقولولكم كيف تستبدلوها ومتى

ثانيا :- أبغا أسأل من فين ممكن نقدم على مكافأة الإمتياز وأيضا هل المكان عند الكليات الصحية ولا

الشؤون الطلابية حقون الأسنان حيحصوا العدد للطالبات وبعدها بفترة يسلمومكم الشيكات
وبعدين تروحوا تصرفوها من البنك

[sorena]

يعني انا لازم اروح للشؤون الطلابية في قسم الاسنان واقول لهم : " انا ليًّا مكافاة امتياز عندكم"
والا كيف ؟..

[Dr~NanoOok]

لا , أعتقد حيعملولكم هي على طول

غير ان كل بنات الأسنان ما اتخصصوا وإلا جايبين امتياز
يعني كلكم حتاخدوا المكافأة

[Shy smile]

يا حلوين ما في مكافاه امتياااز في اول سنه جاااامعه


من السنه الثاانيه ومافوق اذا جبتي معدل عالي في الترميين تاخذي مكافاه امتياااز


بس اول سنه مفيش مكافاه امتياز :)

[dina A]

^^^^^^^^^^^^^
الا في مكافأة امتياز من اول سنه الي هيا التحضيري ازا جبتي ممتاز ترمين ورا بعض ودا الكلام قالوه في داك اللقاء الي مع مدير الجامعه وهوا قال دا الكلام بنفسو ... الله يوفق الجميع^^

[zjs]

لو سمحتم أبغى أسأل سؤال أول يوم يسمحولنا بالدخول بالبطاقة القديمة لأنو قالو أول يوم ارشادي في الكلية يعني لازم ندخل لأنو لو رحنا العمادة حيضيع الوقت مع الزحمة

[Dr~NanoOok]

في مكافئة أول سنة بالجامعة
وزي ما قالت دكتورتنا هنا , لازم تجيبي ممتاز في ترمين متتاليين
وقيمتها 1000 ريال


بالنسبة للدخول بالبطاقة القديمة
فأعتقد عادي حيدخلوكم بيها وحيعطوكم مهلة الين ما تستبدلوها
وللاحتياط أول يوم , اطبعوا ورقة إفادة من الـ odus لأنه مكتوب فيها أن تخصصكم طب أسنان