مهم لجميع طالبات اقتصاد منزلي بخصوص الملتقى ..

[أ.شذى]

اشكركم على تفاعلكم وابداء رأيكم
وإن شاء الله طلباتكم رح تتنفذ واخذنها بعين الاعتبار
وانتظرو الملتقى بحلة جديده إن شاء الله :)

[rnd]

اهم شي انه يكون في مكان يتسع لاكبر عدد من الطالبات ...

يعني كم كرسي وكم طاوله تكفي بس عشر بنات ..

لانه كثير يكونوا في الكافتيريا و الملتقى من كليات ثانيه غير كليتنا ..

اممممممم

اهم شي يكون في كمبيوترات فيها نت زي كلية الاقتصاد والادارة ..

حمامات تكون نظيفه أعزكم الله ..

مثل ما قالت زميلتي لازم يكون في مصلى لانه بجد أعاني لمن ابغى أصلي ..

تكون هناك دورات ، أو أشياء ترفيهيه تساعد على الابداع و مسابقات تنمي تفكيرنا شويه ..

و بالنهايه انه يكون مكان مريح لمن تكون ما عندك محاضرة و تقدري تجلسي فيه من غير قيود وبكل راحه ..


بس ان شاء الله تتحقق هذه الامنيات و تصير حقيقه ..

الله يعطيك العافيه على مبادرتك ..

[so0oma]

مشكورين على الاقتراح بس سؤال متى بيصير قريب ولا بعيد؟
اهم شي يكون في نت زي كلية الاقتصاد والادارة و القعدة تكون كافية للبنات وفي شي مره مهم الملتقى مرررره كتمة مافي تهوية ومرواح هذي نقطة مره مهمه وانا وصحباتي مانجلس فيه علشان كذا ويكون بااارد وفيه ستاير وهذا الي عندي وكمان لو يكون بس لبنات الاقتصاد لن الجلسة دايما تكون من بنات برا الكلية وماعندنا مكان هذا طبعا بكيفكم

[أ.شذى]

اشكركم على تفاعلكم
وإن شاء الله قريبا جدا سينفذ
والله الموفق

[mooni]

او لشي مرررررره شكرا على اهتمامكم بارآآء الطالبات ..

انا عن نفسي اتمنى يكون في نت ..
وتكون في تهويه مناسبه ...
والآثاث يكون مناسب والديكور تبع الملتقى يكووون يفتح النفس ..
ويكون فيه الآلات للبيبسي والشكولاته والقهوه ..لانوو مافي بكليتنا ...

وبس

ويعطيكم العافيه

[((المتميزة))]

اول شي هلا فيكي استاذتنا...


اعيد على حكاية النت والتهويه والبساس والديكور والستاير والمصلى
وااكد على حكاية المكتبه للكتب الجامعيه المستعمله والنظافه وثلاجات الحلويات والقهوة

>> اشرايك توزعوا استبيانه على البنات يكون افضل


ومشكووووووووووووورين

[fato0o0om]

فكره مرررره حلوه ومره نحتاجها
وما حضيف شي على افكار البنات ما شاءالله
وفكرة المكتبه مره حلوه
ممكن يكون فيه ركن فيه كتب مفيده نقدر نستعيرها
دا غير النت وان المكان يكون مناسب للبنات
وحلو لو كان يعبر عن اقسامنا احنا الاقتصاد المنزلي بحيث انه يكون مرتب ومكان يحبوا الطالبات انه يقعدوا فيه

وشكراااا

[ساكنه في بيتنا]

ما شاء الله البنات كفوا ووفوا

بأضيف شويه حاجات جات في بالي


مممممم لو يكون في نشاطات متنوعه او منافسات بين الكليات ( الخاصه بالاقتصاد المنزلي ) على شيء ما

مممم ياريت لو يكون الديزاين اللي جوا الملتقي يحسس البنات بالراحه و تجديد النشاط يعني لو في زي الملصقات اللي فيها كلام يحمس و يزيد الثقه بتصميم مريح و محفز


ممممم ياريت الباب كمان لو فيه امكانيه تلصقوا عليه زي الملصقات اللي في الاعلانات بس طبعا تكون بديزاين حلو يدل على انو المكان من جوا مريح ..

مممم كمان شي مدري اذا كان تخصصكم ولا لا

ياريت المكيفات تنظف عشان الواحد يحس انو بيتنفس شي منعش ..



يعطيكم العافيه ..

[أ.شذى]

شكرا لردكم وتفاعلكم
وإن شاء الله اوعدكم بالي يسركم :)
وحابة أخد اقتراحاتكم في اسم جديد لاستراحة الطالبات غير مسمى الملتقى؟؟؟
بحيث يكون مسمى جديد مختلف يعبر عن هذا الفراغ
والله يعطيكم العافية

[Lovely smasm]

اول شي ..مرررة شكرا عالمصلى الحلو اللي على قدنا
واخيرا صار لنا مصلي نظيف بعد ماكنت اتمرمط في الممرات اصلي الضحى والظهر والعص خخخ منجد طوول وقتي بالجامعة
وتانيا ., بصراحة لو سمحتو ممكن تجيبوا اثاث مايهم ازا كان مستعمل بس شي كويس مو الوحدة لمن تجلس فيه كأنها تغوص تحت الماء >_<
وصحيح الستاير مرررة مهمة لانو الشمس عمتني ..وحتى لمن بصلي الشمس عليا
وأفضل لو تكون الطاولات من خشب وطولها مناسب للكراسي لان الطاولات الحالية من زجاج واخاف اتكي عليها بشغلي واكسرها فاجلس عالأرض واشتغل في شغلي
وكمان شكرا عالـ الوكرات بس بصراحة تراها ماتفيدني ابدا !! ليش
لانها صغيييرة بالنسبة لعفشي الكبيرو الكتير .. فطلب انكم تجيبوا اكبر منها وتكتروا منها
وممكن تعلقوا لوحة الاعلانات في مدخل الملتقي لوضع الاعلانات فيه بدل ماتلضقوها عالباب وممكن لو تعملوا لوحات صغيرة لكل قسم من اقسام الاقتصاد لعرض اهم اخبار القسم وكل جديد عنه
وشكرا لاهتمامكم ^_^