طابعه hp ساعدوني ماعرفت استخدم السكنر

[ايماني سر سعادتي]

السلام عليكم

شريت طابعه 3 في 1 طباعه وتصوير وسكنر سوا


والطابعه فيها 3 ازرار فقط

الاول زر كنسل

الثاني زر لون اسود

الثالث زر ملون


وتشتغل معي طباعه وتصوير تلقائيا



بس شلون اشغل السكنر


انا حطيت الصوره مكان ما توضع الورقه اللي ابي اصورها

و وصلت بين الطابعه والاب توب

وفتحت ملف وورد

وضغطت زر اسود


بس ماعرفت وش اسوي صراحه شلون تطلع الصوره بملف الوورد

اول مره استخدم السكنر لا تضحكوا علي




ساعدوني بالله عليكم وراي تقديم ماستر بعد ايام وابي اقدم على برنامج جداره كمان

ولازم من صور للمؤهل

[saeer]

سبقتني في السؤال الله يعطيك الف عافيه عن استخدام السكنر في طابعات hp

[شواطئ البحر]

بعد ما توصلي الطابعة بالجهاز ما تضغطي ولا زر أبداً

تفتحي ملف وورد أو بور ومن قائمة أدراج تختاري صورة ثم من الماسح بعدين يجيك مربع تختاري ألتقاط

[حبي لذاتي قمة أولوياتي ~]

بعض الطابعات مايكون فيها زي كذا ( إداراج وغيره )

تدخلي على جهاز الكمبوتر ويبان معها الماسح الضوئي كليك يمين بعدين ألتقاط ومعاينة واوكي والتالي ثم تحفظ في الصور بداخل المستندات ~

[عطر الغلا]

في حال ما ظهر لك الماسح في جهاز الكمبيوتر اتبعي الخطوات التالية
بالنسبة للوورد 2007
افتحي ملف وورد .
اضغطي على ادراج ثم اختاري قصاصة فنية .
راح يظهر لك عمود على الجانب الأيسر للصفحة
اختاري من تحت تنظيم القصاصات .
يفتح لك مربع حوار باسم المفضلة
اضغطي على ملف ثم ثاني سطر إضافة قصاصات إلى المنظم ومنها الاختيار الأخير الماسح أو الكاميرا
راح يطلع مربع حوار باسم الطابعة اضغطي على إدراج
راح يشتغل الاسكنر انتظري دقيقة إلى ما يخلص
راح تلقي الصورة بمجلد الصور داخل مجلد باسم
Microsoft Clip Organizer
وإذا مالقيتيها دوري بمجلد الصور بالكامل وراح تلقيها

بالتوفيق للجميع
:)

[noor2010]

المشاركة الأصلية كتبت بواسطة عطر الغلا في حال ما ظهر لك الماسح في جهاز الكمبيوتر اتبعي الخطوات التالية بالنسبة للوورد 2007 افتحي ملف وورد . اضغطي على ادراج ثم اختاري قصاصة فنية . راح يظهر لك عمود على الجانب الأيسر للصفحة اختاري من تحت تنظيم القصاصات . يفتح لك مربع حوار باسم المفضلة اضغطي على ملف ثم ثاني سطر إضافة قصاصات إلى المنظم ومنها الاختيار الأخير الماسح أو الكاميرا راح يطلع مربع حوار باسم الطابعة اضغطي على إدراج راح يشتغل الاسكنر انتظري دقيقة إلى ما يخلص راح تلقي الصورة بمجلد الصور داخل مجلد باسم microsoft clip organizer وإذا مالقيتيها دوري بمجلد الصور بالكامل وراح تلقيها بالتوفيق للجميع :)

/

ياقمر روحي ربي يسعدك دنيا واخرة
بعد يوم كامل من العناء والتعب مع هالاسكنر ماعرفت اسحب للجهاز الا بطريقتك هذى بجد
جزاك الله كل خير ويوفقك ياقمر
دمت بسعادة
نور

[Vision86]

نور مبروك الطابعة الجديدة
وعقبال القبول ان شاءالله

_عندي مشكلة مع hp laser jet m1319f !!!

بدي امسح بطاقتي الشخصية لكنها ماترضى ، لان الجهاز يسحب اوراق ويسويلها سكان والبطاقة مي راضية تنسحب لانها اعرض واقسى

يصير اصور البطاقة بكمرت الجوال ولا ماتنقبل في النظام؟

[ايماني سر سعادتي]

بارك الله في الجميع وجزاكم عني خيرا

عطر الغلا طريقتك هي اللي اسعفتني

شكرا من القلب


واعذروني لتاخر الشكر... رااح الموضوع ورى وتو اذكره

[عطر الغلا]

الله يجزانا واياكم بكل خير
ماسويت غير واجبي
والله يفرح قلوبنا بالقبول في الدنيا والآخرة

بالتوفيق
:)

[دلووعة]

انا استخدم hp

اول شي تروحي لايقونة جهاز الكمبيوتر بعد ماتوصلي اللسلك اللي يوصل بين الطابعة والكمبيوتر تلاقي ايقونة مكتوب عليها hp اضغطي عليها بالزر اليمين واختاري ثاني خيار واضغطي التالي في كل خطوة وبكذا راح تنزلك الصورة على جهازك


بعدها تروحي لبرنامج الورود وتسوي ادارج للصورة اللي دخلتيها للجهاز وبعدها حفظ باسم واختاري bdf



بالتوفيق للجميع