للأسف ضاع علي تقديم الماجستير هالسنه!!

[المجادله]

الرجاء لا احد يأخذ اجابه الا من مصدر موثوق!


سبق واستفسرت هنا بأحد المواضيع عن اختبار القدرات 1-12

اختبار القدرات فقط بجده والرياض؟وين المسجلين من القصيم وين مكانهم؟

وكوني من القصيم هل اسجل به رغم ان اختباراته فقط في الرياض وجده واحد الاعضاء رد بأنني بما اني من القصيم اتريث واختبر في 9-4
لأن هناك مقر اختبار بالقصيم
وبذلك فات علي التقديم بالقدرات -ولأني لم اسجل بها قبل ذلك ولم اختبر
يفوت علي ايضا تقديم الماستر بشهر3!!
لأن اختبار القدرات القادم بعده وليس قبله

والحمد لله على كل حال ولا انفي المسؤوليه عن نفسي
بالفعل كان من المفروض ان اتحدث مع المسؤولين بنفسي

ولكن مجرد نصيحه للباحثين عن اجابات ابحثوا عنها عند المسؤولين اولا

[دياري نجد]

أختي المجااادله
مره ثانيه حاااولي تتأكدي
ماأقول لك الا يمكن تكون خيررره
الله يسر لك طريقك

[فواز الرمالي]

ياختي
اعتقد ان المقصود بكلامك
وانا الان لست في موقف من يبحث عن عذر لكلامه
باعطيك معلومه فقط
الجامعه منسقه مع مركز قياس قبل التقديم بشهر يفتح اختبار للقدرات
وهذه العاده كل سنه
وتطمني اذا انهم قدموا وقت التسجيل بالجامعه بشهر 3
فباذن الرب عزوجل وكما هي العاده سوف يقدم موعد اختبار القدرات
وكلامي من واقع تجربه وليس مجرد كلام ينثر بالهواء
وشهر 3 لسه ماجاء
وان غد لناظره لقريب

[Brainiac]

أختي المجادلة... بامكانك تختبري في أي مكان في المملكة .... انتي بس اللي عليك تختارين المكان الانسب لك من بين الاماكن المطروحة.

عموماً ... لسه المجال مفتوح انك تسجلي في اختبار القدرات... الحين فيه " تسجيل متأخر" ... نفس الشي لكن راح تضطري تدفع رسوم أكثر.... يعني ان شاء الله ما ضاع عليك شي.

بالتوفيق لك اختي

[المجادله]

المشاركة الأصلية كتبت بواسطة دياري نجد أختي المجااادله مره ثانيه حاااولي تتأكدي ماأقول لك الا يمكن تكون خيررره الله يسر لك طريقك

أنا في طور محاولة التأكد
وللأسف المنتدى بطوله وعرضه لا يحمل اجابه
والمسؤولين لايردون على الرسائل
.....واكيد كل الاقدار للمسلم هي خيره
أشكرك على الدعاء ووييسرلك دربك ويسعدك اختي

[المجادله]

المشاركة الأصلية كتبت بواسطة فواز الرمالي ياختي اعتقد ان المقصود بكلامك وانا الان لست في موقف من يبحث عن عذر لكلامه باعطيك معلومه فقط الجامعه منسقه مع مركز قياس قبل التقديم بشهر يفتح اختبار للقدرات وهذه العاده كل سنه وتطمني اذا انهم قدموا وقت التسجيل بالجامعه بشهر 3 فباذن الرب عزوجل وكما هي العاده سوف يقدم موعد اختبار القدرات وكلامي من واقع تجربه وليس مجرد كلام ينثر بالهواء وشهر 3 لسه ماجاء وان غد لناظره لقريب

يا أخي
يعلم الله لم أنشأ هذا الموضوع لأجل مكاسب دنيويه او الحصول على اعتذار
خاصة أنني اعلم يقينا انك انما اجتهدت في اجابتك ولم تتعمد الخطأ
وكانت نيتك المساعده


وانما انشأت هذا الموضوع ليكف اي شخص غير متأكد وواثق من معلومته -يكف عن ابدائها-لأن هناك اعضاء كُثر سيعتمدون على هذه الاجابه
خاصة الذين لايملكون خلفيه عن الموضوع محل البحث -كماكنت انا سابقا -وموضوع القدرات
وأؤكد مرة اخرى ان الخطأ بمجمله كان خطأي ولن أحمل اي احد مسؤولية أخطائي

واشكرك للرد
واتمنا حقا ان يقدموا اختبار القدرات القادم
وأرجوا ان نسمع خبر من اي مسؤول يريحنا بخصوص ذلك

[المجادله]

المشاركة الأصلية كتبت بواسطة brainiac أختي المجادلة... بامكانك تختبري في أي مكان في المملكة .... انتي بس اللي عليك تختارين المكان الانسب لك من بين الاماكن المطروحة. عموماً ... لسه المجال مفتوح انك تسجلي في اختبار القدرات... الحين فيه " تسجيل متأخر" ... نفس الشي لكن راح تضطري تدفع رسوم أكثر.... يعني ان شاء الله ما ضاع عليك شي. بالتوفيق لك اختي

عفوا لم أفهم عبارتك الأولى
كيف يمكنني ان اختبر بأي مكان بالمملكه والاختيارات بالقدرات لم تعطني الا منطقتان فقط
الرياض وجده فقط


بالنسبه للتسجيل المتأخر
سبق وهاتفت اليوم قياس وأفادتني الموظفه بعدم قدرتي على التسجيل لإكتفاء هم واغلاق التسجيل؟!

[Brainiac]

المشاركة الأصلية كتبت بواسطة المجادله عفوا لم أفهم عبارتك الأولى كيف يمكنني ان اختبر بأي مكان بالمملكه والاختيارات بالقدرات لم تعطني الا منطقتان فقط الرياض وجده فقط بالنسبه للتسجيل المتأخر سبق وهاتفت اليوم قياس وأفادتني الموظفه بعدم قدرتي على التسجيل لإكتفاء هم واغلاق التسجيل؟!

أنا قصدي انه مش شرط يكون الاختبار بمنطقتك .... يعني عادي ممكن تجين للرياض وتختبرين.... او تختبري بجدة مثلاً لو الظروف تسمح.

عموماً لازال فيه أمل انه يكون فيه اختبار للقدرات مع بداية السنة الهجرية ..... واعتقد ان الاختبار حطوه في الوقت هذا بسبب المتقدمين على البرامج الموازية في "جامعة الملك سعود"....... لان نتائج القبول باقي لها شهر وتطلع تقريباً ... وفيه كثار من المتقدمين لسه ما اختبروا......... ونتائج القبول النهائية ماسكينها لحد ما يرسلوا المتقدمين درجاتهم في اختبار القدرات.


بس تبين نصيحتي؟ ... انا لو منك كل ما فضيت ادخل على موقع "قياس" واحاول اسجل .... ما تدرين يمكن وحده ما تدفع الرسوم ويروح تسجيلها... أو وحدة مثلاً تلغي الحجز... ويصير فيه مكان فاضي.

بالتوفيق ان شاء الله... وربي يسخر لك الشي اللي فيه خير لك بأذن الله

[Brainiac]

قبل شوي دخلت موقع قياس ..... وجربت احجز

في الرياض مافيه مقاعد ( علماً بأنهم مسوين الاختبار في خمس اماكن) ............ بس جدة فيها مقاعد.

طبعاً انا بس حبيت اؤكد على السبب اللي ذكرته انا بخصوص جامعة الملك سعود.....على العموم برضو ما يمنع تحاولين.

[المجادله]

Brainiac

شكرا للتوضيح
ربما 5 اماكن اختبار للطلاب
الطالبات ليس لهن سوى مقري اختبار بالرياض
وهما المللك سعود الملز

وشرق غرناطه

اما جده حتى لو وجدت شواغر من الصعب السفر لها
عموما سأتابع موقع الجامعه علهم يقدمون موعد القدرات في شهر4القادم